Friday, August 20, 2010

شيم


ودي أتكلم عن الواقع الأليم

بس باسكت لان هالشهر كريم

أشوف طبخات سياسيّه

ولويه وأذيّه

اخاف اقول

وادش بسين وجيم

.......

صندوق تنميه مافرحت فيه

ماادري ليش وايد أحاتيه

اسمع تصريحات

وفرد عضلات

بين هامور وزبيديّه

وشيم

....

ماودي بهالشهر أتكلّم

بحاول إني أتعلّم

وافرض قانون السكوت

وأطيحله محلبيه وبسكوت

وأستمر بالريجيم

.......

فيني حجي وايد .. وايد

بس رمضان يهوّن الجايد

ويخلّي الأرواح تتصافى

مالي شغل الا بالكنافه

الله يهدي الجذاب

ويعقّل اللئيم

20-8-2010
الجمعة


الشيم :من الاسماك المحببه عند اهل الكويت ، وتعد من اسماك الدرجة الاولى ، وقالوا في الامثال : الشيم أكل الحشيم او ماياكلها الا الحشيم

13 comments:

Яeema said...

صدقت الشيم ماكوا الحشيم
ودي يوم و ترك أكل من هالسميجات

قلب طفله said...

صح لسانك
اكل من هالشيم و عيش ايام
هالشهر الفضيل و طنش ربك كريم

Barrak said...

reema
هلا بريما
كل عام وانت بخير وعساج من عواده

نورتينا

من وين مطلعه كلمة سميجات
ياحلو هالحجي

مشكوره

Barrak said...

قلب طفله


صح بدنج
عايشين وشايفين وساكتين
يااخيتي

حياج الله

تسلمين

Peace said...

احسن شي الريجيم

لان الواحد يدير باله على اكله و صحته

كويــتي لايــعه كبــده said...

مو مصدق خطة التنمية
الا اللي براسه نيدية
والا ما يعطون ال37 مليار
الا للي ياما باق بدون عيار
ما يستحي لا من بشر ولا بهيم

منت لحالك عندك كلام كثير
كلام ما يفوت حتى ال**ير
بتحاسب منو والا اللي جابه
ناسين الحساب الكبير ومن حسابه
وقتها بحالهم ربك بس عليم

---
صح لسانك يا براك

Barrak said...

Peace

صح صح
اهم شي الصحه وحب الوطن

Barrak said...

كويــتي لايــعه كبــده

صح بدنك

وصح لسانك


الله كريم

mowa6en said...

هامور و بسكوت وشيم وكنافة

انتَ يوعان !!

صفحات مُلطخّة بحروفي said...

مُضحكة بحقْ ..
^-^

M said...

عيدك مبارك "برّاك" وكل وعام وانت بخير.

Barrak said...

مواطن

هلا اخوي

انا طهقان

Barrak said...

صفحات ملطخه بحروفها


سيدتي

اشكرك علي هذا المرور

شكرا