Wednesday, March 3, 2010

قمت أهذري





ليمتى بتحمَّلْ

كلام جارح

يذوّب روحي بصدري

ليمتى أسامح 

واشوف غلطات

تشب نار حدري

ليمتى بتحمّل

كلام جارح

يذوّب روحي بصدري

.......

تعبت أسأل ومامن إجابه

متى قليبي يِنحرِم من عذابه

متى القلوب ماتصير كذّابه؟؟

متى طيبِتي ماتكسِرني

متى الأحلام منّي تدني

....متى

....وليمتى

.... ماأدري

بتحمّل كلام جارح

يذوّب روحي بصدري

.......

ناقص عنا عشان أتعنّى؟؟

صار حريمتي أتهنّي

ابي  لحظه تغفي عني الأيام

ابي لحظه أفهم تكوين الأحلام

ماطلبت المستحيل

أبي ماأنظُلم مرّه بعمري

ليمتى بتحمّل

كلام جارح

يذوّب روحي بصدري

.........

 قُمت أسولف عن نفسي لنفسي!!

قُمت أرِد على كلامي!!

قمت أنسى منامي

... قمت

... قمت

... وقمت

.... قمت أهذري

١-٣-٢٠١٠
الأثنين

2 comments:

للوش said...

Barrak

أبدعتــ بِ رسمـ الإحسآس بِ حرف رآقي
كلمآتــ منسوجه بحسْ صآدقْ ،
تعبير جميل بحروف رآقيهـ
صح لسآنكـ وسلمـ قلبكـ
وننتظر الأجمل والأروع ل نستمتع
ب تسآقط مشآعركـ ..!

Barrak said...

للوش

سيدتي الراقيه

لم ابدع بقدر ماأبدع الألم فيني

شكرا لوجودكِ

سيدتي