Monday, October 19, 2009

لاتمنع



لاتمنَع

وتخلي الناس

لعقليتك تخضع

لاتمنع

هذا إيه

وهذا عيب

وهذا وَعْ

لاتمنع

......

قبل لاتفرض قرارك إسمَع

شوف راي العاقل وإقنَع

شوف حالته نفسيته

شوف واقع ديرته

ومن وقتك الثمين

مره تبرّع

لاتمنع

......


هالمجتمع ثلثينه شباب

ناخذ الخبره من الشيّاب

ونخلق جسور من التواصل

مو مهم هذا رزه وذاك واصل

المهم الأمور

إتّسنّع

ويافهيم إسمع

لاتمنع

١٦-١٠-٢٠٠٩
الجمعه

10 comments:

enter-q8 said...

صاج
اهو بيمنع و لا يسمع
نبيه يسمع و اذا ما اقتنع خله يمنع

كويــتي لايــعه كبــده said...

لا تمنع الناس من القليل اللي بقى فيها
وتكرر أكاذيب التنمية والمركز المالي

والبلا والقصور ما تجيك الا انت تجيها
تعصف بالبلد وتلعب بمستقبل عيالي

العيب عيب باللي يعجز عن مصالح البلد وأهاليها
لكنه عيبين فيك يا من تعمدت الخراب وانت تلالي

تلالي بالمصلحة العامة وانت أول عاميها
مدامك مرتاح بالبشت ما همك سهرها الليالي

مقيوله من قبلنا حاميها حراميها
المال والسلطة والجاه وبغيرها ما تبالي

ربي اذا انت ما دريت ما غيره حاميها
من شر عمل ناس تقول عكس ما تفعل بالأمس والتالي

ظــامـي ســـراب said...

الأستاذ برّاك
التجرّد منجاة من دنس الحياة لأجل الحياة لا مضامينها فكم نفتقر للطهر إيماناً ومنهاجاً
يحفظكم الرحمن

aL-NooR . said...

تسلم على هالحرووف
يا براك ..ما شاء الله عليك
يا شاعرنا


صبحك الله بالنور و النوير
******************

الحــــر said...

صح لسانك

ولا تمنع عنا الكلام الحلو

Barrak said...

q8 enter

انت مبدع

اشكرك

Barrak said...

كويتي لايعه كبده

صح لسانك

الاهات بقلبك ياخوي ياكبر معانيها
والانات باليوف من كثزها مالها والي

Barrak said...

شفيف الثنايا

استاذي القدير

يحفظك الله

Barrak said...

aL-NooR


يامسا الانوار

كلمة شاعرنا كلمه كبيره علي

شكرا

Barrak said...

الحر

صح بدنك

على امر امرك