Wednesday, October 12, 2022

هناك

هناك

انا عايش هناك

بذاك المكان هذاك

بذكرياتي النديه

باحلامي الورديه

كل حلاة العمر بدنيتي

مايعادل لحظه وياك

هناك 

انا عايش هناك

....


هناك ملاذي .. مكاني

هناك زماني ..عنفواني

مليت من عيشة .. هنيه

ابي عيشة الهناك

....


هناك انغرست بحشاي ورده

ترويني وله وموده

هناك الكلام غير اوزانه

هناك لقيتني انا

هنيه سكني الهلاك


...


هناك الدرب اللي اعرفه

هناك ماكانت الروح متكلفه

خسرت وايد من فقدتك

انا ميت من يوم خسرتك

سبحان من بقلبي احياك




مدينه

 مدينه

الحياه فيها ... مستحيله

مدينه

الخطوه بشوارعها .. ثقيله

تنام على انات ناسها

ناموا كل حراسها

صاروا الحراميه حراس

صاروا عيال ناس

وبطريق الحق .. 

صاروا دليله

والحياه مستحيله


...



أصحاب الدم الازرق يسيطرون

واذا انت عليهم ماتمون

لاتطلب اكثر من لقمتك

لاتفكر تشرح قصتك

بأي طريقه ووسيله


والحياه مستحيله


....


الواثق قام يهذي

توفق بولسان بذي

اللي يتشكى سكت

واللي يتنفس انقمت

والشريف انهد حيله

والحياه مستحيله

ياصاحب القلب النظيف

 ياصاحب القلب النظيف

تعايش مع الواقع السخيف

مغصوب تشوف

كل غلط حولك قوي

وكل شي صح يصبح ضعيف

ماعندك حل 

لاتحاول

لاتقدر تزيد

ولاتقدر تضيف

ياصاحب القلب النظيف


.....


العالم تغيّر   تو عّي

احنا بعصر السرعه

الحب بسرعه

الكره بسرعه

عيش الحياة

 واترك التفاني والتفاؤل

على الرصيف

ياصاحب القلب النظيف


.......


لاتفكر تعامل الناس بمعتقداتك

لاتحاول تعيش بدون لاتجرح ذاتك

ساير الواقع

وحاول تقلل على قلبك التكاليف

ياصاحب القلب النظيف


....


اهرب من الواقع بكتاب

بكلمه حلوه

بلحظة اعجاب

عيش اللحظه

لاتفكر بتعديل الاحوال

أملك بهالامل جدا 

ضعيف


ياصاحب القلب النظيف

Tuesday, October 11, 2022

تباهى

  تباهى

اجعل الكذب  

 


أسمى انواع الوجاهه

استرعي للزيف انتباهه 


اغرس على ارض الواقع


بذور الخداع



وانتظر غرسك يكبر

وابني على ارضك اطماع


واجني من مازرعته


غش



وتفاهه


وتباهى 

...


 


خلك متباهي على مسرح الحياة


اكتب حوارات وردد افيهات

 


اختار الأدوار والممثلين

 


واسدل الستار بكيفك



النص بين إيدك 



اجعله دراما 


اجعله فكاهه


وتباهى