شايب يحازي أحفاده بيوم العيد الوطني
تدرون شنو الكويت
ياعيال
الكويت نسمة هوى
تذكّرنا برجال
عطاياهم كريمه
سواياهم عظيمه
عطت لهالبلد معنى
اللي كِتَب وتغنّي
واللي نَحَت ورِسَمْ
واللي ينهم
بأووه يامال
تدرون شنو الكويت
ياعيال
.....
ديره إنبنت على الطِّيبَه
ناسها طيبه وحَبيبَه
كانوا عالبحر يترزّقون
الفقر جبرهم يتعاونون
كانت تِنرِسم معاني الوفى
على اليال
تدرون شنو الكويت
ياعيال
......
ديره إنغزَت وتحرّرت
ماضرّت حتى لو تضرّرَت
إرسموا الشهداء رسمه جميله
لها معاني كبيره وأصيله
معاني تختصر كلمه
إستبسال
تدرون شنو الكويت
ياعيال
......
الكويت أكبر من زينه
وأنوار تضوي المدينه
الكويت حبها بقلوبنا
بكلامنا وبإسلوبنا
حب الوطن موزينه
نونّس فيها اليهال
تدرون شنو الكويت
ياعيال
.....
عيد هالوطن مو عطله
ووزارات ودواير معطله
ومسيرات ورغوات وهرنات
حب الوطن يحتاج إثبات
ويحتاج أفعال
فهمتوني ياعيال
١٨-٢-٢٠١٠
الخميس
16 comments:
فهمنا
كل عام و الكويت بخير
كل عام والكويت بخير
الكويت ياصاحبي هي نهمة اليامال
ولهت على هالاحساس بقصايدك
صح لسانك يابراك
والله يحفظ لنا ديرتنا من كل مكروه
اذا فهموا دزلي مسج
كل عام والكويت بخير ، كلمات جميله ، صار العيد رغوه ورشاش ماي وزينه :)
الله اكبرررررررررررررر
رائع فهمنا فمهنا
كلام يقطع القلب !
احنا فهمنا بس اهما يفهمون ؟
مطقوق
اشوه
why me
امين يارب العالمين
نجمه
صح بدنكِ
الله يحفظ هالناس الطيبه
Eng_Q8
تهقى راح اطوّل عشان ادزلك مسج ؟؟؟؟؟
well_serviceman
للاسف ياخوي
مفهوم العيد الوطني اللي عشناه بالثمانينات
بدت تمحيه الرغوه
مركبنا
اكيييييييييد؟؟؟
Being One
مالنا شغل فيهم
اهم شي احنا نفهم
وبس
شكرا
هذي الكويت صل على النبي
صح لسانك براك
:)
Bluetiful Nostalgia
صح بدنكِ
شكرا جزيلا
Post a Comment