ممكن توصل السما وتِنشِهر بتغريده
و بكلمتين تصير معروف ومشهور
قَطَّه من فلان و حجوة من إيديدَه
توصل بلدان تعبر وديان وبحور
مغرد تقول عنّه الله يزيده
ومغرّد لو طروه يشع النّور
تصير حجوه للناس بقصيده
وتكون نجم ضاوي وبدر البدور
تويتر يودّيك لأماكن يديده
بدون ترزز و تسمّت و بخور
يعرفونك وتصير كلماتك نشيده
توصل طنجه دبي وكوالالمبور
وتسولف عنك جانيت وتفيده
وبزّه وحسينوه وخلّود ونصّور
غربلونا كل يوم تقنيه جديده
تاخذنا تدبّخنا تلف فينا تدور
التغريده أقوى من مقالة بجريده
التغريده تعدّل وتسنّع الأمور
خل نختصر حب الكويت بتغريده
اللي يحبها بس يكون مشهور
No comments:
Post a Comment