Monday, October 22, 2007

ابي راي

أبي رأيكم بصراحه بالموقع الجديد وهو تحت الإنشاء

80 comments:

Mamloo7a Q8ia said...

تصميم الموقع روعه يا خوي يا براك الوانه حلوه و راقيه ومتجانسه بس يا ليت تكبر الخط شويه لانه صغير واذا بستمتع في كتاباتك راح نضطر نلبس نظارات واحنا تونا صغيرونين عليها
بس صج وبدون اي مجامله رااااااائع

Anonymous said...

براك انت من زمان مبدع
بوب سايت ولا بدونه

Q8DOLL said...

والله هاديه وأحسها مدونة كويتيه عدل
حلوه يابراك
بس عندي ملاحظه
ولو ان صورة الرحوم الشيخ جابر والشيخ سعد تشرح القلب
لكن احس كألوان وموقع مأثره على المدونه من الناحيه الجماليه
دور على صوره لهم تكون مثل سكيتش
راح تكون أحلا
غير هالملاحظه كل شي حلووو
بالتوفيق

DiLLi O MiLLi said...

لااااا .. خوش بيت على ألف متر وزاوية
:)

ذوق راقي وألوان هادئة .. لون الصفحة يعطي طابع "العتيج" لونها وشكلها الخشن جنها أطوف بيوت أول .. بس .. مثل ماقالت أختي كويت دوول .. ياريت أتشوف لهم صورة مثل الرسم أو سكتش أو معتقه باللونين الأسود والأبيض .. وحاظرين أذا تبي مساعدة تدور على صورة مناسبة لهم الأثنين



منزلٍ مبـارك
:)

Barrak said...

Mamloo7a Q8ia

اشكرك يامملوحه

بالنسبة للخط جاري العمل على تعديله وتكبيره بقدر الإمكان وانشاء الله ماتحتاجون لنظارات
حلوه صغيرونين
بعدين هذي حركه عشان اعلن بالسايت عن نظارات للبيع واطلع بويزات منكم

Barrak said...

Anonymous

شكرا

بس بوب سايت هذا منو

Barrak said...

Q8DOLL

اشكرك
وملاحظه جيده
بس انا حبيت اني انقل هذه الصوره بالذات لانها رافقتني منذ ابريل 2006
ولان روح المدونه مرتبطه بهذه الصوره
ولكن هذا لن يمنع على ان استمع للنصيحه

شكرا

Barrak said...

DiLLi O MiLLi

بس ترى هالبيت مو بإسمي ترى الوثيقه بإسمكم انا المهندس وانتي ملاك البيت

اشكرك الشكر الجزيل
ومانستغني عن مساعدتك لاني توني عليمي

lawyer said...

براك صارلي اسعه احوس في بلوقك

رووووووووعه
بلسم على القلب و الروح

الله يحفظك
حتى القصيده الي في البلوج اليديد قريتها

بس ماعرفت احط كومنت هناك

الشكل حلووووو

بس ماعرفت احط كومنت



عورت قلبي على العيد

Barrak said...

lawyer

هلا فيك

وين بالضبط قاعد تحوسين هني والا هناك
بالنسبة للكومنت جاري العمل على تفعيل هذه الخدمه اما كمنت مباشر او كمنت في سجل الزوار عموما الموقع في طور الانشاء بعد الاستماع لارائكم النيّره
وسوف يفتتح بشكل رسمي بالسنه الجديده ان شاء الله

فتى الجبل said...

خوش موقع
والله يوفجك

Barrak said...

فتى الجبل

الله يسلمك

Anonymous said...

منزل مبارك =]

Barrak said...

Very.Q8ya

الله يسلمك ويخليك

nEo said...

يه يه يه

دخلت سوق الدوت كوم جنك

عليك بالعافية سايت حلو و تصميم عجيب

مالي اي خبرة بالتصميم و لا الالوان

بس لو تخلي الخلفية بيضة او لون فاتح مو احلى ؟

و يالله عساه منزل المبارك ان شاء الله

:)

Barrak said...

nEo

عشون عيل

عشان مايبوقونا ويأذونا
حتى الاسم شريناه
بشوف منو بيبوقني
عشان ادزه غوانتنامو

الله يعافيك ويخليك
واقتراحك جميل مثلك
وراح اخذه بالإعتبار
عموما كل شي قابل للتعديل

اشكرك ياصاحب

nadeyah said...

منزل مبارك ان شاء الله
والله يعطيك خيره ويكافيك شره

ويبعد ك عن عيون الحراميه

عندى طلب لو تنقل كل الى بالبلوق الماسوف على شبابه اللى با قوه افضل لانى عندى بالفيفروت حاطتهم اثنيناتهم

شكرا

Mohammad Al-Yousifi said...

تستاهل كل خير قلبي

kuwaitya_7saweya said...

شغل عدل ومضبوط
وحركات حلوه
مبدع بالكلام والتصميم
ماشاءالله عليك
عيني عليك بارده
واحلى مافي الشغله صوره الشيخ جابر والشيخ سعد
لاتغيرها لانه عرفنا براك فيها
ولاتغير ولاشي فيه كل شي فيه حلو
يعطيك العافيه

بنت الشاميه said...

شهالبيت عجيييييب

باى منطقه...؟؟؟؟


مبروك عليك هالمنزل يعطيك خيره

ويكافيك شره


اهم شيئ اخوى براك الخط خله واضح

وشبييييييييييييييييير

عيونا راحت من النت

أبو إسحق said...

كله حلو اخوي براك يكفي انه موقعك بس يا ريت تغير اللون الاسود ... يضيق الخلق عكس شعرك :)

الـفــــجـــ الــبـــعـــيـــد ــــــر said...

حلووو والوانه هادية
سلااااااامز

Selezya said...

مم
مابي اتفلسف
..
كلمة واحه للجميع ماعتقد واضحه عدل يعني لو توضح اكثر بتكون احلى
ومثل ما قالت اختي كويت دول الصورة اختار لهم صور ثانية متناسقه مع لون السايت
اما الباجي لحد الان جميل :) موفق انشالله ومنه للأحلى

Nora said...

اكيد يعجبنااا هل كيف بالله ما يعجبنا
حبيت الوانه و في مثل نوت تحت قبل كلمة
BLOG

حلووووووووووووة بشكلها و كلماتها

بالتوفيق و ناطرين البلووق

الحين السايت اليديد شامل براك
و الا بس اشعاره نفس الحالي
؟

charisma said...

صباح الورد

التصميم حلو
واهم شى الصوره مالت اه يا بلد ما تتغير

Barrak said...

nadeyah

الله يبارك فيك ويسلمك
ان شاء الله الحراميه بطريج وانا بطريج
ان شاء الله جاري العمل على نقل كل محتويات البلوق المبيوق وهذا البلوج في الموقع الجديد

واشكرك الشكر الجزيل على وضع اسماء البوجين في مدونتك الراقيه

اشكرك سيدتي

Barrak said...

kila ma6goog

مشكور حبي

Barrak said...

kuwaitya_7saweya

مشكوره اختي وتسلمين

بالنسبه لصورة الشيج جابر رحمه الله والشيخ سعد حفظه الله انشاء الله سأحاول ان اعدل من وضع الصوره ولكن لن اغيرها
اشكرك

Barrak said...

بنت الشامية

الله يبارك فيك
هالبيت العجيب بأحد الولايات الأمريكيه عشان الحراميه مايفكرون يوصلون له
بالنسبه للخط جاري العمل على تشبيره
والظاهر انتو شيبتوا
ربي يعطيكم الصحه والعافيه

اشكرك

Barrak said...

أبو إسحق

هلا والله بابو اسحق
بالنسبة للون ان شاء الله سوف يتم تدارك هذا الموضوع
تو الناس الموقع قاعد ينطبخ على نار هاديه

Barrak said...

الـفــــجـــ الــبـــعـــيـــد ــــــر


شكرا سيدتي
وتسلمين
اونه الوانه هاديه لانك هاديه

Barrak said...

Selezya

بالعكس انا محتاج للتفلسف عشان استفيد كلمة واحة للجميع القصد فيها ان هذا الموقع سيكون للكل الصغير والكبير الرجال والنساء
العاشق والمحروم
بالنسبة للصوره سوف يتم اختيار نفس الصوره ولكن بحجم اكبر

اشكرك

Barrak said...

a7La eNG

حلوه هل كيف
السايت اليديد راح يكون شامل كل الاشعار بالاضافه الى بعض الاضافات مثل عدستي وبعض الامور الفنيه التي اهتم بها
وبانسبه لهذا البلوج سوف يستمر ولكن بروح مغايره

عموما لسه بدري
الترتيبات تحتاج لوقت
واتوقع ان تستمر المرحله الاولى الى مابعد السنه الجديده ان شاء الرحمن
اشكرك

حنطفيس said...

عساه منزل مبارك

سأكون احد المتابعين الدائمين للموقع الجديد

بالتوفيق

Anonymous said...

ما شاء الله رووعه
بالتوفيق :-)

على نفسها جنت براقش said...

مبروك يا براك
و ربى يبارك و يطرح لك البركة بالموقع الجديد و التبريكات كثيرة الله يزيد و يبارك
وبراك براك يا شاطر بالدفاع و الاتاك

78o8eYa said...

ما شاء الله
^_^
منزل مبارك يا بوعبدالله
والله تستاهل كل الخير

الموقع وايد حلوو

أحس إني أسمع فيه صوت البحر
;)

ما أوصيك ..
"بخّر المكان"
عن عيون الحسود
وحطلك سكيورتي عند الباب
علشان محّد يبوق
;p


ملاحظه عنوونه: مو جنه خط المواضيع صغيرونو ؟ .. وإلا آنا يتراوالي لأني شابكه من لاب توب
:S

.....

J Daily said...

التصميم ممتاز

بس ناطرين الشعر ((:


والله ولي التوفيق (((:

الزين said...

ذوق

وايد ذوق

الوان هادية

ودافيه

وحميمه

وتحسسك ان البيت بيتك

يالله عسى منزل مبارك

:)

bydvsj said...

تصميم جميل يتناسب مع ابداعك الشعرى

اعتبر موقعك واحه تروى ظمأ المتعطشين لابداعك الشعرى:)

Aldenya said...

يه يه يه
عساه موقع مبارك يا براك

بصراحة
الموقع له عندى جم ملاحظة
انت قلت تبي راينا بصراحة
عاد ملاحظاتي بسيطة
بس بوجهة نظرى :>
لكن بشكل عام
الموقع حلو
ومرتب
ويشد الناظر

بالنسبة لملاحظاتي
كلمة
WELCOME
لو تغير نمط الخط ولونه مثلا وتكبره شوي يكون بوجهة نظرى أحلى
شوف نفس طريقة كتابتك لايقونات البلووق

http://www.phroon.com/up/file2/BARRAK857.jpg


وعندك كلمة
واحة الجميع لو تدنيها تحت شوي
بيكون شكلها أوضح



وبالنسبة للبلوق
وايد حلو
اينن
وان شاءالله ربي يبعده عن البواوقه والحرامية

لازم اتكبر الخط :>

والله يوفقك يارب
:>

SHAHAD said...

ما شاء الله رووعة
عجبني حيل بألوانه وتصميمه
لايق عليك :)
عليك بالعاافية أخوي

Яeema said...

barrak

شوي الألوان قماتيه
غامجه

أحلا شي لما تكتب الكلمات و الخلفيه تكون بيضه
مريحه للقراءة

---

ثانيا
head title

ما عجبني إن آه بروح
و بعدين صورة
و بعدين يا بلد

أحسن تحذف الصورة و تخليه رسمي
آه يا بلد
و الصورة تحطه يم البروفايل

إنت إلعب بالإطارات
مو البوكس مكان الكتابه

mtfa2el said...
This comment has been removed by the author.
mtfa2el said...

اووو براك
حاشك تثمين فجأة و طلعت من فريج البلوقر و رحت الدوت كوم
يه يه مبروك مبروك
بس و الله الموقع من النوع الزقرت عليك بالعافية
بس الخط يبيله تكبير شوي

فراوله said...

مساالورد والجوري
لسيد المبدعين
براك
الموقع كثير رائع...وبصراحة يعكس شخصية صاحبة
شخصية تملؤها الاصالة والابداع
رغم كل التطورات
توكل علي الله...بس مو تنسي التعديلات الاساسية
الخط وهو الضروري
دمت ياسيد المبدعين
:)

الحارث بن همّام said...

بالمبارك ان شالله ..

تصميم جميل

Barrak said...

charisma

عشان مو تقولين نسيناج

اشكرك وان شاء الله الصورة ماراح تتغير

Barrak said...

حنطفيس

الله يخليك ياخوي

يابختي والله بتكون وياي
بس ترى ماسمعت ملاحظاتك

Barrak said...

شيخه

الله يوفقك ويخليك
مشكوره

Barrak said...

على نفسها جنت براقش

الله يبارك فيك وترى للحين ماصار شي

براقش يابراقش
نفسها ماتقدر تداقش

Barrak said...

78o8eYa

الله يخليج ويسلمج
عاد نبي منك فقره قانونيه بالسايت اليديد

ان شاء الله الموقع راح يتبخر وان شاء الله الحاقدين ماراح يقدرون عليه على الاقل لمده 3 سنوات جدام
وصح الخط صغير وراح اعمل على تلافي هذه الاخطاء

اشكرك

Barrak said...

يعقووبوو

حياك الله

باول زياره واول تعليق تسلم

والشعر ياي ياي لامحاله

Barrak said...

ZoZOta

تسلمين ومشكوره
هذا من ذوقك

Barrak said...

Noor

اشكرك سيدتي وهذه الواحه وجودها مرتبط باخواني واخواتي الداعمين لي

اشكرك واشكرهم

Barrak said...

Aldenya

انا اصلا اموت على النصايح
وين نلقى بهالزمن اللي ينصح

شفت تصميمك عجبني وايد
وان شاء الله كل هذه الملاحظات ستؤخذ بعين الاعتبار

اشكرك

Barrak said...

SHAHAD

الله يعافيك ويخليك

اشكرك

Barrak said...

Яeema

كل الناس يقولون انك فنانه بالتصميم
اذكر الله يذكرها بالخير الاخت شمس وقمر
كانت تبجل بتصميماتك
صح كلامك وسآخذ ملاحظاتك بعين عين الاعتبار

Barrak said...

mtfa2el
اس تثمين الله يهداك الله يعافي الفيزا اهي اللي مضبطتني وكله بيطلع علي عايدي

صدقني اخوي فريج البلوقات مااقدر اطلع منه لانه هو اللي اكتشفني وعطاني الثقه وعطاني الطموح وبث فيني روح الاستمرار
بس اللي صار من بعد بوقة البلوق السابق خلاني احرص على ان يكون عندي مكان دائم عشان ماأنحرم منكم

اشكرك

Barrak said...

فراوله

هلا فيك اختي

اشكرك وكلامك كبير علي
والتعديلات الرئيسيه اكيد راح احطها بعين الاعتيار

اشكرك

Barrak said...

الحارث بن همّام

اشكرك سيدي العزيز

تسلم

على نفسها جنت براقش said...

افا براك
انا ما اقدر اداقش
تبى نتواعد بالبراحة

Barrak said...

على نفسها جنت براقش


شخباري براحه

ههههههههههههههههههههههههه

Purplecious said...

برااااااااااك

تبي راي تبي راي تبي راي؟؟


روووووووووعه

عساه منزل مبارك و بوجودك و وجودنا يتبارك

:))

بس ملاحظاتي مثل الاخوان و الخوات الخط

و اتفق مع ريما كلمه آه يا بلد لا تفصلها

و صوره المراكب عجيييييييييبه
وايد عجبتني ألوانها

بس شنو سالفه اسلوب حر
Freestyle

منو هذا؟
هههههههه

Purplecious said...

براك أضيف الموقع عندي و لا تو الناس؟

على نفسها جنت براقش said...

يعنى وين تبى اقول
gymبال

عــــــابره said...

على البركه على الموقع
انا مريت زياره

وان شاء الله بقعد احوس واتعبث بالموقع

:)

Selezya said...

سلام عليكم
اخوي براك انت مافهمتني بتعليقي عن كلمة واحه للجميع

انا فاهمتها .. بس اقصد انها مو واضحه بالموقع يعني نزلها شوي خل الجمله توضح .. لان اعتقد ان كلمة واحة مو مبينه عدل .

78o8eYa said...

ربي يحفظك ويسلمك من كل شر
..

آنا أقول ماله داعي فقرات قانونية لأن مالها موقع من الاعراب
وفيك الخير والبركه
...
"ما يحلى المكان ، إلا بشعر براك الفنان"
مع ملاحظة الكسرة على حرف الشين
;P

ملاحظة سقطت سهواً
الصورة المرفقة بالفايل
معبرة و روعه
^_^
كان ودي أقولك من أول ما حطيتها بعد الردة من السفر
:)

موفق يا اخوي
:)

Barrak said...

Purplecious

خفت لاتقولين بيع بلوقك واشتر شوية حلاوه
اشكرك
انشاء الله اه يابلد ماراح تنفصل
والصورة الموجوده في ايمن السايت هي من تصوير احد الفنانين الراقيين
وقد اعجبتني
واهداني اياها هذا الصديق الراقي
بصراحه اسلوب حر هذي كانت كتجربه لحجم الخط
وسوف تتغير
بالنسبة للإضافه ممكن انك تضيفينه لان التغييرات راح تكون على نفس اسم السايت
وشاكرلك الاضافه
لانها تشرفني
تسلمين

Barrak said...

على نفسها جنت براقش

لا البراحه احسن

Barrak said...

my sold

الله يبارك فيك
ومسموح لك تحوسين على كيفك بس لاتتعبثين
لان ان صار شي انا ماراح اعرف اسوي اي شي
لازم تفشلينا يعني
السايت بكبره مالي شغل فيه انا بس عطيت صاحبي الصور واهو اللي كمل
وعموما
اخذي راحتج

Barrak said...

Selezya

اولا اسف

ثانيا
صح كلامك بحاول اني اوضح الكلمة اكثر

اشكرك

Barrak said...

78o8eYa

ويسلمك ويخليك اختي الراقيه
بالنسبة للفقرات القانونيه طبعا هذا من بعد اذنك وحبيت اخذ رايك اني اكتب ان هذه الكلمات من حقوق كاتبها ومن يستعين بها او ينشرها سيتعرض لعقوبة الجلد مثلا حسب القانون العام رقم تلّش لسنة 1788 من قانون الملكيه الفكريه

يعني قصدي ممكن اني احط تحذير بصيغه قانونيه لعدم التعرض للكلمات الموجوده

بالنسبة لنغزة الشعر ماراح ارد عليك لاني يايب من فرنسا شامبو يخلي الشعر احلى من اليسا
بس عطوني وقت


اشكرك سيدتي وترى الصورة بصراحه كان فيها تعديل من جانب صديقي المصمم اللي بصراحه عقب تعليقاتكم شكلي بزنطه

على نفسها جنت براقش said...

ما صارت اشفيك ما ييت البراحة
و الا انا واقفة عند براحة غلط؟؟

Barrak said...

على نفسها جنت براقش

ههههههههه

78o8eYa said...

مسـ صباح ـاء الخير
:)

أفاا يا بوعبدالله
انت اخو عزيز وغالي
تهقه إني أقدر أقط نغزات أو حتى أفكر فيها
..
والله الصوره حلوه ومعبره
وحييل عجبتني من أول ما انحطت اهني ، من غير اي مجاملات

وبالنسبة للشَعر، ما ادري ليش مسبب لك مشكله
والكلمه اللي انكتبت مني
كانت للغشمره ودرءاً لأي سوء الفهم

المهم إنك بالشِعر الحر البسيط
محد يغلبك
;)

وأتمنى ما تزنط أحد ، علشان تالي ما تتوهق بالموقع
;p~
قواه الله المصمم ^_*


بالنسبة للتحذير القانوني
أكيد تقدر ، بس قبل لا تحذر لازم تكون مأمن حماية قانونية على الكلام اللي بتحذر من إعادة نشره أو اقتباسه

يعني لازم تتبع الخطوات السابق شرحها بموضوع سابق
علشان تقدر تحمي كلامك

وبما انك بصدد نشر ديوان ، فـ اعتقد إن المسألة بالنسبة لك سهلة
:)

*تنويه بسيط*

الصيغة كالتالي
:

حقوق محتويات هذا الموقع محفوظة للكاتب وفي حال إعادةالنشر أوالاقتباس أوالنسخ بأي شكل من الأشكال سواء الإلكترونية أوالميكانيكية أو الخطية دون إذن خطي من الكاتب سيتعرض للمساءلة القانونية

magnoonah said...

الموقع حلو


عساه مبارك

Barrak said...

78o8eYa

مساء صباح الورد
نغزه والا مو نغزه
نتقبل جميع الاراء والنغزات وإن لم تكن بصدر رحب
بالنسبة للصوره جاري العمل على تحسين منظر الصوره
بالنسبة للديوان والملكيه الفكريه ان شاء الله بعد اصدار الديوان سوف تكون هناك ملاحظه بالديوان وبالسايت

اشكرك على خدمتك القانونيه
تسلمين

Barrak said...

magnoonah

يبارك فيك ويخليك

اشكرك