على حِس
سوالف أمس
سهرت لوحدي
ذكرت كل كلمه إنقالت
وكل دمعه بخديداتك سالت
على روحي الضميانه
كان حسك
يروي النَّفْس
على حس سوالف أمس
........
كلامك .. اللي إنقال
وحسّك ... اللي شال
قلب ملّته همومه
وطار بكلمه منك
وطابت جروحه
ردّت له روحه
بكلمه منك
بدى يتنفَّسْ
على حس سوالف أمس
....
للذكرى معاني تنسجني
تشِد بالخيال أوتار تعزفني
وأتغنّى بماضي حاضر بعيني
اشوفه وتحسه إيديني
انا عايش على حسك
وبس
وعلى حس سوالف
أمس
٢٣-١١-٢٠٠٩
الاثنين
8 comments:
في شي متغيّر؟
يمكن
انسج من خيالك
رداءا من مشاعر
يحتضنن رجفة برود قلوبنا
دمت .. اي والله دمت
الله عليك يا بو عبدالله
نادر ما احب العامي ويجذبني
بس من حسك وقلمك غير
غير
سوآلف الأمس تهفو القلوبــْ المليئه ب الشجنْ
لزيآرته يآخذه الحنينْ إلي هنآكـْ ، ،
؛
Barrak
مشآعر موجعه يغمرهآ الشجنْ
ولكنْ أتقنتـَ تصوير إحسآسكـ ب صدق ْ ..
ع ــقود ورد لكـ ..
للذكرى معاني تنسجني
تشِد بالخيال أوتار تعزفني
وأتغنّى بماضي حاضر بعيني
اشوفه وتحسه إيديني
الله الله الله يا وخيي الغالي
ما شاء الله
روعه روعه هالكلمات
مبدع كعادتك ياخوي يا براك
تراب الكويت
وايد أشياء متغيره
وايد
اشكرك وايد
أسيل
وجودك غير
احترم صراحتك
سيدتي
للوش
من سوالف الأمس
نبني باجر واليوم
نرتب حياتنا
على حس مر
وإنحس
وبس
اشكرك سيدتي
شكرا جزيلا
مملوحه كويتيه
من وين طالعه الشمس
الاروع وجودك سيدتي
Post a Comment