Thursday, January 23, 2014

افلام



احنا بعصر قصص مفبركه وتمثيليات

احنا بزمن الدراما والاكشن والافلام

نذوق المر ويصورون لنا المر لقيمات

وتصبح الحياة تحلطم وأكل ودوام

كل شي بطئ نسينا كلمة زتات

لو تبي تسأل قالوا روح نام

عمرها التنميه ماكانت رصيف وشبّات

عمرهاالدنيا ماتمشي بتكروت وكلام

الامل بالقلوب قبل لاينولد  مات

العزيمه اصبحت بداخلنا حطام

احنا بعصر قصص مفبركه وتمثيليات

احنا بزمن الدراما والاكشن والافلام

Tuesday, January 7, 2014

ماغبت وماتبت



بكل مكان القاك 

بتفاصيل هنيه


وبتكوين هناك




بلحظات هدوئي


بانفعالي


بكل لحظه افقد فيها غالي


بكل وهله تهيّالي


بكل شهقه


اتحراك


وبكل مكان القاك


……..



ماعرفت نسيانك


ماأوله على احضانك


لانك فيني


لانك عيني


لانك شراييني


انت ماغبت


وانا ماتبت


يوميه معاك


وبكل مكان القاك


……


غيابك استحاله


انجبرت بملاقاتك


بذكرياتك 


بهمساتك


ان غبت عني


كل مافيني ياك


وبكل مكان القاك



٧-١-٢٠١٤
الثلاثاء

تشكيله وصلبوخ

شالمشكله لو تأزّمنا

عادي لو  تعبنا

لو زاد  همنا

مشّيتوا الغلقه بدمنا

……..

ذبحتونا عوّرتوا اليافوخ

مابين تشكيله وصلبوخ

تبونّا بس ندوخ

الله يسامحكم ويصبّرنا

……..

بعد غربلونا بعد

نبي منكم وعد

ننادي وقولوا ويَهَد

لايهمكم اذا تضايقنا

…….