Saturday, October 13, 2007

عن العياره



كأي أب يهدي لأبنه عيديه بيوم عيدالفطر السعيد اتجهت إليه كأول شخص اهديه عيديته ،أهديته دينارين وقلت له
لاتقول لأخوانك فنظر إلي بنظره غريبه ثم قال : ماهذا قلت له هذه هي هدية العيد قال لامشكور مابي عيديه اريد سيّاره حالي حالك ،قلت له : بس إنت توّك صغير وأنا توني شاريلك سكوتر لم يلتفت إلي ونظر إلي بنظره مريبه وأعطاني الدينارين وذهب فكتبت التالي من حرّتي




يبا إهي مو طراره


أبي العيديه سياره


أبيها مثلك تكون كشف


وأبيك تحس وتعرف


إذا ماتحقق الطلب


ترى النفس بالسوء إمّاره


يبا إهي مو طراره


شنو يعني دينارين


إحنا وين قاعدين وين


أبي أعيش مثل الناس


أبيك ترفع الرّاس


والحجي لج ياجارة


يبا إهي مو طراره


أبي موتر يرزني رز


والعالم تشبع فيني خز


هذا يقول شهالموتر


يبا ملّيت من السكوتر


يبا يبا عن العياره


يبا إهي موطراره


ياوليدي وإذا كبرت شاشتريلك


ياوليدي دبّرني شسويلك


يالله ولبي أقدر أدرسكم


رحموني يرحم أمكم


يعني اذا تخرجت


تبيني اجيبلك طيّاره؟


يبا إهي مو طراره
الجمعه
12/10/2007

61 comments:

بـابـل said...

صباح الورد / أخوي براك

وكل عام وانت بخير

والله يخليك لعيالك وتضل شمعة تضوي لهم الدنيا

يحليله ولدك والله أستانست على سالفته

واله يخليه لك

وقصيدة حلوة بمناسبة العيد

تسلم ويسلم أحساسك المبرمج بالمشاعر

صراحة أنا مستانس إني أول من يرد

على بوستك هذا


وبس





بابل

kuwaitya_7saweya said...

عيد مبارك للمره المليون
والله يخليلك وليدك
ويخليك له
يابراك الولد بقز يعني شلوووووون
لازم يقولك اياها اشكره
عطه السياره وافتك ترى ماتخلص من الحنه
وانته تقوله سكوتر

بس كلامك بالشعر ضحكني
وبنفس الوقت كسرت خاطري
اذا من صغره يبي سياره صج اذا تخرج شنو يبي
الله يخليه لك وتشوفه متخرج ومعرس وتشوف عياله يارب
وحزتها لما عياله يبون شي ذكره بالسياره الكشف

Aldenya said...

ولدك ما يدري شنو معنى هالدينارين :>


بدلوا حالى

من دموع إلى إبتسامة


عيال هالوقت ما يبون دنانير
يبون سيايير



الله يحفظة لكم
وتشوفون معرس وتزفه يوم عرسه

Anonymous said...

عيدك مبارك وتقبل الله طاعنك :)

يحليله مره وحده سياره

الله يخليه لك ويخليك له وتفرح فيه معرس :)

عيون الحب said...

هههههههههه طالت واشمخت
مشكلة اذا الحين يبي طيارة
اخاف السنة الجاية يطلب عيديته عروس لووووووووول

الله يحفظه يارب
نحن عيالنا يستانسون عالدراهم المعدنية نفسها اكثر من الخمس او العشر

روح قص عليهم خذ العشر وعطهم درهمين يرقصون من الفرح هههههه

بس والله والله والله ما اسويها
اهزأ اللي يقص عليهم ويستغل براءتهم

يخليك لهم ويخليهم لك يارب
:)

Q8DOLL said...

لوووووووووووووول
امبيه
لا ورجع الفلوس بعد
من الحين بيناشبك على السياره اسم الله عليه وايد مبجر

يبا سلامتك من الحره
بعد هذيل يهال هاليومين
مالك الا تشتري سياره بريموت
او بجي والشتا ياي
قوله هذي سيارتك
الله يكون بعونك
وصح لسانك على هالابيات خفيفه الدم

بنت الشاميه said...

هذا اكيد خشيم الفار...الله يطول بعمره وعمر اهله

عندنا وعندك خير

ما تشوف الجعده اللى بامريكا يردح

زيدوا الجيله انا فى غربه

ماكو الا اسوي مثلك واحط بحسابه دينارين واشوف شبيقول......لوووووووول

بس لا يحرك بوسه ونتفه من البوس

ترى هالبوسه هى اللى ما ينساهه ابد

وعسي الله يخليك لهم ويمتعك فيهم

Mamloo7a Q8ia said...

هههههههه
يا حلوه والله يحفظه ويخليه لك
يلا يا براك ياخوي حقق له المطلوب
ههههههه
الله يعينك عيديته وايد غاليه

تقبل الله طاعتك
وعيدك مبارك

DanDash said...

عيدك مبارك و تقبل الله طاعتك ان شاء الله

الله يهداك بس دينارين الحين اذا اقل شي عطيتهم خمس يعطيك نظرة قاتولية يعني اذا فيك خير عيدها العيد الياي لوول

الله يخليلك عيالك و يحفظهم لك و لهم

ترى البوست الي قبله كان في الصميم الحمد الله على كل حال

aaaaaa said...

عسا الله اخليه لك اتربى بعزك

انا ولدي يبي كوكو شنو كوكو ما ادري

Selezya said...

لوول ياحليله :)

عسا الله يخليه لك انشالله ويخليك لهم

وبعدين ييبله سياره ليش لا :p


يبي يكشخ بالعيد

بس هم قوله
استرييييح

Mohammad Al-Yousifi said...

اي والله مو طرارة

أشوف حق نفسك طايحله سفرات من ديرة لي ديرة و حق الولد دينارين؟

شنو ما سمعت بزيادة الأسعار اللي صارت قبل رمضان؟

7osen said...

الله يخليلك أياه إن شاءالله

وكل عام وانت بخير

وعيدك مبارك

magnoonah said...

شنو يعني دينارين
إحنا وين قاعدين وين


ابيه اخوي براك من صجك انت دينارين؟؟؟
زين يسوي فيك ليش تعطيه دينارين موحرام تقص عليه تحمل نتيج نحاستك معاهم

:)

عبودنا غير ع عيالكم لما عطيته عيديته
والكيد انها مو دينارين قال لابوه خشهم عشان نشتري البقي


شفت ولدنا عقب ما كان ناوي على الموستنغ اقنعه ابوه بالبقي وهو عمره 3 سنوات


صج الله يعين عيال هالوقت على ابهاتهم

:))))

Najmah said...

لوول يحليله

الله يخليه لك ويحفظه يارب

وصج شنو عطيته دينارين
عيدية الاب لازم تكون غير :)

Barrak said...

للتنويه

ابي سياره مثلك كشف

دايما حمود يقولي لاني اقرع يبا انت مثل السياره الكشف

Barrak said...

بابل

وانت بخير وصحه وسلامه
اشكرك على هالدعوه الراقيه اللي مثلك
حلوه احساسك المبرمج بالمشاعر
تصدق انا اللياكثر مستانس ان اول رد يكون من شاعر حساس مثلك
على فكره تعجبني كلمة وبس

Barrak said...

kuwaitya_7saweya

اشكرك للمره الترليون
مايخالف خل يقز بس مو اللحين تو الناس
واعتقد اذا كبر انشاء الله وتزوج عياله يبون صواريخ

الله يعين
وتسلمين

Barrak said...

Aldenya

اي والله مايدري شنو معنى الدينارين
علباله لاقينهم بالشارع
الشكوى لله
مايبون دنانير يبون سيايير

Barrak said...

شيخه

كل عام وانتي بخير يالشيخه
وتقبل الله طاعتك
والله يرحم الوالده

والله يعطيينا عمر عشان نزوجه
اذا اهو جذيه اكيد مرته تبي مكوك فضائي مهر لها

Barrak said...

عيون الحب

اي والله طالت وشمّخت
اذا السنه اليايه يبي عروس مو مشكله
على الاقل العروس هالايام ب4000 دينار يعني
60000 درهم
بس سياره قويه مااقدر عليها
وبصراحه انتو الدرهم مالكم الحديد يونس ممكن يترس عينه احنا دينارنا الازرق مايطلع بعينه شي
اونه
مادري شسويله

Barrak said...

Q8DOLL

لو مرجعهم مايخالف الحبيب قطهم
اي والله صدقتي وايد وايد مبجر
انا ماادري شيترس عيونهم
سياره بيموت شريناله
بس بجي قويه اذا ابوه بكبره ماشروله بجي هالعنطوط اللي طوله طول شبر يبي بجي
الله يكون بعون الجميع
تلوموني اذا هجّيت وسافرت

Barrak said...

بنت الشامية

الله يسلمك على هالدعوه ويطول بعمر عيالك ويتخرجون ويرفعون الراس
بالنسبه للجعده اللي بأمريكا اخاف تحطين بحسابه دينارين ثاني يوم يرجع ويقول بكمل بالكويت
تصدقين عاد اهو اكثر واحد بالدنيا مشبعه بوس بس مايفيد
الراي مادي مايحب الامور المعنويه

ربي يخلي عيالكم لكم
اللهم امين

Barrak said...

Mamloo7a Q8ia

يسلمك ويخليك
بذمتك شلون احقق له المطلوب الا اذا يبيني انسجن
كل عام وانتي بخير

Barrak said...

DanDash

انا من اشوف هالقطوه ارتاح ماادري ليش

والدينارين عليالج شويه
هذول6 يورو
فيهم روحه ورده وروحه ورده لي الشانز
خل يحمد ربه
بالنسبه للبوست السابق
اشكرك سيدتي
اي والله بالصميم
انا واحد من الناس من بدى العيد ماقمت اقراه

Barrak said...

انور عبدالله

هههههههههههههههه
الله يخليلك ولدك
انا اقولك شنو الكوكو
الكوكو يامحفوظ السلامه يعني ولدك ربي يحفظه يبي ارض بشرق القرين
على ثلاث شوارع

الريال نظرته مستقبليه
ربي يخليه لك
عاش بو كوكو

Barrak said...

Selezya

الله يسلمك ويخليك يارب
اهو موبس يستريح الا ينسى الموضوع
اللحين يعني اهو يكشخ وانا انسجن

حرام

Barrak said...

kila ma6goog

انت ليش جذيه تبي تفتح بيبان مصككه
اللحين بكلامك هذا شكلها السفره اليايه اختربت
وتبي الصج والله ثم والله كلامك صح

كلامك لازم افكر فيه
اشوف فيك يوم

Barrak said...

7osen

الله يخليك ويسلمك يالحساس
وكل عام وانت بالف خير وسلامه يالغالي

Barrak said...

magnoonah

ياوخيتي هذول دينارين
يعني بعد 10 سنين يصيرون 20 دينار
مايحس بنعمة الله
بالنسبه لعبودكم هذا انسان راقي
لانه حمودنا طمر من سياره على لاسلكي الى سياره بحق وحقيقي

انا من وين مطلع سيارة على لاسلكي
تصدقين كلامج صح صج انا شايب

غلطانه الله يعين ابهات هالوقت على عيالهم

مو العكس

كل عام وانتي بخير
وربي يخلي عبودكم لكم

Barrak said...

Najmah

كل عام وانتي بالف خير
واحس ان نفسيتك صارت تمام التمام
الحمدلله


اللحين كلكم قلبتوا علي وصارت الدينارين وعّوه
الله يرحم ايام زمان كان النص يلعلع داخل البوك
بشوفه اهو شنو بيعطي عياله
اذا ماعطاهم الفلوس ملوت قبل الغزو انا موبراك

فريج سعود said...

كل عام وانت بالف خير عساك من العايدين الفايزين
والظاهر ولد العيد الياي بيقولك يبا زوجني
ذيك السعة فجج

vancouver said...

عييييييييدك مباااااااااارك براك


ايينن البوست

ما شاءالله عليه ولدك
كيووووووووت
ونزقة
هههههههه

الله يعينا عليهم لي كبروا
انا من الحين
بيمع حق طيارة ولدي
واليخت ماله
;P

بـوبـحــر said...

حلوة وقوية ....وهذا شغل براك ....رمزية جميله ومضمون قوي ....وصج اي طرارة

Najmah said...

اي صح :)
وعدتنا ورديت الابتسامة بوعدك :)

سويلفاتي said...

يحليله والله ما طلب شي ولدك بس يبي سياره ؟؟؟ الله يخلي لك عيالك وخوش قصيدة تونس
عيدك مبارك وعساك من العايدين الفايزين

esTeKaNa said...

انلام انا لي حبيته؟
الولد في عزه نفس
رد الفلوس ما يبي
طموحه اكبر من جذي يا براك
لا تكسر مياديفه،الولد حاط راسك براسه
!!
والله يا براك هالخشه جني اعرفها
:))

mtfa2el said...

عيال هالوقت يخرعون ..قبل اللي ما يعطينا ما نقول له شي ..الحين تعطيه خمس دنانير يخزك ..
طااالت و شمخت
الله يخليه لك ان شاء الله

عيون الحب said...

والله عراوسكم رخاص لوول
نحن هالمبلغ مايجيب عروس هالأيام خلاص لوول

هاليومين بس بتشبع عيونهم
باجر فوق الـ عشرين او ثلاثين ويلا يرضون

الله يستر من هالزمن اللي قام يخوف يوم عن يوم

والله يحفظ عيالك شكلهم تحفة من تحف الزمان لوول
:)

Barrak said...

فريج سعود

كل عام وانت بالف خير
تقبل الله طاعتك
واذا اتى اليوم اللي اللي يقولي فيه ولدي يبا ماابي عيديه زوجني بقوله انت اول شي زوجني

Barrak said...

vancouver

أيااااااااااامج سعييييييييده

من ناحية انه كيوت اشك في ذلك لكن انه نزقه انا ابصم لك
بالعشره
حلوه هذي بيمع حق ولدي
انا اقول حتى لو تيمعين له ماكو فايده

Barrak said...

بـوبـحــر

رد موجز ومعبر وراقي
هذا شغل بوبحر

يسلمك اخوي

Barrak said...

Najmah

الحمدلله ان ربي خلاني اشوف هالموقف مع الحبيب خشيم الفار
عشان نستمع
وترى فيه شغلات بثاني يوم العيد بس ماتنقال

Barrak said...

سويلفاتي

تقبل الله طاعتك
ومشكوره على المرور

بذمتك السياره لو عاديه مايخالف
الباشا يبي سياره كشف

Barrak said...

esTeKaNa


الله يلوم اللي يلومج
صج انه مرات يصير نذل
بس خوش ولد

اي والله حاط صماخه بصماخي
بالنسبه لموضوع الخشه
ستري على ماواجهتي

Barrak said...

mtfa2el
الله يسلمك ويخليك
عيال هالوقت يشيبون الراس

ويخلونك وانت بروحك بالسياره تتلفت
الحمدلله والشكر

Barrak said...

عيون الحب

موعرواسنا
عروسنا رخيصه
فيه ناس مهورهم ملايين
وفيه ناس بحلاوه يرضون
الله يعين الاجيال القادمه

والله يحفظ عيالنا

اللهم امين

charisma said...

ههههههههههههههههه
ههههههههههههههههه
والله انك وسعت صدرى وانا مستعسره مانى قادره انااام
:))))

رحموني يرحم أمكم

ههههههههههههههههه
والله اداااد ادااد يا براك
موعاجبه الدينارين
ولالا ردهم بعد
وااى عجيييب عجييب ولدك
عيااار
اشترله سياره شحن خل يقزر فيها
والله يعطيك وياهم طولت العمر وتشتريله السياره
:)))

عجبه هالولييد خف طينه الله يحفظه

Romia Fahed said...


عيدك مبـارك وعساك من عوّاده

العيد فرحة يبه
مو دينار ترزه يبه
العيد تشتري سيارة
مثلك ، مو الدنيا دوّاره؟

أول شريت سكوتي بـ سكوتر
والحين أعلنها يوميا
أبي سيارة - أبي موتر


/

\

يا حليل القمر بالصورة .. وإنتْ مستانس بعد وتبي تعطيه دينارين ؟.. بصراحة دينارين ما يسوون شيء الحين ..
أول يرفعون الاسعار على زيادة الرواتب الحين يرفعون الاسعار مع زيادة العيادي


إي صج ..
الله يجازي بايق البلوق الأول .. صراحة تفاجأت بعد الغيبه هذي !! مو قلنا لك .. ما لك بالسياسة لا تكلم لا تكلم بس ما سمعت الكلام ..:p
يالله المهم لا يمسحون البوستتز و يظل ديوان مفتوح ..

-------


نور الوجود

Dana__23 said...

كل عام وانت بخير يا أخوي براك :)
عيدك مبارك :)
اي يستاهل هالولد المزيون سياره ;p
الله يحفظه لكم يارب :)

Barrak said...

charisma

العساره هالايام منتشره وخصوصا ايام العيد

وبالنسبه لموضوع العياره ماياب العياره من بعيد

الله يحفظه ويحفظني ويحفظك

Barrak said...

نور الوجود


حياك الله اختي
الشمس من وين طالعه اليوم

اتمنى ان خشيم الفار مايقرا كلامج عشان ماأروح بداهيه
بالنسبه لموضوع البلوج المبيوق
بديت احس انه البوقه لها مدلول التأذيب بعد فصيدة شتبون بالدستور
لكن صدقيني راح ارجع اكثر من قبل سياسيا بس لما اتأكد ان الجميع دل طريج هذا البلوج

اشكرك على وجودك
وانا وراهم وراهم
بس بالحق

Barrak said...

Dana__23

وانتي بخير وصحه وسلامه
تقبل الله طاعتنا وطاعتك

بس بصراحه اهو مو كفو سياره
حده حده نباطه

إيلاف said...

ههههه الحمد لله بأنني لست إبنتك !

دينارين فقط عيدية ! لن ألوم إبنك على ما فعل بك ههه

كلمات جميلة وطريفة كالعادة , وأدامكما الله لبعض

الوجد said...

كل عام وانت بخير


الله يحفظه لك


طموحه كبير


عيديته وراها خراب بيوت


الله يطول في عمرك وتجيبها له

nadeyah said...

عيدك مبارك
والله يخليلك هالعيار خشيم الفار
صاروا ماديين عيال هالوقت :)

الله يرحم ايامنا بس
نيمع منى دينار ودينارين ودينارين وتيى عيديه الوالد الله يرحمه يبخنى بذيج الخضره ولا الخضرتين ويه اصير غنيه غنيه
ايام حلوه

Barrak said...

Ealaf

لا انا قايل اذا ربي رزقني بنيه راح اخليها فوق روسهم
البنات مصدر الحنان
ودايما يقولون البنت بنت ابوها

وبصراحه لو عندي بنت مثلك بافتخر فيها لانها متمكنه من اللغة العربيه بحذافيرها
ولان اسلوبها بالتعبير راقي
يشرفني
وايد

وكل عام وانتي بخير

Barrak said...

الوجد
وانتي بخير وصحه وسلامه
خشيم الفار طموحه كبير على قفاي
اذا هذي اولها ماادري عيد الاضحى الياي شنو بيطلب

الله يطول بعمري انشاء الله
بس اجيبله سياره هذي قويه
لانه وقت مايكبر بتصير الهايونداي ب20 الف كويتي
لا وقير عادي بعد

Barrak said...

nadeyah

ايامك سعيده
موبس عيال هالوقت اللي صاروا ماديين العالم كله صار مادي
ربي يستر من الياي
الله يرحم الوالد
ويرحم اموات المسلمين
تصدقين انا اذكر محد كان يبخني
ماادري ليش

لازم ابحث عن السبب

Kuw_Son said...

عيال هالوقت .. مو عاجبهم الدينارين !!

Barrak said...

Kuw_Son

عيال هالوقت مايعجبهم اي شي

الله يعطينا عمر ونشوف عيالك شنو اللي بيجيب راسهم