Friday, November 9, 2007

أدري فيه



أدري فيه

دوم يكابر

والوله شاقيه

أدري فيه


كبرياءه كاسيه

أدري فيه

....

مبيّن  إنه ناسيني

وكل قطعه بقلبه تبيني

معاندني وروحه تلومه


مومقتنع باللي يسويّه

أدري فيه

...

يزعل ياخذله يومين بعناده

جان فادني عنادي اذا فاده

يسوي مابداله بيرجع

يوم.. يومين... أربع

واللي خلاه بيرد ويناديه

أدري فيه

31/07/2007
الثلاثاء

53 comments:

charisma said...

الله

حبيت هالشعور

على قولت محمد عبدو
حبيبى واعرف اطباعه
زعله ما يدوم ساعه


تسلم ايدك براك
:)

Nora said...

حلوة الثقة خااااااصة
اذا بمحلها بيرجع يعني بيرجع
:D
كلش مو مقروصة من السالفة ههههه
.
.
يكابر فيها تحدي
يتدلع احسها احلى

و كل شي منك حلووو بلاااا شك
:)

mtfa2el said...

مشكلة باللي يكابر و ما يرجع
و يظل يكابر
ارد أقول
اييييه
و على البلوق اللي طاف
دام انك حافظهم عندك
حطهم بكتاب تراني اول واحد باشتري و بايي اوقعه منك
و الله ترى وايد من اللي ما يعرفون شنو يعني النت و عبالهم قوقل اهو الإنترنت وريتهم كتاباتك و انعجبوا منها ..شد الحيل و حطهم بكتاب

Mohammad Al-Yousifi said...

انت تدري بس اهو يدري انك تدري؟

DanDash said...

أدري فيه
دوم يكابر
والوله شاقيه
أدري فيه
مو صابر
وكبرياءه كاسيه
أدري فيه
مبيّن لنفسه إنه ناسيني
وكل قطعه بقلبه تبيني
معاندني وروحه تلومه
أدري يتجاهل همومه
مومقتنع باللي يسويّه
أدري فيه
يزعل ياخذله يومين بعناده
جان فادني عنادي اذا فاده
يسوي مابداله بيرجع
يوم.. يومين... أربع
واللي خلاه بيرد ويناديه
أدري فيه


كالعادة روعة براك

بس تدري شنو الي حسيته و انا اقرأ لا شعوريا قلت ليش الإنسان يمر بحالة غباء و الله جد يعني ساعات ودك تقوم و تكوفن الي جدامك من حالة الغباءو التبلد الي تصير

سوري براك اذا الرد مش ولا بد بس و الله ساعات تصير اشياء غبية جدا

Najmah said...

مهما نكابر
يردنا حبنا وشوقنا لهم

حلوة طبعا
تسلم حروفك واحساسك

بـابـل said...

يسلم أحساسك العاصف أخوي العزيز

ماشاء الله عليك مشاعرك غزيرة مثل غيم الشتا

تسلم ويسلم نبضك


وبس


بابل

qesat_5ayal said...

تتوقع يا براك أن مساحات الصبر في قلب الحبيب تتقلص أو تكبر مع هذا العناد او التكبر
؟

ربما ليس تكبر بمعنى التقليل من شأن الطرف الأخر
لكن تكبره بمعنى انه يريد المزيد والمزيد مما يسمى بمشاعر حب وما يتبعه من ترف


كلماتك تلمس واقع

الـفــــجـــ الــبـــعـــيـــد ــــــر said...

حلوة هالثقة يا برااك

تسلم يمناك

7osen said...

راقي يا براك دائماً وأبداً

خلك معانا متعنا بكلامك
وأستمر

ترى مدونتك بصراحة أهي الأساس

أنا عن نفسي لايمكن أطوفلك بوست حتى لما ما اعلق

دائماً صراحة اتأثر بأللي تكتبه لدرجة إني ما القى تعليق مناسب

والله صج

وجودك واستمرارك وإبداعك مهم جدا

****

وأنا بعد أدرية فيه
الوله شاقية

الله عليك

يعني لو بعلق على هالكلام
شنو أقول

بكل صراحة أحساسك دائماً يوصلني لأخر درجة من الشعور

وآنا لما أوصل هناك آثر السكوت

بختصار
إنت فعلاً مبدع

تحياتي لك عزيزي
دائماً وأبداً

bo bader said...

في ذكرى ولادة الدستور
يدعوكم المنبر الديمقراطي الكويتي لحضور المهرجان الخطابي بعنوان:
( يوم الدستور )
يوم الأحد ١١-١١ الساعة ٧:١٥ مساء
بديوان النيباري بالضاحية
بمشاركة كل من:
عبدالله الرومي
أحمد المليفي
عدنان عبدالصمد
أحمد الديين
د.دلال الزبن
خالد الخالد
عبدالكريم حيدر
=====
حضوركم مهم

مشاركتكم واجب وطني

فريج سعود said...

يا سلام

nadeyah said...

ادرى فيه خبز ايدى خابزته وعاينته وين بيروح ؟

وااايد حلو هالاحساس والشعور

تعرف متى ينولد هالاحساس لما تنصهر بهالفلب لما تعرف بكل لحظه شنو يفكر كيف يتصرف لما تعرف متى يعاند

خله يعاند ويكابر ويطنقر بعد

لين يطيح اللى براسه وبيرد


شعور انتصار الحب الصادق


فى حفظ الرحمن

الزين said...

ايه والله ادري فيه

صح لسانك

اليوم النص رائع كالعادة طبعا يا براك

Anonymous said...

صح لســـــــــــــــــانك

فتى الجبل said...

ماخذته عزة النفس بالاثم

mowa6en said...

صح لسانك يا براك
ونظمك طيب
مثل طيبة قلبك

الي واضحه بالشعر

Anonymous said...

عسى رد؟

Kuw_Son said...

يا سلام عليك ..

التغلي يفيد ترا ..

زُر غٍبا .. تزدد حبا

صح لسانك

Barrak said...

charisma

حبيت هالوجود الاول
ادري فيه
ليست ثقه بقدر ماهو اطمئنان بأن كل شي سينتهي بمرور الوقت

حتى لو عناده كاسيه

تسلمين

Barrak said...

a7La eNG

مو ثقه بس ادري فيه
شلون مايرجع
دائما الزعل له مده للقلوب الطيبه
وادري بقلبه ادري فيه
بس يتدلع هذا مايمشي عندي
اشكرك

Barrak said...

mtfa2el

يكابر يسوي مايبيه
مرده لي صدقوني

ياخوي العزيز كل شي موجود وانشاء الله راح انزل الديوان بابهى صوره
وصدقني كلامك انت بالذات وايد يشجعني ويتغلب على الكسل اللي فيني

ووعد مني اييك لي مكانك اوقعلك نسختين
انت بس تامر


اشكرك

Barrak said...

kila ma6goog

يدري

Barrak said...

DanDash

اشكرك الشكر الجزيل
الرد مالك بصراحه ضحكني وطالع من قلب
حسيته

بس كلمة تكوفن وايد ضحكتني

اعرف اللي انتي فيه

صدقيني
حالة الغباء لازم تصيب المحبين لانه قلوبهم تمشيهم مو عقولهم

Barrak said...

Najmah

اي والله يردنا
صح لسانك انتي

اشكرك

Barrak said...

بـابـل

مهما وصل احساسي مايعادل ربع احساسك تدري ليش

لان عنصر المفاجأة ببداية اي نص تكتبه وايد يبهر

قلتلك دايم احنا انتعلم منك

Barrak said...

qesat_5ayal

دائما المحبين يطمحون للمزيد
وعلى قدر حبك يرق قلبك
هذي حكمه انا مألفها من زمان ماادري صح والا لا


على فكره جملتك الاخيره هي افضل وصف لما كتبت

دائما راقيه

Barrak said...

الـفــــجـــ الــبـــعـــيـــد ــــــر

اشكرك
بس والله مو ثقه

Barrak said...

7osen

انا وياكم
اصلا من لي غيركم يحسسني باللي اكتبه
من لي غيرك زرع فيني كلمة شاعر
الله لايحرمني منكم

انت بالذات لازم احاسبك لان وضعك غير وياي
احساسك بكلامي يطيرني مع تعليقك
يخليني اقرا حروفي بصوره ثانيه
لانك اصل الاحساس

لاتحرمني من تعليقك ارجوك
ارجوك

Barrak said...

bo bader

على امرك

Barrak said...

فريج سعود
ياسلام عليك

Barrak said...

nadeyah

خبز خبزتيه ياشسمه اكليه

حلو هالمثل راكب على الكلام

شعور انتظار الحب الصادق

صح لسانك
وشكرا على دعاؤك

Barrak said...

ZoZOta

احس اني بعض البوقه تغيرت

صح بدنك

Barrak said...

ابو شملان

صح بدنك اخوي

Barrak said...

فتى الجبل

يمكن

بس الاكيد بيرد

Barrak said...

moowa6en

كلامك وسام على الصدر
وتحليلك يدل على رقي تفكيرك

اشكرك

Barrak said...

very.q8ya

لي اللحين ماصارله يوم يومين اربع

Barrak said...

Kuw_Son

ترى التغلي فيه حلاة
بس مو لكل واحد

سدرة العشـــاق said...
This comment has been removed by the author.
سدرة العشـــاق said...

براك

تسلم يمناك ...

و على قولة بو بكر سالم ... في اغنيته ظبي اليمن

تعجبني الكبرياء و الذل في المحبوب

:)

Barrak said...

سدرة العشـــاق

على فكره ترى سدرة العشاق اسم وايد جميل

ويه ياخوي
على فكره ترى الغناء اليمني انا دارسه واحبه بدرجه غير طبيعيه
ومن علمني اكتب الشعر هو روائع الشعراء المخضرمين باليمن

وارد عليك واقول

نفتش مغطى ولاأغطي على منفوش

ونفتش معناها لاأفتح مغطى ولاأغطي على شي مفتوح

ياليل لادانه لدان

بس الكلام اللي كتبته منطبق عليه

خلك مع اهل القلوب النظاف

kuwaitya_7saweya said...

احلى كلام
والله انته فنااااااااااااان باحساسك
والله

صح لسانك وايدك والكيبورد والشاشه والبلوج والبوست والكومنتات
والسامع يقول امييييييييين

esTeKaNa said...

تدري فيه
طينه ينه
وقلب ابيض
مهما زعل ,,وعاند نفسه
مصير احساسه لقلبك يرده
:)
اليوم يا براك هالثقه خلتني اقرى البوست وانا اتبوسم
الثقه هذي تخليك ترقد وتامن
ولو انها نادر ما تصير
بس بين القلوب الصادقه بحبها تصير
:)

magnoonah said...

شيوب

دامك تدري فيه
تحمله
اصبر عليه
مصيرده لك بيرجع
:)

إيلاف said...

ههه دعه يكابر ويتمنع كما يريد ,

عيون الحب said...

رائع كالعادة
وكثير اللي يكابرون
وفي قلبهم غير عن تصرفاتهم

::

توني دريت عن البوقة
الله يعوضك خير بالموقع الجديد
وصدق تضايقت لما قريت الموضوع

:(

Barrak said...

kuwaitya_7saweya

اشكرك اختي الحساويه
صح لساني اوكيه
وصح ايدي هم اوكيه
صح الكيبورد هذي شلون

اشكرك

Barrak said...

esTeKaNa

ايه ايه

ادري فيه
من ناحية بياض قلبه
هذي ماركه مسجله

فيه كلمة قلتيها تصلح لمطلع قصيده
الله عليج يااستكانه
اتبوسم

ياحلو هالكلمه

Barrak said...

magnoonah

احنا ناطرين
حتى لو كبريائه كاسيه

Barrak said...

Ealaf

بأمرك سيدتي

Barrak said...

عيون الحب

اشكرك
واللي يكابر مصيره يرجع لصوابه


اشكر مشاعرك النبيله

Selezya said...

شدراك؟؟؟
لا غلطان هالمره

Barrak said...

Selezya

عاد هالمره لا مو غلطان