Monday, October 20, 2008

مملحه




مصلحه

تاخذ السنع

وتعفر فيه

وتذبحه

مصلحه

،،،،

عشان فلوسك أحبّك

وأحاول أملك قلبك

أغنيلك وألفح لو تبي

اصيرلك سايق وصبي

أدوس منطق الكرامه

وأذبحه

مصلحه

،،،،

عشان منصبك أتقربلك

أموت فيك وأهواك كلّك

لك مدة للصلاحيه

اليوم وياك 100%

وإن شالوك

أحذفك بمملحه

مصلحه

،،،،،،،

عشان موترك أتغزّل فيك

أدبخك وأدلعك وأجدّيك

أتفيخر بيختك وشاليهاتك

أخليك أسعد أدمي بحياتك

والأماني حولك

مسدّحَــــه

مصلحه

20/10/2008

الأثنين

السّنع : بتشديد السين وهو الشئ الراقي ويطلق على الشخص المهذب سنع بتسكين النون

تعفر فيه : أي تقلبه رأسا على عقب

ألفح : لفح فلانا أي رقص

أحذفك بمملحه : أي أرميك بقنينه ممتلئه بالملح

موترك : سيارتك ان كانت جيبا او كشفا أو مصندقا
أجديك : الجيم تنطق جيما فارسيه أي اطبطب على صدرك لتتجدّى وعادة الامهات يجدون اي يطبطبون اطفالهن بعد رضع الحليب لاخراج الغازات وعادة ماينتهي التجدي بصوتا يصدح من حنجرة الطفل الرضيع وهناك اطفالا يطلقون اصواتا من منطقة عريفجان جنوب الكويت مثلا ويصل الصوت لحدود نيروبي

مسدّحه : أي مرتميه على الارض مثال انسدح لطفي على القنفه أي ارتمى لطفي على الأريكه حلوه الاريكه وعاش واقف

43 comments:

Blog 3amty said...

ملحمة مو مملحة :P

esTeKaNa said...

مادري ليش طقيت بريك عند كلمه يلفح لك
!!
ممممم
منو اللي يلفح؟
حضرتك؟
ممممممم
:)))
بوست واقعي جميل
الله يبعدنا من هالنوعيات حذافين المملحات
ومسائك ملح:)

Purplecious said...

وهناك اطفالا يطلقون اصواتا من منطقة عريفجان جنوب الكويت مثلا ويصل الصوت لحدود نيروبي

لوووووووووووووووووووول

انزين شيسمون القنينة الممتلئة بالفلفل؟

كويــتي لايــعه كبــده said...

عاد المتمصلحين هم اللي يوصلون

اسأل الوزراء
:)

why me said...

كلمات تلامس الواقع المرير اللي احنا في



صح لسانك

Meme said...

تبارك الرحمن مشاء الله
انا عن جد مابعرف شلون بيكون فيكم تكتبو اي انا كلمتين على بعض مافي اكتب
الحلو انك عم اترجم لان عن جد في كلمات مو مفهومه الي
يلا يسلمو

تراب الكويت said...

يبيلك قلب ما يتعب عشان تفهمهم

اعتبر هذا توارد افكار
لاني قاعده اكتب عن نفس الفكره بس خليها بعدين وانا اختك

صح لسانك ومقامك
:)

Anonymous said...

عشان منصبك أتقربلك
أموت فيك وأهواك كلّك
لك مدة للصلاحيه
% اليوم وياك 100
وإن شالوك
أحذفك بمملحه
مصلحه
-----------

تخيلت تحذف بالمملحه

صح لسانك براك... صاج والله هذا اللي قاعد يصير

الله يحفظكم ويكبر حظكم
:)

Sweet Revenge said...

منطق الكرامة اذبحة ,اخ بس من هالي كرامتهم يبيعونها علشان مملحه ب100 فلس واقل يمكن
تسلم براك

Anonymous said...

wOw

ما شالله

وصف دقيق للواقع :(

والله شي مؤلم ! لكن اتوقع الحل ان الواحد يظل نظيف و عزيز نفس، لما تتفشى هالاخلاق الطيبة للجميع =)


لو بيدي حطيتك وزير الشعر الكويتي
:p

الله يحفظكم

darkness said...

صح السانك

صدقت

:)

terkwaz said...

من تكون
لانك تملك فلوس
ماتبيع وتشتري بضمير

تركب احسن سياره
وغيرك صويحب للهم والضيق

لا مزرعه ولا شاليه ولا ورث يشيل

ناس تلهث ورا الفلوس
همها الوحيد

التعنفق والتشيحط المليق

ماعاد فيه كبير ولا صغير

تساوت البشر بالفلوس

ناس ترضى بصفر وناس يتراضون باصفار


مصلحـــــه

___

صح لسانك

عاش واقف :))

ساره النومس said...

عاش عاش والله يبتها بوقتها والله قاعدين نتناقش اليوم عن هالموضوع لوووول

يعطيك العافية ..

vancouver said...

صححححححححححح لساااااااااانك
الف مره مو مره وحده يا براك


شوف عيني محد قاللي
ناس تمسحت بجواتي مسؤول كبير
وعقب يوم واحد من تركه المنصب
صارت سبته ببيزه
من اللي يسوى واللي ما يسوى
والكل تنكر له واهمه قبل حطوا خدودهم مداس له
!!
لا حول ولا قوه الا بالله


صدقت بكل كلمه

miss_lavendar said...

هههههههههههههههههههه


كلام فعلا واقعي

قواك الله

اما تعريف الكلمات

شي ثانـــــــــــي

^_^

الأمل said...

تحياتي
فعلا المصلحة اليوم هي السكان اللي يتحكم بكثير من الناس
السكان : تعني المقود و نقول سكانه مرته أي تقوده زوجته

MKSARAT - SAYED SAAD said...

باراك
الصديق العزيز
لي فترة طويلة لم ازور مدونتك الجميله
لكنى اليوم ها قد هبط على ارضها من جديد

اولا اشكرك على توضيح المعاني
ثانيا :
المصلحة اتفق معك انها آفة تدمر الشخص قبل أن تدمر ما حوله لكنها تبقي للأسف موجوده ولن تنتهي طالما ان طباع البشر موجوده ستظل المصلحة موجودة الابيض والاسود يا عزيز لا قيمة لواحد منهم في غياب الاخر
تقبل مروري
سيد سعد

Selezya said...

اي والله صاج
:)

===
عالهامش
سيارتك سبورت سيلفر ؟ :p

DiLLi O MiLLi said...

هالأشكال يبيلهم فلفل تذره بعينهم
هذيل اللي ماخذين البلد قووع
أدنى فئآت البشر



هههههههههه
حشااااا هالياهل اللي متجدي وصوته واصل نيروبي
مووو شارب حليب ... هذا شارب بيريه عقب ما أكل رويد

:)

Barrak said...

Blog 3amty

فعلا هي ملحمه
بين عزة النفس والاهانه

وهذه الملحمه
تحتاج مملحه

صح ياصاحب التعليق الاول

Barrak said...

esTeKaNa

اللي سلفح مو انا
هذا راعي المصلحه


اللي يحتاج حذفه بمملحه
اما انا فحالي تجدينه في صفحه
82
من ديواني

ان صح التعبير


مساؤك سكر

Barrak said...

Purplecious

يسمونها يامحفوظة السلامه

الفلفله

Barrak said...

كويــتي لايــعه كبــده



انت ترى صج لايعه جبدك


بس تبي الصراحه

عندك حق

Barrak said...

why me

صح بدنك

Barrak said...

Meme

وانا عن جد

اشكرك على مرورك

وتعطرنا بنسائمكم الليبيه


حياك الله

وهناك كلمه ليبيه احبها

كلمة

صعيب


لكن صعيب كيف نوصلها

أماني العين يامطولها

Barrak said...

تراب الكويت

ليش لبعدين وأنا اخيّج

هذا وقته

المصلحه منتشره هالايام


اشكرك

Barrak said...

Bluetiful Nostalgia

الله يخليكم ويحفظكم

ويعلي قدركم


ومقامكم


شكرا

Barrak said...

Sweet Revenge

كل شي قام ينباع برخيص

الشي الغالي ندر

Barrak said...

Mai


اشكرك سيدتي

انا اصلح اكون


وزير الاماني

Barrak said...

darkness

صح بدنك

اشكرك

Barrak said...

terkwaz

من قال عاش

Barrak said...

alsaronah

يعافيك ويخليك ويسلمك

Barrak said...

vancouver

الامثال كثيره ياوخيتي


ولهنا على وجودك

شهالغيبه



نورتينا


طفو نور الكهربا

GUCCI-q8 said...

ايه يا براك
صح لسانك كلها مصلحه مو هذا اللي ذابحنا
تسلم

Manal said...

عشان منصبك أتقربلك
أموت فيك وأهواك كلّك
لك مدة للصلاحيه
% اليوم وياك 100
وإن شالوك
أحذفك بمملحه
مصلحه


عجيب

بس انا اقول مالت الفلفل احسن
تاثيرها اقوى بالمعاطس

تسلم ايدك

:)

كويــتي لايــعه كبــده said...
This comment has been removed by the author.
Barrak said...

miss_lavendar

كلام يمكن حلو
لواقع اميد مر


الله يقويك
يخليك

ويسلمك

Barrak said...

الأمل


ويقولون مرات عندما يكون الزوج سكانه ومرته
انه مرته مسويته قليلبه

والقليلبه

لا بس خلاص

اشكر مرورك

Barrak said...

MKSARAT SAYED SAAD

فعلا غبت مده طويله

وعذرك معاك عذرك

وانت اللذي قدرك

عيني وعلى راسي

Barrak said...

Selezya

مشكوره

عالهامش

إيه

Barrak said...

DiLLi O MiLLi

الله

كلمة تذره

رغم واقع حال النصلحه

كلمة تذره جميله

تذر


ياسلام عليك

بالنسبه لاصوات نيروبي

سمع إذني محد قالي



اشكرك

Barrak said...

GUCCI-q8

الله يسلمك
احنا ذابحتنا اشياء
وايده

وايده


اشكرك

الى الان انتظر ردك على ناي

Barrak said...

ManalQ8

اهو العاده يحذفون يشغلات ثانيه غير المملحه

بس لزوم القافيه


اشكرك