Thursday, September 4, 2008

هذره x هذره




ودّي بحوار راقي

وفيه أتمتّع


ودي بالحكي


أتنطّع


مليت كلام فاضي


ولقاءات تافهه


تكدّر من شافها


ناس تهذر


وناس للنوط


تخضع


ودي بحوار راقي


وفيه أتمتّع


......


ودي ببرنامج كله واقعيه


ودي بحوار كله مصداقيه


مو مهم من تكلّم


مو مهم من يطلع


ودي بحوار راقي


وفيه أتمتّع


.....


حيثيّات وايحاءات واستنتاج


وشويّة كلام وشويّة إخراج


ونسوّي برنامج


نترسه هذره


ونخلي باب التفاهه


مشرّع


ودي بحوار راقي


وفيه أتمتّع

.....



أبي فكر راقي متحرّر


يبيّن الواقع ويبرّر


ويشرح بموضوعيه


مابي حوارات جذبيّه


ليش الكل عن الصج


تمنّع


ودي بحوار راقي


وفيه أتمتّع



49 comments:

Salah said...

يا سلام
كلنا ودنا بهالشي...

صح لسانك

why me said...

اي والله كلنا ودنا



بس مافيش يابني


;pp

Anonymous said...

اي والله وانت الصاج

نبي حوار راقي

Super Woman said...

اصك التلفزيون احسن لي

:)

لان ماكو حوار راقي
ولا راح تتمتع

بس اذا تبي تضحك صج
ما عليك الا ببرنامج جد ولعب مال امل العوضي

لووووووول
من اوله لي اخره ضحك

:)

al-flomna said...

ليش الكل عن الصج
تمنّع

اي والله ليش ؟


متألق كـ العادة

Mohammad Al-Yousifi said...

يا معود الهذرة مو مشكلة

المشكلة لي عطاك المذييع آآآآآآآآآه

Sweet Revenge said...

صح السانك ,باب التفاهة مشرع علي الاخر
الله يعين

Miss-Q8 said...

أهدي هالـ كلام الحلو لـ كل برنامج رمضاني على أول رمضان

:pPp~

صح لسانك أستاذنا ,

: )

Amphibious said...

انا ابي زقارة وقهوة
صح لسانك

كاريكاتير said...

صح لسانك...

يوم عن يوم اتشوق لقراءة ابداعك يا براك..

موفق

دامك تحب البرامج الجادة انصحك تزور مدونتي

نور سلطان العيسى said...

براك ..

الحوار الراقي ..صار مفقود

والكلام الفاضي .. هو الموجود

برامجنا صارت .. بعيدة عن المنشود

وعقولنا غابت .. عن الوجود

كل من يدهن سير الثاني ..

خلوا كل شي يبالفيت ورود

لا تقدر تصدق سالفة .. ولا وعود

::

وسع صدرك

الحوار الراقي ..

مب كل من ..

يقدر به

يجود


::


تحياتي


بنت سيف

qesat_5ayal said...

صح لسانك
ولا هالبرامج






مبارك عليك الشهر
:)

Peace said...

تقدر تشوف حوار راقي ببعض القنوات

enter-q8 said...

لازم يعني في التلفزون
اشرايك نضبط لنا لقاء ثاني

Sowhat said...

ودك ببساطة بكلام ...

لأن الهمهمة الي تطلع من الناس الحين لا ترقى ان تسمى كلاما بل اصوات ... واصوات غير مفيدة بعد
احسنت ويعطيك العافية

kuwaitya_7saweya said...

الحوار الراقي راح
وانتهى
والحين زمن الحوارات الهابطه
شنسوي نتصبر
واجرنا على الله

Nescafé said...

اي والله باب التفاهه مشررع
صدقت يابراك

Anonymous said...

ما عاد تلاقي،

أصلاً نحن العرب ما نقدر نتناقش إلا و نرفع صوتنا على بعض، أو إن الواحد يتظاهر بالموافقة على الكلام عشان ما يدخل بحوار طويل عريض و هو يعرف إن مخ اللي قدامه جزمة و مش ممكن يقتنع أو حتى يتفهم كلامك

عَ فكرة: مبروك الديوان :)

Eng_Q8 said...

انا ودي ولكن ما حصلي

قلب طفله said...

مافي يا براك
و ان وجد استغربنا و فرحنا
صار شي نادر الحوار الراقي مع الاسف

صح لسانك :)

Sn3a said...

ودك
وودناا
ياكثر المفردات اللي يستخدمونها
عبالهم الثقافه باستخدام كلمات لم تردد من زمن طرفه بن العبد

مادرو ان الاهم
الصدق
فقط
الصدق


صح لسانك ياخوي

كويــتي لايــعه كبــده said...

ودنا باشياء كثيره

DiLLi O MiLLi said...
This comment has been removed by the author.
DiLLi O MiLLi said...

المثل يقول
الجــــود من المــــوجود
خلنا أول نشوف ناس راقية بالديرة
عشان نسمع حوار راقي


مبـــــــارك عليـــك الشــــــهر
الله يجعلنا من صوامه وقوامه
ويتقبل منا ومنكم صالح الأعمال

esTeKaNa said...

أنا ودي ولكن ما حصلي
اشوف برنامج من غير هذره
:pp~

أبي فكر راقي متحرّر
يبيّن الواقع ويبرّر
ويشرح بموضوعيه
مابي حوارات جذبيّه
ليش الكل عن الصج
تمنّع
ودي بحوار راقي
وفيه أتمتّع



اي والله اشهد اانها حوارات جذبيه
اذا الهدف يا براك تتمتع
غض النظر عن هالبرامج طول رمضان
لانه الله خير يستهبلون غير منونه برمضان
:)


وسلامي الخاص لخشيم الفار
يالله علموه يصوم
:pP~

Barrak said...

Salah

استاذي صاحب التعليق الاول

ملنا ودنا بحوار ؟
وإلا بهذره ؟


صح بدنك

Barrak said...

why me

الله كريم


يسهلها ربي
العظيم

Barrak said...

مُحَسّدْ

بس حوار راقي

وشوي بالحجي
إنتنطّع

Barrak said...

ShLaLaT

والله البرنامج الي يضحك

اهو برنامج تاكسي مال الصيرفي

والحوارات الراقيه


راح زمانها

Barrak said...

al-flomna

يمكن اهم يحبون يتمنعون

لانهم مايعرفون


اشكرك جدا

Barrak said...

kila ma6goog

مذيعينا قام يتأوهون

ماخبرت

يمكن لاني مبتعد عن مشاهدة التلفاز

Barrak said...

Sweet Revenge


ماأدري من بيصك هالباب


ماادري

Barrak said...

Miss-Q8

انا تلميذ في مدرستكم

Barrak said...

AK-47

انا عايز أنام

تدي تراليم

ترى القهوه اذا عالريحه يقولون عادي

Barrak said...

كاريكاتير

مايحتاي مدونتك
انا متابعك على احدى المجلات المحليه

انت مبدع


اشكرك

Barrak said...

بنت سيف

بعد كلامك


ماعندي كلام زود


اشكرك

Barrak said...

qesat_5ayal


صح بدنك
مبارك علينا وعليك

Barrak said...

Peace

اذا مو اجنبيه ماأعتقد


مع احترامي لوجهة نظرك

Barrak said...

Enter-Q8

ماعندي مانع


بس الواحد برمضان بعد الفطور

يصير ماادري شقول

Barrak said...

Sowhat

اي والله اصوات

عجبني تحليلك لتصوير الكلام
ومرحلة الحس



اشكرك

Barrak said...

kuwaitya_7saweya


انا صراحه ماأعبر


باب التفاهه ليمتى بيتم


مشرع






ليمتى

Barrak said...

Nescafé


والله تعبت من هالتفاهه


وايد

Barrak said...

محمد آل ربيع

نحن العرب زينيين وطيبيين
وبنحبكم


بس كلامك صح

Barrak said...

Eng_Q8


قمت أهلي يامهندسنا قمت أهلي

Barrak said...

قلب طفله


اي والله استغربنا

صار الكلام الصادق

غريبه

Barrak said...

Sn3a


طرفه ابن العبد مره وحده


المشكله

ان موضوع التفاهه
له مساندين
ومنتجين
ومخرجين

Barrak said...

كويــتي لايــعه كبــده


عاد هذي عالاقل سهله

Barrak said...

DiLLi O MiLLi

الناس فيهم خير
بس المشكله اللي ممكن يتحفونا بكلامهم

مانلقاهم

بالتفق يالله واحد زين


حلوه بالتفق

مبارك عليج الشهر

Barrak said...

esTeKaNa

بذمتك فيه شي يوضحلنا الواقع ويبرر


شويه تعنفق على شوية كلمات محشوه

والسلام عليكم


بالنسبه لخشيم الفار


الحبيب يمسك باليوم 6 مرات


ويقول انا صايم ويتعلج


خليها عالله