Monday, April 29, 2019

وردة بساتيني




انا ماأكتب

  أنسخ آثار عيونج فيني

بعالم حنانج اللي ضاويني

صوتي انجرح

مالقيت من يروي عطش عيني

....


ليش دايم الورد بإيدج يزهر

ليش من ابتعدنا وانا افكر

من اللي يحبونج حاولي لاتعدّيني

.....

ابي انسى اني كنت ولهان

ابي يضحك مني النسيان

وزهور التحدّي فيني تورّد

وعلى غصون العناد أغرّد

وتحتارين شتسميني


....


احرقي  كل الذكريات

بعثري كل الأمنيات

شباجي لنا غير اللي راح

شبقى فينا متى نرتاح

شبقى بعد مامات

ياماي عيني


....

اطيب قلب كنتي ياإنتي

مشكلتج انج مافهمتي

شلون ننهي غموض الذات

وشالفرق بين اللهفه والمعاناة

ياأصل الحرف بدواويني



.....

بابقى القلب اللي يحب

و حسج بالصدر منثور


لج انا الهدب ..العين ..القلب

مثل وردتين تسمع غناوي الطيور


يااجمل ورده في بساتيني



Monday, March 18, 2019

مو خوف

أحداث حزينه

مو خوف .. هي مسأله منت فاهم معانيها

أنا صارت  حياتي بإيديّاتك...... رهينه

هي حاله مابين الأحاسيس وخوافيهــــــا

هو واقع مر وبنفس الوقت شزينــــــــــه

لو تفهمني كان أحلامي عرفت أمانيــــها

لو تحسني كان لقى قليبي من يعيــــــــنه

هي مسأله تناصف كل اختلاف فيهــــــــــا

هي سالفه باختصار غريبه وحزيــــــــــنه

كثرك


مو قدرك

ألمك

ولا

باهدابي أضمّك

قدرك

أحتويك بنبضاتي

وماأخلي بشر 

يسمع كلمة حب

كثرك

ومو قدرك

،،،،،،،

أعطيك الروح تملكها؟؟

ماتوفّي


ولاأقدر

أقول : عطيتك

أحاول أخلق من الشوق

مجرى يجري بالعروق

ويسري بأطراف قليبي

لو إتّعذرلي .... مافهَمتْ

 معاك عذرك

ومو قدرك

علامي


سهّيتك بكلامي

وطيرتك فوق السما

من هول غرامي

خليت قلبك يرتاح

وغمرته هنا وأفراح

وأنا حزني 

واصل عظامي

سهّيتك بكلامي 

،،،،،،،

لاقي لك من يحبك ويرعاك

واللي يمثل السعاده معاك

وهو  مدمره  الخوف

وصرخته بحنايا اليوف

وجرحه بالقلب 

دامي

سهّيتك بكلامي

Tuesday, March 12, 2019

انسان


انا انسان

يخاف عالكل

وينسى نفسه

أنا إيمان 

بالود

وحسَّه

أنا غيمه تروي

بساتين

أنا عروق كلها

براهين

تروي الضميان

أنا إنسان

......

أنا حاله

مايوصفها حرف

أنا قلب

من ضماه جف

أنا إختلافات الزمان

أنا إنسان

.....

أنا الجنون بحالاته

أنا الكون بمداراته

أنا أرض بلا حدود

أنا الكرم والجود

وتكوين الحنان

أنا إنسان

......

أنا مجرد فكره

تحب وتِكره

وتذكر ماتنسى أبد

ماعمري خنت عهد

بس العمر خوّان

أنا إنسان

......

أنا

الرد لو الصوت نشف

أنا

ناي عزف

على تقاسيم الحزن

أنا من الحنيه أحَن

بس محتاج أمان

أنا إنسان

......


أنا نغمة 

ماتنعزف بسهاله

أنا كلمه

نبراتها جتّاله

أنا صرخه مالها صدى

أنا المطر والندى

أنا 

أنا

أنا

أنا تعبان

أنا إنسان


أنا إنسان



أنا إنسان

Thursday, March 7, 2019

دموع ترفه



انتي الاصل 

اصل الوله

اصل الشوق

الضياع واللهفه

الخيال اللي احلمه

وماأعرفه

  انتي  دموعي التّرفَه


انتي الاصل

يابذرة الاحتياج 

يابدايات الامواج 

في بحور الهيام

ياملاذات الحنين

ياارتباكات الحزين

ياسكون الحنان 


ياعمر خله الالم 

يوقف معاي وقفه

مايخليني لحظه

ومايخلي في نهر صبري

  نبع ماينَشْفَهْ

انتي الاصل 


اصل الشوق 

اصل الوله

اصل الضياع 


واللهفه