Tuesday, March 11, 2008

طمبحله

تخرّج
سوّوله حفله
تزوّج
نص دينه بيكمله
سووله حفله
صار ريّال
ماقام يتبجبج
سوّوله حفله
قال بيروح رحله
سوّوله حفله
ياله ولد
سوّوله حفله
انقرد
طلعتله ضروس
وإلا بكله
سوّوله حفله
خلّص حضانه
سوّوله حفله
خلّص جامعه
تخرّج
ولاشغله ولا عمله
سوّوله حفله
عقل وإستخف
قصر وضعف
صار طمبحله
سوّوله حفله
هالخساير مفروضه
ويقولون نبي زياده
السالفه فوضه
والفوضه صارت عاده
خلوا السهره تحلى
وسووله حفله
27/2/2008
الاربعاء

101 comments:

Q80 Blogger said...

ههههههه

والله اذكر يوم احنا صغار
كل زواره يوم الاربعا يكتون نون

على اي شي

واحد بدا يمشي
الثاني طلعله ضرس

الثالث نجح بتقدير جيد

الرابع ماقام يسويها على روحه

وعلى قولتك
يبون زياده
ههههههه


يعطيك العافيه
مبدع كالعاده

Anonymous said...

البرك
تستاهل حفلة واللة
وسلمت يداك

`~MnO YeNSa! ~` said...

ترى انت مو معزوم
:P

حلوة وايد

Barrak said...

Q80 Blogger

شخباري نون

وييه

اشكرك يااصاحب التعليق الاول

Barrak said...

حسافتج يا كويت
الله يسلمك ويخليك
مانبي حجي
نبي فعل

Barrak said...

منو ينسى

اكيد انا مو معزوم
لاني ماعندي بكله
وماني طمبحله

Anonymous said...

ana ba3ad abe 7afla :)

hehehe

Mohammad Al-Yousifi said...

خل يستانسوووووون

Barrak said...

Cat

ليش ؟

رايحه رحله

Barrak said...

kila ma6goog

ماقلنا شي بس بسنع

mtfa2el said...

ترى احنا مساكين
شوف الحريم..العزايم و الحفلات اللي على غير سنع
طلعت من الروضة ..حفلة
دشت الإبتدائي ..حفلة
راحت صفها ..حفلة
رجعت من المدرسة ..حفلة
راحت الثنوية ..كبرت شوي قامت تقص على روحها و تسميه استقبال
خذت ليسن ..استقبال
دخلت الجامعة ..استقبال
انخطبت ..استقبال
تزوجت ..استقبال
اولدت ..استقبال
قام يحبي ..استقبال
شات كرة ..استقبال
بعدين عبالك استقبالهم نفس عشواتنا مجبوس دياي و بسم الله !!
لا وين ..لازم بدلة يديدة ..و كروت غير شكل و كراسي ملفوف عليها حرير و و كريستال وورد و الحالة حالة و العشا لازم من الشيراتون ولا يقولون هيلقية
ما علي بس باطلع حرتي شوي
.
.
و مشكور على رايك و ردك اللي اعتز فيه

Barrak said...

mtfa2el

مايندرى منو المساكين

ترى الموضوع يصلح للاثنين الحريم والرياييل

فيه رياييل يستخفون بالحفلات عشان يتشيحط جدام ربع زوجته
والعكس صحيح
حلوه شات كره سووله حفله
احب قطاتك

طلع حرتك حبيبي على راحتك

بالنسبه لرايي وردي هذا واجب
وانا لي الفخر ان واحد مثلك ياخذ برايي

انت اللي مشكور

qesat_5ayal said...

صح صح صح

ولذلك قمنا نخلي كل جم شخص عنده مناسبة مع بعض بنفس الحفلة

أوفر
أريح

:P

Anonymous said...

أفا عليك ماعرفتني دزلي أيميلك وتيييك العلوم الطيبة

Barrak said...

qesat_5ayal

من حبنا لها بنوفر لها

حتى بالحفلات صار فيه توفير

Barrak said...

حسافتج يا كويت

قبل لاادز ايميلي اللي موجود بالمدونه
بتسويلي حفله شنو
لاانا راعي بكله
ولا رايح رحله
ولاطمبحله

هذيان said...

كلامك يا براك همآ بك تعبوي
غدى يؤلمك وضع الحياة الفوضوي
لن نجد بالدهر أنسان سوي
فالألم لا يختلف حتى أن كان غير مستوي
فالعدل كفتان والمجانين جعلوها كفة ليس بهم سوي

آآآآآآآآآآآه يا براك جرعات ألم وحسرة

esTeKaNa said...

لو الحفله نون وبيحذفونا فوق روسنا
راضين
!!
انا اكثر واحده بالكويت يمكن كتو عليها نون
:Pp~
بعدين براك شعب يحب الوناسه واليمعه يالله من فضلك حفله وحفلة
واللي عنده خل يستانس ويستهبل
بس المشكله باللي وعليه يا دوب ياكل ومليون حفله واستقبال
بدل لا يفرح بياهل يديد
تلقاه يوقف قلبه على مصاريف ولاده واستقبال
!!
احلى كلمتين بالبوست:
بكله
وطمبحله

موتوني من الضحك
:))

هذيان said...

براك بوست يديد اقراه

Anonymous said...

براااااااك الموضوع موضوع عقـــــــل

مو كل الناس عندها عقل تعرف تحتفل على شنو و لا على أيش !!!

الحمدلله على العافية

الي يضحكني ، استقبال الحج

ليس ماكو استقبال صلاة عيل !!!

واحد يتعبد يباركوله انزين ليش الخبة و الفلوووس و الصرف على هالمناسبة !!

الله كريم و الله يهدي للعقول رشدها

Anonymous said...
This comment has been removed by the author.
sologa-bologa said...

وياما السهرة بتحلى وبتحلى

والله يستر من الحفلات الياية


ودمت بحب وود

magnoonah said...

بكله

لووووووووووول

وانا على بالي بس الوالد والوالده يقولونها

طلعت صجيه

:)))


الله يسلمك هالحركات لزوم الفشخره والمظاهر

للاسف لانه الناس وايد صاروا سطحيين وتغريهم المظاهر

ودام الخير وايد

الناس ماراح يقصروون

عاد اليوم ياني النون مال ولد رفيجتي بس لظروف خاصه ما سووله حفله

:))

شفت شلون

charisma said...

لوووووووووول
اى والله

احنا عيل
طلعله ضرس عزيمه عشا ونون

قام يقلب
عزيمه عشا ونون

حبا
عشا ونون

مشاا
عشا ونون

مانى قايله
هم عشا ونون
لوووووووووووول

يكرهونك بالياهل
ههههههههههههه


الله يزيد الافراح يا براك
خلهم يستانسون
بهالديره ماكو شى يونس قام

تسلم ايدك
تبى غرض حاجه من العمره
ماشيه بكره باذن الله

Faisal said...

الله الله يامبارك
جميل كل مره تتحفنا بكلماتك جميل جدا
اي والله سوله حفله
خلنا نتغنه
بخسايرنا
بس وناستنا تسوه
بالمعقول
مره بس حفله
ماتزيد
ان زادت تراهي بلوه
ماهي مجرد حفله
باجر كل ماقام الصبح
سوله حفله

Anonymous said...

الله يعطيك العافية أخوي على هالكلمات الحلوة

من صج شي يضحك ويبكي بنفس الوقت

الحين لا صارت حفلة لمناسبة مافي مشكلة

تعال شوف حفلات مالها مناسبة ولا داعي

البنت بتعزم رفيجاتها
سوو لها حفلة ودي جاي وبوفيهات

المرة حامل بالشهر الخامس
تتشرط على خواتها أبي استقبال حق ولادتي لا صار ولا استوى
أنتي قولي يالله السلامة بعدين سوي استقبال
خافي ربج ما تدرين ضناج يطلع سالم والا مريض
ونصيحتي بدال هالفلوس اللي تقطونها
على حفلة رايحة وحفلة ياية
تبرعوا فيها حق محتاج والا دفعة بلا عنكم
والا صدقة جارية تنفعكم بالدنيا والأخرة
قال تعالى
" إن المبذرين كانوا إخوان الشياطين"

أعذروني يمكن قلت كلام مو من حقي
ويمكن يضايق ناس وايد
بس هم يقرقع بقلبي
عاد لا تقولون بقلبي حفلة قرقيعان
لووول

أخوي براك
بوستك جداً رائع

وعسى الله يهدي الجميع ويكثر خيرهم

تقبلوا تحياتي

Barrak said...

هذيان

احترم جدا تفكيرك فعلا فالمقصود بهذه الابيات هو ماكتب من قبلك

من يتأمل الابيات يجد ان هناك كلاما تحت السطر لابد من ان نفهمه ونستوعبه
الحفله كنايه عن امور فوضويه لاتعجبني

اشكرك

Barrak said...

esTeKaNa

لا لا يااستكانه اكثر واحد كتّوا عليه نون اهو انا
ماتشوفيني صلّعت من كثر ماهالحلاو يقطونه قط على يافوخي شوفي شصار

حتى اللي عنده يستانس بس يخاف الله بوناسته
الدنيا مو كلها حفله
الدنيا رحله

بالنسبه للبكله والطمبحله
كل من بقلبه شقى اللي له

Barrak said...

هذيان

ان شاء الله

Barrak said...

Mai

هلا بهالطله

فعلا الموضوع موضوع عقل

والسنع مطلوب بكل شي

اشكرك

Barrak said...

sologa-bologa

احبك لما تفهمني

اشكرك

Barrak said...

magnoonah

البكله مايعرفها الا اهل الديره
او مايعرفها الا الكويتي التمبتي
وسإلي الوالد الله يحفظه شنو معنى تمبتي؟

ترى ناطر الرد

Barrak said...

charisma

حلوه قام يقلب

والاحلى ماني قايله

هههههه

بالنسبه للعمره
تروحين وتردين بالسلامه
ابي شي واحد ادعيلي

Barrak said...

Faisal

منو هذا مبارك

هو مين مبارك ده
انا براك
مبارك كان مأجّر عندنا وطلع


اشكرك على وجودك

Barrak said...

حنين الشوق

يعافيك ويخليك

قولي اللي تبينه
ومحد بيتضايق من احد


والظاهر والاكيد بقلبك حفلة قرقيعان

اشكر مرورك

عيون الحب said...

هههههههه
والله ضحكت
تقول ناس ماعندها شغله
تصبّح وتمسّي على حفلات ههههههه

حلو الواحد يستانس بس المبالغة في الشي تفقد تميزها

يعني لو كل يوم والثاني حفلة
ما راح تتميز حفلة هالشي من حفلة هذاك الشي
وفي النهاية الناس اصلا نفسها بتمل

حلاة الشي لما يجي بعد فترة ويستحقه

بس سؤال!!

شو يعني نون ,, وطمبحله؟
اشوفكم تضحكون على هالكملتين ههههههه

Barrak said...

عيون الحب

والله سؤالك وردك ضحكني
الله يسعدك

شوفي يابنت الامارات
اولا فعلا المفروض علي اني ابين معاني الكلمات لاني وايد اختار كلمات كويتيه قديمه فالمفروض اني ابين المعنى
ومعذوره

انا اقولج
النون
هي حفله بسيطه كانوا بالسابق يحتفلون بالطفل عندما يتأخر بالمشي ويمشي يسووله نون او الطفل اللي طلعتله ضروس يكتون عليه نون
يكتون النون اي يتوسط الطفل والعاده يكون بمكان مرتفع ويرمون عليه المكسرات والحلويات على راسه ويتسابقون الاطفال لأخذ نصيبهم من الحلويات والمكسرات وهذا للفقراء ام الاغنياء سابقا فكان النون يختلط معه قطعا نقديه بالاضافه للمكسرات والحلويات

الطمبحله
وهو الشخص العريض والقصير اي السمين وكأنه طمباخيه
والطمباخيه هي الكره باللفظ الكويتي
بعد فيه سؤال والا الامور واضحه

يالله عاد سويلي حفله

ezain_kilah said...

إي شعليه؟ يستاهل حفلة :p

Barrak said...

ezain_kilah

اسقوه من كنافة الامير زهير

يستاهل براك يستاهل

ماوصيكم عاد هالله هالله فيني

برنسيس إيكاروس said...

يا عزيزي يا براك
كل الي قلتة صح مية في المية
الناس أصبح كل همها الجري وراء المظاهر التافهة والنفخة الكذابة
حتى أصبحنا شعب استهلاكي بجدارة
نحسد عليها
يراد لنا وعيا من نوع آخر حتى نستفيق من هذا الوهم الذي اسمه الصرف العشوائي
عس الله يصحينا لنستفيق من سباتنا وتعود الكويت المختطفة من كل الأشياء والجهات
نتمني يا ابني العزيز
مودتي
منى

Barrak said...

برنسيس إيكاروس

صدقت ياسيدتي

فعلا اصبحنا شعب استهلاكي
بالنسبه للاستفاقه من هذا السبات والوهم

مااقول غير الله كريم

واشكرك على كلامك لي في حديقتك اقصد مدونتك

فتى الجبل said...

اشرايك نسويلك حفلة

على نفسها جنت براقش said...

شوف اما هالشئ بالكويت من زمان و انا ما ادرى

او لما كبرنا درينا بالوضع الحزين

تعتقد لو كل شئ بفلوس مثل التعليم و الرعايه الصحيه
و الماى و الكهربا اغلى من الحين

راح يسون حفلات؟؟ما اظن

بيخلون فلوس الحفلات للاهم

Anonymous said...

براك يا بطل القصة شوف شسويت بالعالم
مدونة حسافتج يا كويت

|:| DUBAI |:| said...

بوست صاروخي

أهنيك

!!

صبا said...

!! وااايد احب الحفلات

واذا سويت حفله بعزمك

9ahba'a said...

اقول براك؟ تذكر تشكيلة اول مجلس امة في الكويت؟

تتخيلهم يطالبون بزيادة 50 دينار؟

شفينا صرنا جذي؟

هذيان said...

صباح الخير براك

لنك جديد

Barrak said...

فتى الجبل

انطر خل تطلعلي بكله

Barrak said...

على نفسها جنت براقش

اعتقد راح يستمرون بالحفلات

اشكرك

Barrak said...

حسافتج يا كويت

انا ماسويت انت اللي سويت

حتى لو القصه خياليه
هم وايد علي

اشكرك

Barrak said...

دار الحي دبي

حلوه صاروخي

اشكرك

Barrak said...

صبا

مابي كلام
ابي افعال

انا ناطر

وبنشوف

Barrak said...

9ahba'a

تدرين ليش صرنا جذيه

يبونا جذيه

فيه شي انا كتبته واعتقدت انك راح تصيدينه

ناطر اكتشافك

Barrak said...

هذيان

صباح النور

من غير لاتقولين انا وصلت

صبا said...

مبارك !!

مو براك

Barrak said...

صبا

والله براك

Shaima'a Alkandari said...

مادرى ليش يت هالاغنيه على بالي

امي مسافره وحعمل حفله

الناس يدورون ياخوي الوناسه ومايهمهم السالفه الاصليه بس اسمها حفله والسلااااااام

هذيان said...

ابهمس للقوافي وأوزنها أيات وأقصد
وابدع للعشق احرف قلب العاشق يغنيها
وبأكتب لهوى نفسي شئ ما قالته أهل نجد
أبي أرضي غرور النفس وأميز حب غاليها
وأجمل الشعور بوصف ما يجيبه قلبي أحد
وأجنن الحروف بمعنى وأنا هذيان وأسويها
حبيبي كن حكم كسرى تملك قلبي لأقصى حد
ووقع على صك روحي بختم السرايا شاريها
لايبيعك بالنخاسة ولا يحرر من سطوته عبد
من يخلص روحك منه نزعة هولاكو معتليها
يعني مثل ما قيل بالغصب واللين والعند
هو حبيبي الروح وبأسكت لا أجنن قوافيها


صباح الخير يا براك
تلك الكلمات أهداء لك ولمن أتعب قلبك
وجعلك تصيغ كلمات جميله في مدونتك
لا أريد أعادة وزن الأبيات ولا كتابتها بمسودة ولا أعرف ما كتبت
لكني من خلال كتاباتك أستشفيت نوع من معاناة القلب في نفسك
والله لا أعرف ما كتبت ولكني وصلت إلي صورة من داخل نفسك
تلك أهداء لك ولمن في قلبك
من صديقتك هذيان

ياقلبي ابتسم said...

لله في خلقه شؤوون :)

يعطيك العافيه براك على احساسك الحلو :)

enter-q8 said...

سوله حفله
كويتي و يستاهل
سوله حفله
حكومته طمبحله
سوله حفله
من حقه البلد تفرحله
و حكومته تطنشه و ما تعزه
بإختصار
مولد و صاحبه ضايع

فراوله said...

مساالورد والجوري
مساالحفلات والطمبحلات
مبدعنا الراقي
هذا سلك الكويتين باغلب المناسبات
كلما نطز شي سوله نون وعشا
الله يزيد ويبارك
ويزيد المعاشات بعد
هههههههههههههه
دمت بدفء وعذوبه
ابدا
:)

faithy said...

لوووووووول

7osen said...

نبي بوووست رومانسي

قصيدة من كلامك إللى يدش القلب

:)

Kuw_Son said...

ههههههه حلوة .. يالله صفقة .. و سوله حفلة
:P

Manooya said...

وااااي جنك حاس فيني


كله اتحلطم على هالحفلات الي مالها داعي .. اخر شي ضحكني من قلب حفلة استقبااال بصالة كبيرة ومعروفة ودي جي وبوفيه وفعاليات الي تبيه عشان مولوده يديده =\

انزين بالله هذي شفهمها بالي قاع يصير حوالينها لوول بس شعب يحب الفرفشة شتقول =)

خلهم يستانسون يبااا


المشكلة انهم يبون هديه :P


انزين ما عليك امر تحجزلي صالة بسوي حفلة استقبال بمناسبة وظيفتي اليديده لوول ;P

Unknown said...

كاااااااااااااااااااك

سوله حفلة

انت عجيب عجيب عجيب :)

هـــدب said...

هالخساير مفروضه
ويقولون نبي زياده
السالفه فوضه
والفوضه صارت عاده

وصح لسانك ولا هنت يابراك

عثماني said...

براااااك شلونك يا خوي؟؟

يا خوي شر البلية ما يضحك

و الديرة من كثر البلاوي اللي فيها صارت تضحك

اقولك شي ؟؟

سمعت عن وحدة سوت حفلة ليش ان الحلاقة الفلبينية اللتي تقص شعرها ردت من اجازتها

مسخرة

kuwaitya_7saweya said...

لوووووووووووووووووول
لوووووووووووووووول
اي والله
لا وزادوهم وماعجبهم بعد

الزين said...

براك شفيك عليهم
ناس مطربه حالها
وتبي تونس نفسها
تسوي حفلة على الفاضي والمليان

انت ما تشوف اللبنانيين
انطقوا سووا حفلة
طقوا سووا حفلة
ماتوا لهم عشرة سووا حفلة
ماماتوا هم سوووا حفلة

ناس تحب الحياة

ولهت على التعليق هنيه

Barrak said...

Shaima'a Alkandari

هلا فيج اختي
فيه واحد بأغنية امي مسافره طمبحله

Barrak said...

هذيان

اهدائك تشرفت به قبل ان يصل

كم انت راقيه
طبيعيه اسطرك وصلت بعمق
اشكرك

Barrak said...

ياقلبي ابتسم

الشمس من وين طالعه اليوم

شهالغيبه
عليج غياب وغرامه

Barrak said...

Enter-Q8

هلا فيك يالغالي
حكومته مو طمبحله

حكومته عدله
بس جنها رايحه رحله

Barrak said...

فراوله

هههههه
ضحكت على كلمة الطمبحلات
عاد صج ماادري شنو جمع طمبحله

اشكرك على مرورك

Barrak said...

faithy

لول لول

Barrak said...

7osen

عطني جو رومنسي
اعطيك شعر رومانسي

بهالغبار ماأقدر الا على الحفله

Barrak said...

Kuw_Son

لا الحفله من غير صفقه

الحفله لازم يكون فيها ردحه

Barrak said...

Manooya

على هالطله من بعد غياب نسويلج حفله بصاله
بس بشرط
كل المصاريف عليج
احنا بس راح نردح

Barrak said...

Mishari

اشكرك

Barrak said...

هـــدب

صح بدنك

Barrak said...

عثماني

هلا فيك استاذ عثماني
ياخي ولهت عليك
هذي اللي سوت حفله عشان الحلاقه الفلبينيه انا اقولك شقصتها

اهي سوّت حفله لانها بغياب الفلبينيه انكشف ماكان خافي بين ويهها وشعرها الهوله
وبعد ماوصلت الفلبينيه اكيد بتسوي حفله لانه محد يعرف حق عناقيصها الا اهي
الحمد لله والشكر

Barrak said...

kuwaitya_7saweya

انا قدساوي متعصب
بس من من بعد سنة 1993 واانا مااشتهي اشوفهم
واذا تعدلت اوضاعهم بسوي حفله
اشكرك

Barrak said...

الزين

انا مافيني شي بس لازم ابين لهم انه النعمه زواله والله زواله

وبالنسبه للبنانيين اكثر ناس ينطبق عليهم ترى النعمه زواله

ومثل ماولهتي على التعليق هني
هني وله على تعليقك

شرفتينا

بـوبـحــر said...

اقول براك حبيب قلبي

من بعد الظمأ اتينا نفرح خرج الينا كل متبجح وقف فرحتنا ..قال لما تفرح يافقير يا بان الفقير ..قلنا لللنسى فقرنا وهمنا اولا ترى القيود على اردلنا وايدينا فهل تقف امام فرحتنا وان ضحكنا وا انشدنا ..فقال ابن المتبجح كافكم ضحك يا ابن الفقراء كافكم ضحك يا حثاله المجتمع نحن الاغنياء لنا الحق فقط للضحك ولا لغيرنا له الحق ان يضحك ..وان رياناكم تفرحون قسما عظما لانجلعنكم اضحكوكه على كل المعايير ..
عيرونا فقرنا وقلنا نعم نحن فقراء ولنا الاخرة


تحسدنا على وناستنا يا براك خلنا ننسى همنا شنو يعني اذا فرحنا حق ياهل ولا حق ولد تخرج وسوى ونجح

ماتبينا نفرح علشان احنا عيال فقر ؟؟

يابراك اثروا فيك الرامس المالين الحشرات

اثرو فيك هذول الي يقولون اذونا البياسر قامو يصيرون جيرانه

اثروا فيك ؟؟؟
ماهقيتك جذي صج صج ماهقيتك جذي

تعاير الفقير لانه فرح وستانس

واذا ستانس وفرح ماله حق يزيد من مدخوله

هذا دليل لعدم حاجته للزياده جذي وصل فيكم الحال

Barrak said...

بـوبـحــر

بما اني حبيب قلبك بآخذ راحتي بالرد عليك

انا ماأتأثّر إلا في الشي الراقي
وين معايرتي للفقير
وين المعاير اصلا

هذه القصيده ان جاز التعبير اقصد فيها امورا لم تستوعبها انت بالذات
هي اكبر من موضوع حفله وأكبر من موضوع زياده
ومنو اللي حاسدكم على وناستكم
استانسوا بحدود المعقول
استانسوا وفرحوا لسبب عشان تكون للفرحه لذه
مثل مافيه ناس يكتون نون على ياهل توه بدا يمشي بحفله بسيطه فيه ناس يجيبون فنانين بالاف الدولارات لساعه وحده
دائما عندما اكتب موضوعا اهول فيه الامور لتصل الصوره وان لم تصل مالي ذنب
لك حق انك تصورني باي صوره تشتهيها
ولك حق تنتقد وماتوافقني بالراي
ولك حق تقول ماتبيه انا فاتح مدونه عشان اتقبل كل الاراء
ماهقيتني جذيه مادري شنو جذيه
عموما
ملزوم علي اني اشكرك
لاني حبيب قلبك

بـابـل said...

مساء الورد

:)
إي والله شكثر في من هالنوعية

تسلم يابراك


وبس


بابل

Aldenya said...

صح

هذا الواقع

احنا كل ماصار شي سوينا حفلة

مو ماكو شغل

ومرة وحده

يمعه ووناسة

:>

تسلم هالايادي يا براك

Peace said...

واحنا شمأذينا غير هالمجاملات

هذيان said...

صباح الخير براك

براك ما سر ذاك الشقاء
وأمل أطفئ في ظلمة المساء
فربما غدك يحمل الفرح والهناء
فجميعنا ينظر إلي الله بعين الرجاء
فحديثك يا براك يرجع الشجون
ودمع حبسته الأيام في وسط العيون
وآمال ضاعت بين همآ وضنون
فالجميع يخالفون ما يقولون

vancouver said...

لوووووووووووووووووووووووووول



ونجح وياب الشهادة
ورجع من كندا


سووووووله حفله
!



لا لا حفلاااات
شنو حفله
؟

الموديل اليديد
وحده تطلقت
سوت حفله
لوووووووووووول
والله من صجي
من كثر ماكان ملووووع جبدها
ههههه
تصدق
هم سوت حفله
!!

Barrak said...

بـابـل

مساء الفل
الله يكبرهم بعقولهم

اشكرك

Barrak said...

Aldenya

ماكو شغل
هذي الكلمه اللي موديتنا بداهيه

Barrak said...

Peace

احنا أصلا عايشين عشان نجامل

Barrak said...

هذيان

صح لسانك

جميل ماقرأت
والاجمل احساسك

Barrak said...

vancouver

اذا رجع من كندا بنسويله حفله
وبنكت عليه نون بعد

بالنسبه للي تطلقت هذا اكيد الزوج من النوع اللي طول عمره منفّس على ماميش

اللي يعيش ياما يشوف

قلوب بتغنى said...

خلينى اناديك
اه يابلد
صباحو عسل فى الاول
اول زياره لمدونتك
وشكل مرارتك انفقعت من بلدكوا كلها والحال من بعضه يا معلم
وكده دليل على الوحده العربيه
شوفت متوحدناش غير فى الهم
عموما زيارتك اسعدتنى جدا
بس رايك مش صحيح
عموما سعيده بمعرفتك
اشطات

Barrak said...

قلوب بتغنى

فعلا اه يابلد معبره اكثر من براك
صباحك فل ونرجس

اهلا بهذه الزياره
بلدنا شويه احسن اوضاعها منكم
بس فاضل كم حاجه وحنحصّلكوا
واشكرك

magnoonah said...

الكويتي التمبتي

هو الكويتي ابا عن جد
يعني تاسيس مو تجنيس

ونظره بطرف العين


هذا المختصر وماراح اقولك شسوا الشايب العود يا الشيوب



عناد فيك
:P

Barrak said...

magnoonah

انتي صح