Monday, June 22, 2009

كافيار




عندي جدول رحلات يبي مليون دينار


شامل المصاريف والتذاكر والإقامه


فلوسي ماتودّي حتى زنجبار


 عندي أقل من راتب خدامه


شاطر بس تصرف ليل نهار


وبالصيف تردد يالله السلامه


خو .. خشلك شويه المعاش طار


ياشاري زوليّه يامصلحلك جامه


غيرك يصيف بنيس طايحله كافيار


وإنت خاش راسك تقول نعامه


ناس من الوناسه تطق إصبع وطار


وناس يقزرونها جنجفه ودامه


تعشينا جبن لبنه طماط وخيار


لا وفّرنا ولا وطوطنا  المنامه


تــنــــــتفنا وخذنا بالفلـَـــس سطار


سطار حامي فرض علينا إحترامه


نتربع بالحوش نحلم بمليون دينار


ممكن بس إذا طلع زلف لأوباما

17 comments:

كويــتي لايــعه كبــده said...

شلك بالسفر والانفلونزا بكل دار
تحجج فيها وخلك مثل صاحبك وأخوانه
دام العذر جاهز اخذه ولا تحتار
وقول لولا الحذر كان فربت العالم تقل دوامه
حنا دوم كافيارنا جبن وخيار
ولو تقط لنا بعير لعظينا سنامه
وما جديد(ن) علينا الا السوفليه والتارتار
والا اللي نعرفه نجيب لك علومه
حنا وين وأوباما وين يكون لنا جار
ربعك لي بعدوا أقصاهم صلاله
ولي ما صار عندك مليون يعني شصار
لا تغير علينا شيء من صحوة ولا منامه
لي بغيت توهق قوم الواسطة والكافيار
شوحهم عندنا بالقيض وحر البوامه
كان لحقت عليهم من اللواهيب والغبار
تلقاهم محرقتن "براتمهم" هالرخامه
جونا خايس وما عندنا الا الأعذار
بس ما لك الا خشمك ولو اعوج قوامه

esTeKaNa said...

يا صباح الكافيار
:))
هههههههه
ما قدرت اخفي ضحكتي يا براك
عندنا زوليه نسميها بساط الريح
كل زواره نسافر مكان ونرجع
يمكن اذا وضعك مستعسر نسلفكم زوليه الاحلام او بلفظ اخر بساط الريح
:P

فريج سعود said...

تسمح لي اطبع بوستك واكبره وابروزه واحطه بالصاله ؟

charisma said...

:))

الغالب الحين قاعد ماكو سفر مع فلونزا الخنازير

sologa-bologa said...

أخ يا الكافيار


صج يبيله سفرة
:)

|:| DUBAI |:| said...

Passed to say Hi : )

جنون الكويت said...

للأسف هذا حال اغلب الكويتين بس تصير العطله يكتشفون ان الرصيد زيرو
...........
طرح ممتع للمشاكل الحياتيه ...........
شكرا لك

فراوله said...

مساالورد والجوري
عزيزي الرائع
هالسنه ماكو سفر
بسبت هالامراض الله يكافينا الشر
يالله ان شاءالله
السنه اليايه
يمديك تيمع
;))

Barrak said...

كويتي لايعه جبده


صح لسانك

الانفلونزا

لاعبه بحسبة الدنيا


استاذي

انت الاصل واحنا تلاميذك


شكرا لك

Barrak said...

استكانه

ياصباح الهنا


سيدتي الراقيه

اللحين عرفت ليش خشيم الفار يحب اغنية
خذني بساط الريح وديني لاحبابي

Barrak said...

فريج سعود


كله بحسابه


هههههههههه

Barrak said...

charisma

عطوني مليون دينار

وانا اتصرف

Barrak said...

sologa-bologa


مو قلنالك


انت ما طعت

Barrak said...

sologa-bologa


مو قلنالك


انت ما طعت

Barrak said...

دبي


حياج الله

Barrak said...

جنون الكويت


شكرا لك سيدتي الراقيه

Barrak said...

فراوله

مساء الانوار



لو نيمع سنين طواعين مامن فايده