ودّي أفهم الواقع
بس ماأفْهِمَه
فيلم هندي
بدون ترجمة
أحداث غريبة
و تصرفات مريبة
تخلّي صرح التخلّف
راكز على الأرض
وواصل لي السما
ودي أفهم الواقع
بس ماأفهمه
.....
أسأل الناس شالموضوع؟؟
تجاوبني عويناتهم بدموع
أسأل ربعي شالسالفة ؟؟
أشوف عيون خايفة
وويوه مقلدِمَه
ودي أفهم الواقع
بس ماأفهمه
........
يمكن أنا ماأعرف أسأل
وعايش بأوهام وأتخيّل
أكيد العيب فيني
فيها شي عيني
الرؤية عندي
مُعدمه
ودي أفهم الواقع
بس ماأفهمه
الأربعاء
١٨-٥-٢٠١٠
9 comments:
ولا راح تفهمه يا براك
لان هالواقع غير مفهوم بالنسبة للناس الطيبة اللي مثلك يا براك
نفس السؤال يداعب خيالي كل يوم
و انا اقرا الجرايد و انا اشوف التلفزيون و انا في المكتب
:(
ولا لاقي له اجابة
الفرق ما بين الواقع و الفيلم الهندي
انه الفيلم الهندي نهايته معروفه
Me either
يحتاج نتماشى معاه بس مو لازم نفهمه
:)
تدري أحيانا أحسن إن إحنا عايشين بحقبة مسلسل مكسيكي مليق مو راضي يخلص حلقاته تتجدد و الكل يتصدد ما يبي يتابع بس ما باليد حيله هو مفروض على الكل
و الله المستعان
براك لو سمحت إشلون اسكر الصوت لما أقرأة مدونتك ؟ في لها طريقه غير إني اسكر الصوت من جهازي ؟؟!!؟
عثماني
هلا فيك اخوي الغالي
القاطع
اللي ولهنا عليه
السؤال يداعب خيال كل شخص يعشق هالارض وماعنده مكان غيرها
Peace
كلامج كبير كبير
وايد وايد
اختصرتي اللي بقوله بخمس كلمات
الله يحفظكِ
illusionist
كلنا بالهوى سوا
mtfa2el
هذا الشعب عنده مشكله
مايعرف يمشي باي مشوار الا اول شي يفهم
Post a Comment