Monday, February 25, 2008

جريدة وقناة



لو أملك جريده

لو أملك قناة

جان نثرت محبه مسطّره

وخليت للحب بيت وذرى

والبرامج 

كلها غناوي


وسمرات

لو أملك جريده

لو أملك قناة

....

الكتّاب بكيفهم يكتبون

أعلمهم على الكويت يخافون

وتكون بقلوبهم أمانه صحفيّه

بيكتب الشايب قبل البنيّه

هذي تكتب قصيده

وهذا يرسم للصدق

اثبات

لو أملك جريده 

لو أملك قناة

.....

بحط مذيعين غير شكل 

بامنع عن المذيعات الكحل

واسوي مناظره عن الفوضويه

واكشف الناس الانتهازيه

بعيّن مضحي وتفيده

وجاسم ومزنه وآيات

لو أملك جريده

لو أملك قناة

25/2/2008
الاثنين

Tuesday, February 19, 2008

العفو





ماخبرنا قبل قلنا شيعه وسنه


واخوان وسلف وحضر وبدو


هالوطن منّا واحنّا كلّنا منّه


وعند المقدره اسهل شي العفو


ياأهل المطبه وشرق والدمنه


بالشدايد ينعرف الاصيل من اللّفو


لاتسمحون لصوت نوى يفرّقنا


ومن نهل الطيبه ياطيبين إغرفوا


مثل مافيه ناس همها تأخّرنا


فيه ناس بديرتنا ونعم وكفو


ماخبرنا قلنا شيعه وسنه


وسلف واخوان وحضر وبدو
19/2/2008
الثلاثاء

Monday, February 11, 2008

ماأناديك




ماأناديك

هذي دقات قليبي

شفقانه فيك

ماأناديك


...

من كثر ماأحبك


قلبي دقاته تنسمع

ترفّق 

وبقلبي 

ماأوصّيك

ماأناديك

....

بداخلي هيام وأشواق 


أنا عاشق 

زاده بدنياه حلمه 


بدقة قليبي كلمة

أبيك

ماأناديك


...

أحبك ياحشاشة يوفي


أحبك يانظري وشوفي

يابعد قلبي ياروحي 


احتارت حروفي

مادري شسميك

ماأناديك


Tuesday, February 5, 2008

آه يابلد

قرأت في هذا اليوم عدة مقالات في الجرائد وفي المدونات، وقرأت خبرا اليوم يقول ان وزير المواصلات سوف يراقب المدونات ولاأعلم ماهي الاسس الرقابيه التي سيستعين بها الوزير أو المكلفين بهذا الموضوع 
السؤال الذي يطرح نفسه من هو صاحب النظره الثاقبه في ادارة امورنا ومستقبلنا ومستقبل ابناءنا 


نظره ثاقبه

ماهمها تشوف الصّح

ماودها تنصح

تبي التدوده منتشر

والجذوب غالبه

نظره ثاقبه

....

تنوزن الأمور بالعدال

وينمحي رونق الجمال

وينفرض الفراغ والملل

ماله داعي العمل

وهي خاربه

نظره ثاقبه

....

اكتب دلايل لللخمبقه

اشحادك يالمسمار قال مطرقه

تطورق بالأوضاع بقوّه

أمّنهم بحجوه

وأقوال متضاربه

نظره ثاقبه

....

إمنعهم يشوفون حلول

انسى السّنع والأصول

خل منطقك ماكو شي

وهقهم شوي شوي

وقول كيفي للي موعاجبه

نظره ثاقبه