Sunday, November 23, 2008

خرّازه




شعب عايش عمره على أمل إجازه

العموم بس يبي يهج ويسافر

شعب نفوسهم للعطلات معتازه

مايحبّون الأذيّه والمعافر

شعب يحب الصْبور  تازه

ملفّي جورج وحسني وظافر

شعب ارضه تشتهر بالغرازه

يحبون سنان والسنافر

والصندوق المبيّت والفازه

مسلسلاتهم ثلاث أرباعها مخافر

معظم بنيّاتهم عندهم  غمّازه

وبعضهم يطولون الأظافر

عرفتوهم؟؟إيه يبون إجازه

 شعارهم الوحيد نبي نسافر


16/10/2004
الثلاثاء

28 comments:

ميرامار said...

شعب مسكين ومظلوم ويقولون له ظالم

حلو منك الكلام

:)

Anonymous said...

:)

ساعود
صباحك ابداع

esTeKaNa said...

يعني اللي ما عندها غمازة ولا تحب الأظافر
مو كويتيه
:))

ايييه صج انا ابي اسافر
:)

`~MnO YeNSa! ~` said...

الله
الله


مبدع كالعادة

وحتى انا ابي
اسافر
و ابي اجازة
:p

mtfa2el said...

انا ابي اسافر سنة
منها ما اقرا جرايد كويتية
ولا ادري اذا بيحلون المجلس ولا ما راح يحلونه
ولا ادري اذا الطبطبائي تراجع عن الإستجواب ولا لا
ولا أدري إذا احمد الفهد يسوي حركات يديدة
و لا أدري إذا علي الراشد تناجر مع التحالف .. و بس باسااافر

Manal said...

يستاهلون

مو كل حياتهم دوام مساكين

ولا

يداومون بذمة وضمير

:|

بالنسبة للعطلة فالكل محتاجها والسبب مو الدوام
اكيد

بس لان الاوضاع في الديرة متعبه




الله يفرجها

Salah said...

يا خوك حر!

شتبيهم يسوون؟

Kuwait said...

أنا بعد ناطره الإجازه ;p
عطلة العيد قريبه ;)

Shaima'a Alkandari said...

:)



هذا شعبنا يا وخيييي

Kuw_Son said...

أنا أول مرة أشوف شعب ياخذ قرض علشان يسافر

بعض الناس مو كلهم !

بس المشكلة الكل يبي يقب في أي إجازة !

|:| DUBAI |:| said...

يستاهلون العرب هالابيات

: P

بنت أحمد said...

صح لسانك

أنا غير

أنا أبي أهااااااااااااااجر

يااخي جبتها عالجرح

تسلم لي يدينك

صدق مايجيبها إلا رجالها

دمت بود

Barrak said...

ميرامار

هل هو مسكين

او القله هم المساكين

حلو منك تعليقك الاول

Barrak said...

تراب الكويت

قبل لاتعودين

اليوم الأربعاء 26/11/2008
في هذا اليوم في جريدة الصوت الصفحه الاخيره

حاطين قصيده لي وبجانبها صوره تراب الكويت


ياسلام على الصدف

Barrak said...

esTeKaNa

انا قلت معظم بناتهم
يعني في بنات كويتيات تمبتيّات وماعندهم غمازات
والبعض اظافرهم طوال

وشلون انتي مو كويتيه وأصيله بعد وانتي اسمك استكانه

Barrak said...

منو ينسى


اشكرك ياسيدتي الراقيه

كلنا نبي نسافر

بس السؤال ليش ؟

Barrak said...

mtfa2el

يبا

عطني جوازك عشان افيّزلك وياي

وتفتك وافتك
هذا وانت متفائل

Barrak said...

Manal
الله يفرجها يارب

وكلامك ترى كبير


بس فعلا الديره فيها شي

ابي احجز حق شهر فبراير يقولون ماكو حجز

Barrak said...

Salah
درجة الحراره صارلها 3 اسابيع ماتعدت 26

بس المناخ العام حاااار

Barrak said...

Kuwait

كلنا على نفس الحاله

Barrak said...

Shaima'a Alkandari

اي والله

انا سألتك سؤال بالبوست اللي طاف

وين الاجابه

Barrak said...

Kuw_Son

الحمد لله عالسلامه

اسفرت وأنورت
وإستهلت وامطرت


حلوه كلمة قب


تابع الصوت

راح تدون هذي الجمله هناك

Barrak said...

دبي

هم انتو بعد نفسنا

الحال من بعضه

Barrak said...

بنت أحمد


!تهاجرين


ليش

الظاهر الاوضاع الخليجيه متشابهه

GUCCI-q8 said...

ارت الدنيا طنازه بطنازه

يعطيك العافيه براك

إيلاف said...

السفر جميل ولكن الاجازة بلا فائدة غير جميلة ابدا

Barrak said...

GUCCI-q8

هل قصدك صارت


لابد نتطنز عشان نعيش

Barrak said...

إيلاف

كلامك صح

وعين العقل

بس هم ابي اجازه حالي حالهم