Tuesday, July 8, 2008

وإن زعلت ؟؟



وإن زعلت؟؟

شالمطلوب؟؟

شا أسوِّي؟؟

يوم راضيتك

شنلت ؟؟

وايد كنت علي متقوِّي

ووايد أنا تحمَّلت

وإن زعلت ؟؟

،،،،،

لو أرضى قليبي مايرضى

يحرِّم يدق بعدها

بتكرهني حتى النبضه

لو أيامك أردها

ياكثر ماكنت طيب وياك

وياكثر مابخلت

وإن زعلت؟

،،،،

أنا اللي غلطت وحبِّيتك

أنا اللي غلطت وأغليتك

مشكلتي قلبي طيبته إذبحتَه

مشكلتي بالدنيا إنته

أنا الغلطان

وايد وياك طوَّلت

وإن زعلت؟؟

،،،،،

لا تفكر إني براضيك

ماتهزني عيون تدمع

لاحشا ابد أبيك

لا تحلم إني أرجع

 أنا منك

شحصَّلت

وإن زعلت؟؟

40 comments:

Mamloo7a Q8ia said...

أنا اللي غلطت وحبِّيتك
أنا اللي غلطت وأغليتك
مشكلتي قلبي طيبته إذبحتَه
مشكلتي بالدنيا إنته
أنا الغلطان وايد وياك طوَّلت

هذي مشكلتنا ياوخيي
طيبة قلوبنا
اللي ذابحتنا
بس ارد واقول يا خوي
يا براك اللي يحب يغفر
ونظل احنا الطيبين

kuwaitya_7saweya said...

اي والله وان زعلت شنو يعني؟؟
ألزم ماعلى الواحد كرامته

فريج سعود said...

خوفك تصير ناشفه يا البرك
وتنجبر ترجع

AseeL said...

الحب تذروه رياح الكبرياء

الزين said...

وإن زعلت يا براك

:)

Blog 3amty said...

لو أرضى قليبي مايرضى
يحرِّم يدق بعدها
بتكرهني حتى النبضه



----


طول عمرك مبدع :))))

mellow said...
This comment has been removed by the author.
mellow said...

براك يا حافظ إشفيك قلبت عليها؟
شافتك (بتجيلها حب بحنايا الروح )قالت خن أتدلع.. ما تنلام

يا وخييّ إذا وجد الحب أصبح البحث عن العدل من نافلة القول فالحب كريم يسد جميع الثغرات و المودة رحيمة تغفر كل الهنات

ما أحب أشوف الزعل بين أثنين يحبون بعض:)

lawyer said...

لو أرضى قليبي مايرضى
يحرِّم يدق بعدها
بتكرهني حتى النبضه


هذي بروحها يبيلهاااااا قصه
مووووووو بيتين شعر

ماندري القلب عاف الحب والا عاااااااافه
و الا من كثر حموووووله قام يتجافاااااه

مدري

وايد محير الوضع



مرات اقوول
انا ادري اني احبك
بس اتصدق مافيني حيل احبك

يعني اهو اكو حب
بس مخنوق مافيه حيل يسوي شي
متبلد

او حب متجلط ويا الدم

DanDash said...

كلمة وحدة

مـــــــــــــــبـــــــــــــــدع

الجميل في كتاباتك انك تستخدم مفردات بسيطة بس تجملها و تخليها تحمل معاني روعة

شكرا لك


سلام خصوصي لخشيم الفار:)

Barrak said...

Mamloo7a Q8ia

سيدتي المملوحه صاحبة التعليق الاول

طيبة القلب ذابحتنا يمكن

بس ليمتى
نغفر ايه

لكن اذا بدى كل شي ي صير تافه

يصير الواحد بسه

Barrak said...

kuwaitya_7saweya

فعلا


لحظه

انتي وينك

وهم لحظه
انا ويني هم انا مقصر عيل سامحتك

المهم يالقدساويه

فعلا الكرامه

اللي رافه الكرامه هامه صعب يرجع

لانه اهو اصلا شحصل

Barrak said...

فريج سعود

ماتصير ناشفه لاتحاتي

واذا نشفت عندك
قولي

ههههههه

حسين فهمي مو براك

Barrak said...

AseeL

صح كلامك

هذا اذا فيه كبرياء

الموضوع كله
شبيصير بالدنيا لو واحد زعل

Barrak said...

الزين

شنلت يالزين شنلت

Barrak said...

Blog 3amty

اقولك شي

مرات انت ترفض شي معين
ومرات كل قطعه بجسمك ترفض هالشي

حبيت اني اوصف الجمله الثانيه بطريقتي


اشكرك

Barrak said...

mellow

ياسيدتي العزيزه الموضوع بعيد كل البعد عن براك

اللي قلتلها باجيلك حب هذي ملاك لايمكن اني اقول عنها انا وياك شحصلت


ولكن هذه القصيده ان جاز التعبير هي تخص موقف لشخص عزيز جعلني اعيش القصه كامله وحسيت انه محتار بالرد كتبت هالقصيده وتقمصت شخصيته

وحسيته ارتاح

عموما انا احب اني اشرح شي مايخصني اذا كنت عايش وفاهم القصه بحذافيرها

ولاتحاتين يالراقيه
ماكو زعل لان الحب اكبر من الزعل

والحب مو كلمه تنقال


لاتحاتين اشكرك

Barrak said...

lawyer

فيه مره كتبتي انتي بوست يخص هالموضوع

وبصراحه فيه جم بيت انا بقتهم من احساسك

عموما

وان زعلت قصيده تشرح موضوع

ممكن المره المتزوجه تقولها لزوجها الدلوع اللي على ادناة الدون يزعل

ويمكن العكس
ويمكن الام تقولها لابنها
يمكن ويمكن

الزعل اللي ماله داعي ماله طعم ويرخص الناس بعيون حبايبهم


الوضع مايحير

بس مرات نحس ان احاسيسنا الملهوفه لازم نكبح جماحها

حلوه نكبح جماحها

Barrak said...

DanDash

اشكرك

الابداع اهو انتو
لان لو ما انتو ماكو تشجيع

واذا ماكو تشجيع ماكو بوست واذا ماكو بوست ماكو مدونه


خشيم الفار توه داق علي يقولي براك لاتشتري برّد حق عبودي ليش يامحمد يقول لانه طقني

بعد 5 ثواني اكتشفت ان اهو طاق البيت كله وطبق المثل اللي يقول ضربني وبكى وسبقني واشتكى


ترى خشيم الفار نفيسه يمكن مايعطيني ويه

Najmah said...

لو أرضى قليبي مايرضى
يحرِّم يدق بعدها
بتكرهني حتى النبضه

ايييي والله مايرضى
!!

اذا بتزعل
ياخي ازعل ولا تسامح
انا قصدي ترى واضح
ترى تسوي الجروح اكثر
ماعاد اهتم مثل اول

kuwaitya_7saweya said...

انا لهيت شوي وسافرت وتوني قبل يومين راده

darkness said...

ههههههههه

دقيت على ياسين؟

layal said...

هذا شكله بايع ومخلص
قلبه متروس :-)
تحياتي

Lavender said...

ترى كلش ولا زعل الحبايب :)

لااااااااااااااا يزعلوووووووووووون

sologa-bologa said...

الحين منو الزعلان
ومنو اللي بيراضيه
؟؟

لا تفكر إني براضيك
وما تهزني عيون تدمع
لا حشا ما عدت أبيك
ولا تحلم إني أرجع
ما أدري أنا منك شحصلت؟
وإن زعلت


عقبها ما ينفع ندم

وصح لسانك استاذنا

نور سلطان العيسى said...

براك ..

ما يرضى قليبي

وأنت صادق

وإن زعلت


بنت سيف

Super Woman said...

الراوي المبدع براك

تحية طيبه وبعد ..

اقرب الناس لك زعل عليك وانت ماتدري ليش الزعل
تحاول تستفسر تخاول تتذكر بس انت متأكد انك ما غلطت والزعل هذا من ولاشي
يعني زعل وبس .. ولانك تحبه تحاول تراضيه بس يرجع ويتغلى
ارثي لحال هالإنسان المسكين

الشي الثاني

يزعل عليك شخص .. وانت بره الموضوع
ويعصب ويقلب الدنيا فوق تحت .. ومن طيبتك او من وسع صدرك تسوي روحك انك نسيت الموضوع
تشوفه مره ثانيه وتكلمه عادي ولكنك تلاحظ انه مو مشتهيك
تنقهر طبعا .. لانه اهو الغلطان وسامحته واهو مو مسامحك مع انه ما فيه شي يسامحك عليك

تضطر هنيه انك تتخلى عنه مهما كان اهو قريب منك

لانه يمكن اللي يالك منه مو شويه وانت تتحمل وتصبر ولي متى ؟؟
وكل مره راح يرجع لعوايده
وانت ييك وقت تقول فيه بس كافي

!!


بقلبي كلام وايد
ماني عارفه اطلعه



كلمة راس : دايما لما اقرا كلامك احس انك تقول اللي بقلبي
اللي انا ما عرفت اطلعه
وهذا بحد ذاته ابداع شاعر

تراب الكويت said...

لما نلتمس لهم عذر
ونبرر كل االاخطاء
ونتحمل
وبالمقابل
نتحاسب على هفوة بسيطة
من مبدأ غلطة الشاطر بألف
ونتغير
نحاول نرد اعتبار هالمشاعر
نصير.. بايعين وظالمين
وكأن الإنسانية حكر على شخص دون سواه

والله قهر
:(

Barrak said...

Najmah

انتي صح يانجمه

والله صح

Barrak said...

kuwaitya_7saweya

مكانك مبين

الحمد لله عالسلامه

Barrak said...

darkness

فضحني ياسين

طبعا من غير الدخول بالتفاصيل
ياسين هذا اهو مصمم ومخرج الديوان اللي بإسمي
وبصراحه صارله 3 شهور معاي يننته


وكل شي بوقته حلو

Barrak said...

layal

مرات اذا الواحد عطى كل شي عنده ومن قلبه وحس بان ماكو فايده

بس كل شي يرخص بعيونه


شرفتيني

Barrak said...

Lavender

انتي صح

Barrak said...

sologa-bologa

وان زعلت ؟؟

علامة الاستفهام تقول ان اذا يعني اهو زعل شبيصير


دايما اقولك انت استاذ واحنا انتعلم منك

Barrak said...

بنت سيف

حي الله اهل الدوحه


شرفتيني سيدتي

Barrak said...

ShLaLaT

انا فهمتك

صج لويه بس فهمتك


كل انسان فينا موجود فيه شاعر

اشكرك

Barrak said...

تراب الكويت

سلامتك من القهر

فيه ناس مو كفو حتى نسمة الهوى اللي تمر عليهم

Amphibious said...

وأحلى الهوى ما شكَّ في الوصل ربه
وفي الهجر فهو الدهر يرجو ويتقى

Barrak said...

AK-47

شكرا

|:| DUBAI |:| said...

وااااااااويلاه

!!!!!!!!!!