Thursday, November 22, 2007

أرض





تسمحين لي بأرض

تكون عيونك فيها قمر

وتكوني وحدك من البشر

تكوني حولي وحوالي

تكوني انتي القلب

وأنا النبض

تسمحيلي بأرض

....

اختار تواصيفها

وشتاها وصيفها

أرسم أحلام وأماني

بكيفي أزيّن مكاني

وبكيفي مواعيد الهوى

تلتم وتنفض

تسمحيلي بأرض

....


هاديه أرضي وناسها

والأروع إحساسها

وطن سماه بالأشواق مرسومه

الحب  مزيّن ملامح غيومه

وتمشي بهدا الليالي


تسمحيلي بوطن

مانؤمن فيه بالحظ

تسمحيلي بأرض


6/11/2007


الثلاثاء

54 comments:

عَذبة said...

وربما لأني وحيدة هنا..
اتجول بين ردهات السكون في مدونتك
ولهدوء الليل على عتبات الفجر..
وربما لغواية احتلال المقعد الأول
.
وربما لان الارض دوما تعني الامان
..

احيانا تكون الارض هي الام
واحيانا هي الوطن
واحيانا هي نصفنا الاخر. الذي نكتمل به.فيصير هو. الارض
وهوالوطن
..وهو الامان
.
.

وربما لأني
اتذكر...
...صخب السكون.
.قنديل السهر
كراسة الليل
حبر
الفجر.....
..........
......ابيات شعر..عبث بها التعب.وجرفها
..مدٌ...
.ثم تلاشت
كالنجوم.. في بحر
....وأذكره.
..يعبر بي الليالي .
. فأسترد بقربه
الشمس.

.ويذوب بـــ
احلامي.
.كما يذوب السكر
في قهوتي المره.

.فتنمو
على الكرز..الاماني..!.
...ويمتد بي العمر
!!..و
..أذكره..
..هوية..انتماء..قامة.
..زمن
شموخ جبين
يلثمه النهار.
.!!
.
.فـيقترب به الوطن
.
.
وربما لأن فيروز غنت..

كان ياما كان بنت و قمر أخضر
يلفي عليها و كان بالقنطرة يسهر
شيلني بإيديك لبعيد بعدني
مشغول بالي عليك حبك بيحصدني

و بعدك بقلبي وردة الوردات و مفتحة ورقة على ورقة
لأنقـش على ترابك الغنيات علق عا بابك خرزتي الزرقا

حبيتك و غنيت صوتي ندرتلك
عا كل تلي و بيت قصة كتبتلك
عا كل سطح و دار عا كل تعريشي
لا خلصت الأشعار و لا تعبت الريشي
إنت زهر العمر و لما الهوى بيهب
بيهب فيك الشعر إنت الشعر و الحب

قصرك يا برج المتكي عالعاصفي و الريح
و قبابك اللي مشبكة عالغيم رسمت زيح
يا دراجك اللي منورة بخصور و مشاوير
يا ألف درب مدورة تلف الدني و تطير
و بيوت مفتوحة عالخير مفتوحة
تطلع الشمس تضويا و التلج ينزل يسقيا
صيف و قمر نشتل فيها و العمر مرجوحة

http://www.al7antop.com/song-6148.ram

اتمنى ان يكون هذياني خفيف عليكم
:)
صباحك كما تتمنى

lawyer said...

ليش الارض؟
اشمعنا الارض؟

هل هو مساحه من المكان يتملكها الانسان و يسكن فيها براحه و امان؟

اذا الحب بحاجه الى استقرار و امان؟

و اذا ما توفر هالشي يصبح الانسان مهزوز
ايده على قلبه
ما يدري ارضه من سماه

ما يدري بدايته وين و نهايته متى

الارض اهي مكان اهد فيها حيلي
اقط فيه روحي و جسدي

مكان احسه ملكي

اعني في الارض هني
مساحه من القلب يكون باسمي و لي



راقي وصفت للحب
و الامان

راقي وصفك يا براك

بكيفي أزيّن مكاني
وبكيفي مواعيد الهوى
تلتم وتنفض
تسمحيلي بأرض


احد اسباب الملكيه لهذي الارض او لهذي القطعه من القلب
حتى امارس عليها حقوقي
بكيفي ازين هالمكان
و بكيفي ابدى مواعيدي

وبكيفي اسوي الي ابي


صباحك اروع من هالغيم المبشر بخير

صبااااااحك صحه و عافيه

Selezya said...

صباح الخير
ويسلم بؤك ماتطلع منه الا الكلام الحلو
:)

charisma said...

صباح الخير يا ويه الخير يا براك

ما تتخيل اشكثر اثرت فينى الكلمات
روعه يا براك
حسيت انها دشت روحى بسرعه

بكيفي أزيّن مكاني

انا ابى بكيفى ابيهاا

ابدعت وتسلم ايدك

78o8eYa said...

مساك الله بالخير
:)

ما أعتقد في أحلى من مكان يجمعك مع من تحب

مو مهم المكان نفسه
المهم
ناسه وأهله

Barrak said...

عذبه

سيدتي العذبه صاحبة التعليق الاول
سيدتي
ماذا اقول
شرحك كان راقي لكلماتي المتواضعه

قلتي
ابيات شعر..عبث بها التعب.وجرفها
..مدٌ...
.ثم تلاشت

فعلا هي كذلك
مشاعر مختلطه بحلم لاتشوبه شائبه حلم ابيض بسيط رغم صعوبته
ساقضي هذه الليله
عشان اعرف شقصة فيروز

شكرا لك

Barrak said...

lawyer

ليش الارض

كنت بجاوب بس انتي سبقتيني

ليش الارض
عجبتني فكره طرات ببالي وانا اقرا تعليقك
لماذا لايكون البوست القادم عو رد منها على كلامي
يبدأ بجملة ليش الارض

بكيفي أزيّن مكاني
وبكيفي مواعيد الهوى
تلتم وتنفض
تسمحيلي بأرض

عندما تتحقق تلك الامنيات
سأكون اسعد انسان
بانقى ارض

ليش الارض

وايد عجبني كلامك

Barrak said...

Selezya

صباح النوير
اشكرك

Barrak said...

charisma

صباح النور ياأصل النور

اشكرك
وما يخرج من القلب يصل للقلب

اتمنى ان تجدي ارضا كأرضي

Barrak said...

78o8eYa


مساك الله بالنور والسرور

مو مهم المكان
مااعتقد
اذا وهبولي المكان بكل تفاصيل وتواصيف احلامه

ماعندي مشكله بالناس
لان كل شي راح يون بكيفي
حتى الحظ


اشكرك

فتى الجبل said...

هذي ما نلقاها الا بالينة
ان شاء الله

ezain_kilah said...

نصيحة لوجه الله... طلع
copy rights
على هالكلمات الرائعة والمعبرة اللي إنت تكتبها قبل لا تنشرها

صج والله! مو مدح أو مجاملة... ما تسوى عليك باجر واحد/واحدة ما يخافون الله يقومون ينسبون هالكلام لنفسهم, وإياني وياك تقول لي ما يهمني! لأنك جذي بتموتني قهر!! ... معافى دوم حجي

乂♥Not.ViRGo♥乂 said...

كلمات حلوة
و ان شالله تحصل على هالأرض :)

Barrak said...

فتى الجبل

ربي يبلغك ويبلغني ويبلغكم بالينه
اللهم امين

mtfa2el said...

ياخي هزتني اول جملتين !!
تسمحيلي بأرض
تكون عيونك فيها قمر


الله يا حلو راحة البال

Barrak said...

ezain_kilah

اشكرك على هذه النصيحه واهتمامك

سيدتي
حقوق الطبع محفوظه بعيون من قرأ هذا الكلام
ليست ثقه بقدر ماهو استنتاج مني لخبره لي في مجال المدونات وهي خبره متواضعه
سيدتي
عندما تتساهل الامور معي ستكون تلك النصوص بالحفظ والصون بعد ان يطبع الديوان
اما الان فهي محفوظه بأعينكم

اخيرا
خل ينسبون اللي يبونه
عندي اكثر من شاهد
وايضا سهل على الحراميه يبوقون بس ماينباق الاحساس
واللي كتب ارض
وانباقت هالارض
يقدر يسوي غيرها

اطمنك اكثر
هناك اكثر من قصيده مخشوشه للديوان وهم اكثر من 50 وحده

اشكر اهتمامك

Barrak said...

乂♥Not.ViRGo♥乂

الله يسمع منك

شكرا

Barrak said...

mtfa2el

تخيل ارض تكون فيها عيون من تحبه اهي القمر
يعني ماتحس الا بنورها
ولاتشوف الا بياضها

تكفى قولي شلون قايله هالارض

اشكرك

mtfa2el said...

براك اسمحلي ادري داش عرض
بس الأرجنتين خسرانين امس و البرازيل فايزين
و اشوف ارجنتييني مارك البلوق يبيلنا نكتب له عليك واحد و اليايات أحسن !!

Barrak said...

mtfa2el

انت تدري انك مسموح لو بالدش عرض لو طول
المكان مكانك

اللي مارني مال الارجنتين هذا اظنتي مضيع
عاد حرام واحد مضيع ننام فيه
وبعدين شلون تبيني اقوله عليك واحد بالارجنتيني

انا اقول نشوف لنا واحد انقليزي ونشبعه طنازه
لانه ناموا فيهم كرواتيا نوم

واقوله youve got 1
يعني عليك واحد

Kuw_Son said...

الظاهر انك حاط عينك على أرض و انصدمت بسعرها !!

فجاشت و فاضت القريحة بهالكلمات لأرض الأحلام
:P

صح لسانك :)

DanDash said...

هذي مو أرض !!
هذا كوكب ما أكتشف للحين

كوكب يعيش في خيالنا
أحيانا صعب نلاقيه و أحيانا نلاقيه و يضيع و يا بخت من يلاقيه و يعيش فيه طول العمر

كلمة وحدة إبداع

BeKeFe said...

على قولة سيليزيوو يسلم تمك ثانكيوو

BeKeFe said...

سيليزيو كاتبه بؤك

انا اذرب شوي تمك يعني باللبناني

BeKeFe said...

اللحن يجنن عجيب ماودي اطلع من مدونتك ودي انام

mtfa2el said...

براك ترى طول اليوم و انا افكر بالأرض اللي تقول عنها و النور اللي يطلع من قمرها
رحت البر ما غير اشوف القمر
ما اقول الا الله يرزقنا

Mohammad Al-Yousifi said...

ام الهيمان , زينة؟

بـابـل said...

تسمحيلي بوطن
مانؤمن فيه بالحظ


الله عليك والله رهيب هالبيت


!!بس صدقني مافي وطن مودستوره الحظ

مبدع يبراك وأصفقلك برموشي مو بإيديني



وبس



بابل

ياقلبي ابتسم said...

ياحب كون لي وطن

فيه احيا واندفن

الواحد مايحس بالانتماء الا في بلده وموطنه

فكيف لو كان يبي ينتمي لحبه

احلى انتماء واحلى امان

واحلى وطن

خاطره جميلة اخوووي

يعطيك العافيه :)

فراوله said...

صباحك احلا واغلا من ورود الدنيا
هذي كلها
مبدعنا الراقي
هالمره غير
؟؟؟
احساس...مشاعر..ابداع لا متناهي
باختصار قدرت توصل لمكانة قلب العاشق الراقي
وتمشي بهدا الليالي..ويكون حبك راس مالي
:)
اين نحن من هذا الحب..الحب الذي انفقد بزمن طغت فيه المادة علي المشاعر والاحاسيس الراقية
حتي اصبحت كعملة للتداول
؟؟؟؟!!!!
ترجمة احساسك قلبت الموازين وخلتنا نفكر مليون مره
ان الدنيا فيها
خير
دمت بدفء وعذوبه
احاسيسك
ابدا
:)

سدرة العشـــاق said...

صح إلسانك و تسلم ايديك على هالابداع و المشاعر الراقية

ربي يبلغكم و يبلغنا راحة البال

:)

haifa said...

تسمحيلي بأرض

تكون عيونك فيها قمر


الللللله عليك يابراك
تعبير طاغي

دمت مبدع

kuwaitya_7saweya said...

صح لسانك يا براك
right your tongue
looool

ezain_kilah said...

موفق وناطرين ديوانك

magnoonah said...

يااااااااااه
يا براك حلم بس فعلا مستحيل

صباح الورد والجو الروعه الي مو ناقصه الا قطرات مطر ويكمل مع هالكلمات الحلوه

تدري لما اقرا كلامك احس الحب شي ثاني موجود بالواقع مو بس باحلامنا وخيالنا وانه لحظه منه تكفي مو شرط اعيشه عمر


تعودت على رومانسيتك بس ما اعتقد اني بتعود على كلامك ولا بتعود على احاسيسك الي دايما تكون غير

تحياتي لك
:)

Aldenya said...

إستمعت بالقراءة يا براك

المقطع الأول
كبيييير جدا بالمعني
"
تسمحيلي بأرض
تكون عيونك فيها قمر
"
على طول إنرسمت الصورة في بالي


كلماتك يابراك تاخذنا معاها
كلمه وصورة


دمت لنا يا شاعرنا
ودام إحساسك العذب

Barrak said...

Kuw_Son

لا الحمد لله موضوع الارض نسيته من 4 سنين
هذي الارض غير مالها شغل بالبلديه ولامملوكه لتاجر هذي الارض لو اسمحت الايام ملكي بنجومها وقمرها

Barrak said...

DanDash

لا هذي ارض مو كوكب
كوكب موجود بخيالي اشوفه بس لو تسمحلي الله يهداها

Barrak said...

BeKeFe

اشكرك

Barrak said...

mtfa2el

تفكر بالارض ممكن
لكن تشوفها لامايصير
لازم انا اشوفها وعموما انا وصفتها بس اعتقد ان هالارض مو موجوده بهالديره
يمكن في فرنسا

Barrak said...

kila ma6goog

ام الهيمان مو كل شي راح يصير فيها بكيفي

Barrak said...

بابل

انا اللي بصفقلك باهداب عيني مو بايديني على هالجمله

بس صدقني مافي وطن مودستوره الحظ

Barrak said...

ياقلبي ابتسم

فعلا ابي انتماء لهذا الوطن ولتلك الارض
كلامك يعبر عن احساسك بالكلام الذي كتب

اشكرك

Barrak said...

فراوله

انتي صح
هالمره وايد وايد غير
وصدقيني للحين الدنيا بخير

وراح تمشي بهدا الليالي

وفي غيري من هم احساسهم اروع من احساسي
انا مجرد هاوي

Barrak said...

سدرة العشـــاق

صح بدنك يسلمك ويخليك

قاعد انا وأتريا

Barrak said...

haifa

الشمس من وين طالعه اليوم

اشكرك

Barrak said...

kuwaitya_7saweya

صح بدنك
right your body

Barrak said...

ezain_kilah

قولي يالله وريك يسهلها

Barrak said...

magnoonah

ليش مستحيل الخيال مافيه مستحيل

كلامك يامجنونه كبير علي

Barrak said...

Aldenya

دائما استمتع بوجودك

المقطع الاول هو احساس انتابني لااعرف كيف اصفه

اشكرك على وجودك الراقي

Purplecious said...

شنو المانع يا براك؟

كافي احساسك الرائع

هالأرض محد يعوفها يا براك

هالأرض موجوده بقلبك الكبير يا براك

شكرا لكلماتك الجميلة و احساسك الأروع


براك

YOU MADE MY DAY :))

Barrak said...

Purplecious

مافي مانع
بس انا طلبت وانطر الرد

انا طلبت انها تسمحلي بهالارض اللي وصفتها لكم ولها

شكرا لوجودك سيدتي

وانشاء الله ايامك كلها خير وسعاده

Fahad Al Askr said...

لا حصلت لك ودي أصير قصيرك

Barrak said...

Fahad Al Askr

بحطك باللسته