Saturday, March 28, 2009

عجّافه




مثل ماتحط ضناك تحت لحافه

غيرك ياخذ ضناه ويدِفنــه

ناس أحوالها آخر كسافه

وناس تقول :عشنا وشفنا

 أمم من الجوع خوّافه

و كل واحد ماكل تِبنه

وأمم كثروا فيها العجّافه

ياكثر مالعوزونا وتلجَّمنا

الكل يحمده وهو يجر لحافه

يارب بالأمن والأمان متّعنا

26/02/2009
الخميس

30 comments:

كويــتي لايــعه كبــده said...

"غيرك ياخذ ضناه ويدفنــه"

تعبير يعوّر


اللهم لك الحمد والشكر
يا الله سترك ورضاك

Unknown said...

انا اشهد انهم شكثرهم بهالديرة يا البرك

ويلوعون الجبد

esTeKaNa said...

مثل ما تحط ضناك تحت لحافه
!!
يا الله...شكثر هالمشهد حنانه يدمع العين
كيف قدرت تربط بين هالصورة وفكرتك؟
وكيف اخترت هالتوقيت تذكرنا نحمد ربنا قبل لا نجر لحافنا؟
الله يحفظنا ويبعد عنا الناس العجافه
وعسى الرحمن يحفظك انت واسرتك الجميلة
ولو سمحت
احد يروح يطمن على لحاف خشيم الفار
ترا الزم ما عليها خشيم الفار
:Pp~

@alhaidar said...

آمين رب العالمين ..

صح إبداعك اخوي براك ..

Nasser99 said...

يعطيك العافيه براك كلمات جميله

|:| DUBAI |:| said...

يعور اول السطر

: (

Amphibious said...

يعطيك العافية

Peace said...

ما احد عاجبه الحال

يا رب بالامن و الامان متعنا

`~MnO YeNSa! ~` said...

اول سطر

"مثل ما تحط ضناك تحت لحافه"

اثر فيني
حروفه منتقاه بأحكام


شكرا لبراك

Яeema said...

عورني قلبي براك من الكلام
والله الديرة صارت مو لنا
مالنا صوت
الصوت صار لأنكر الأصوات

Anonymous said...

بحق و لاول مره اشعر باني عاجزه عن التعليق ,,

كلماتك استوقفتني ,,
كُن بخير ^^

للوش said...

صبآح يتدلى بِ عنآقيد إبدآع ،

نص بآذخ ال جمآل غآرق بِ مفآهيمـ ذآتــ حِكمه ورصآنه
قوآفي خُتمـــتــ بِ طلب الأمن والآمآن
من رب العباد فاللهم أدمهآ علينآ "،

:

Barrak:

حُروف إسمـ عندمآ تُذيل بِ أي نص
نكون ع يقين بِ اننآ ع موعد
مع جمآل وبذخ مشآعر ، وحرف أسر
رآقي بِ بوحكـ دآئِمآ ..


سوسنآتــْ تآسُركَـ سيدي ..!

الاء سعود المجيبل said...

el7emd lelah 3ala kel 7al :)

تراب الكويت said...

بسيط
عميق
مختلف

اللهم آمين

Barrak said...

كويــتي لايــعه كبــده

سيدي صاحب التعليق الاول


الحمد لله والشكر

هذي الكلمه اللي ابي اسمعها بعد قراءتكم للقصيده




اشكرك

Barrak said...

Mishari

وانت الصاج

يسحنون عالجبد

Barrak said...

esTeKaNa

!! كيف قدرت


ياسيدتي


الوضع ياسيدتي يخلي الواحد يتألّم بأمانه


اي والله ياإستكانه


كيف اخترت هالتوقيت؟؟؟


لان بصدري ضيقه من ناس كثيره تتشكى وتتكلم وتقط التهايم وإهي ماتحمد ربها على نعمة الأمان

ومفهوم وطن آمن



خشيم الفار لاتحاتونه مجابله عدل

بس قولوله بالهدى على أبوك



الله يحفظك

Barrak said...

أحمد الحيدر

صح بدنك

ياخوي العزيز


اشكرك

Barrak said...

Nasser99

الله يعافيك

الاجمل وجودك


شكرا

Barrak said...

دبي



سلامتك

Barrak said...

AK-47

العافيه بالمغربي يعني النار

ليش جذيه


وانا اللي قايل
إنت سيم سيم آنا

صافي ؟؟

Barrak said...

Peace

اللهم آمين


شكرا

Barrak said...

منو ينسى


هذه الجمله دائما ارددها وانا احمل ابنائي إلى مخادعهم


أحس ان هذه اللحظه نعمه من الله

وأتذكر اطفال مشردين ويتامى


وشهداء وقتلى



الله ارحمنا

وعافنا

Barrak said...

Яeema

الديره مو لنا لانها فيها خير جثير

والبعض يعتبرها ربيع زايل



للاسف



مفهوم المواطنه

وضياع الهويه الكويتيه


جملتين يحطموني يوميّه



شهالغيبه


نورتينا

Barrak said...

أسيرة اللوحة

وجودك يكفي

ياسيدتي


اشكرك جدا

Barrak said...

للوش

صباحك ورد


كلامك كبير علي



لااملك الا كلمة واحده


اشكرك

Barrak said...

Q8ya

الحمد لله



ترى مسجلين عليكم غياب



شرفتينا

Barrak said...

تراب الكويت

لان في هذه القصيده بالذات

رسمت اللحظات بتفاصيلها

بلا تكلّف


اشكرك ياسيدتي العزيزه

Amphibious said...

حشومة عليك انا ما قصدت النار
صافي

Barrak said...

AK-47
لاباس لاباس