تدرون شكثر بينا وبين الالمان؟؟
انا أجزم.. مليون سنه ضوئيـه
ماتلقى واحد مكسور ..وتعبان
لاشايب لاصبي ..لاعيوز لابنيه
ودي القى واحد ..فيهم عيزان
والا واحد ضايقه فيه ..الدنيا
من غيرهم يعرف قيمة ..الانسان
من غيرهم يقتل معنى .الإتكاليه
تلقى الرسام العالم الفاهم الفنان
واللي يلاحظ نبته ويراقب صمّيه
حتى راعي المطعم متعلم وفهمان
مالقيت عندهم حراميه وجمبازيه
ناس سطّروا للعلم قيمه وعنوان
ناس ماشين صح وفعلا شقرديه
تدرون شكثر بيننا وبين الالمان
اذا مليون سنه صدقوني شويه
12 comments:
اشتقت لك والله يا حلو .. واشتقت لكلامك الجميل ..
الله يهدينا ونصير نصهم .. كافي والله وزيادة .. بس خنتحضر ..
تحياتي ..
احمد
تشتاقلك العافيه
نصهم وايد
ياليت ربعهم
اشكرك
رووووعه ...
خوش بوست ... والفال لنا نصير نفسهم
يعطيك العافيه
وتلوموني بحب هالشقردية :)
صح لساانك
يا زين الالمان و يا زين ديرتهم فله
ما تنلام فيهم
يا حلاتهم ويا حلات سوقهم و مهرجاناتهم ونيسه
صباح الخير بوعبدالله :)
مابيدنا ياخوي الا التمنى و
الدعاء ان نصير نفسهم ان شاء الله
و صح لسانك دائما مميز
لا وازيد بعد المليون سنه ماراح تقل .. بتزييييييييييد ليمن توصل ملالالايين
عمرنا ماراح نوصل :)
...
شخبارك :))))
فجر
الله يعافيج
خوش طله
شكرا لكِ
ANGEL HEART
الله يلوم اللي يلومج
صح بدنج
الجودي
ياحلو هم وياحلو تاريخهم
وعلمهم واخلاقهم
واشكرج
قلب طفله
صباح النور
ومساء الخير
يارب العالمين نصير نفسهم
بس بمعاييرنا الجميله
شكرا لهذا الوجود
Selezya
كلامج صح
انتي اللي شخبارج
من وين طالعه الشمس
Post a Comment