Thursday, April 29, 2010

خبري فيني



خبري فيني

من قلت : تحبني


أسرتني

  مادريت

وين رحت وغفيت؟؟

ماوعيت

إلا وجتوفك متوسدتني

خبري فيني

من قلت تحبني

،،،،،،،،،

 صارت الغيمه حذاي

حسيت بقطيرات ماي

خلت الروح متطمنه

أمّنّي قلبه .. وعلى عيوني أأمنه

لأنه قطعه مني

خبري فيني

يوم قال يحبني

،،،،،،،،،،

حسيت بإحساس جميل

نسايم بروحي تميل

وهفّت على يوفي

نسّتني خوفي

وذوّبتني

خبري فيني

من قلت تحبني

٢٤-٣-٢٠٠٩
الاربعاء

Tuesday, April 20, 2010

حياتي



حياتي

أحطها بإيديّاتي

وأهديها لج هديّه

حياتي

وكل كلماتي

بحقّج شويّه


أبي مرّه أنصفج

أبي مرّه أوصفج

أبي أترجم إحساس

بذاتي

ياحياتي

،،،،،،

 يامعنى الحياة

ياكل الأمنيات

تخاف العين تبات

ويطوفها نورج

يانور عويناتي

ياحياتي

،،،،،،،

كلّي تسمّى بإسمج

أبفهم شلون باعلمج؟؟

وأبوح عن اللي فيني

وعن أشواقي وحنيني

كل مانويت

جمالج يفرض سكاتي

ياحياتي

٢٠-٤-٢٠١٠
الثلاثاء

Saturday, April 3, 2010

مامن ردّه




 مامن ردّه ؟؟

لإنك بخست حق المودّه

و ماراح نلتقي؟؟

لإنك تفرح لمّا أشتقِي

مشكلتنا مالها حل

أنا عارف وإنت عارف

من جذيه طالت المدّه

ومامن ردّه

،،،،،،

يصير الزعل من أبسط الأمور

كلّي طيبه ..........وكلّك غرور

يوميّه أنوي أسامحك وأرد

يوميه أقول باشوفك وأصِد

مشاعري صوبك

متجمده

مامن ردّه

،،،،،،

لو أردلك ........ قلبي يمنعني

لو أغصبه  ما يطاوعني

لإنه وايد .... تعذّب

ياما بدنياه .. تغرّب

خلّه يرتاح

مرّه وحده

ومامن ردّه

٢٦-٢-٢٠٠٩
الخميس