Sunday, September 7, 2008

براك اوبوما


عاش السِّمي
قــــفـّط المرشحين
عاش السِّمي
عاش السناتور الأمين
اللي بيفوز
وبنرميه بالورود
رمِي
عاش السِّمي
،،،،،
صوتوله يالربع يالأمريكان
إسمه يعمّر أوطان
غنّوله ياليل دانه لدان
يستاهل هالآدمي
عاش السِّمي
،،،،،،
ياهل تكساس وميامي
من اللبحه صبّت عظامي
تراه نظيف لا مو حرامي
سمعته واصله الأدعمي
عاش السِّمي
،،،،،
إن فزت لاتنساني خالي
أنا سميِّك لاتخليني بحالي
ابي نص مانهاتن حلالي
يانوخذه تراني مجدّمي
يرحم والديك السمي
5/9/2008
الجمعه


السمِي : بكسر السين عندما يتشابه الاسمان أي شخص اسمه مخيمر والاخر كذلك مخيمر ينادي الاول الثاني حيالله السِّمي
يقفّط : بتشديد الفاء كلمه تصف سرعة الشئ مثال رونالدينهو يقفط لاعبي نادي الساحل الكويتي
اللبحه : ترديد الكلام مرارا والفعل منها يلبح
صبت عظامي : تعبت وخافت
الأدعمي : منطقه بريه في جنوب الكويت
خالي : شفره يتناولها الخوال فيما بينهم والخوال اي من هم بلون بشرة براك اوبوما ومنها مصطلحات كثيره مثل السِّقنقه أو العقرب
المجدمي : جرى العرف البحري في الكويت على اطلاق تسمية مجدمي على رئيس البحارة الذي يقسم عليهم العمل ويشرف عليهم. وفي السفينة الكبيرة يكون عددهم نحو 3 مجادمة, مجدمي (عود ), مجدمين صغيرين (مجدمي صغير) علما بأن المجدمي الثالث يسمى مجازا مسواق
للأمانه الادبيه هذا التعريف من قبل هذا السايت

45 comments:

Mohammad Al-Yousifi said...

و النعم فيك و فيه

Sn3a said...

والله هذيل عوير وزوير
مامنهم فود ولا رجا
بس لانه سميك
بنصوتله:P

Miss-Q8 said...

صاير مفتاح انتخابي اليوم : )

esTeKaNa said...

تبي نص مانهاتن؟
ايييي يا براك
جنه العلاقه بينكم علاقه مصلحة
:Pp~
عاش سميك
يا عسى عمره طويل
وعسى ربي يبلغكم فيه ويقوز
بس شطاري عليك هالحزة
الله يستر
شنو سحوركم؟
:))

enter-q8 said...


بــراك الكويتي العنصري
يحلم أن أوباما بخليه مجدمي
يا براك يمص دمك مص هالادمي
ما شفته يوم راح للأسرائيلي ينتخي
ودامك بصبغته فزاع و محتمي
يا ماكين اصرخ و قول عتيبة يا عزوتي
يا براك لا ترتجي و لا تنتخي و لا تحتمي
أخر أهتمامتهم انا و انت و كلمة مجدمي



بنزل ديوان اسمه
الرد على براك من أجل النجرة و العراك

حبيب يالبرك

Anonymous said...

جون ماكين :)

نص مانهاتن .. صج طماع ):

eShamiYa_RockS said...

lool

صح لسانك!

نبي قلطة بينك و بين
Enter-q8
:)

Salah said...

شعليه...

من قدك!

الفال لنا يطلع رئيس دولة على اسمي

أملي الوحيد في جمهورية مصر العربية

فريج سعود said...

دامك تقول مو حرامي

اشلون تبيه يعطيك نص مانهاتن

انا اقول اذا عطاك الي تبي
انا شيورني ؟

BaNgBaNg2 said...

السلام عليكم مبارك عليك الشهر وعساك من تعوده بصحة وعافيه انشاء الله :)
ههههههههه
يعطيك العافيه وصح لسانك

Amphibious said...

واللع عجيبه بس هو ما يستاهل
This is a man who can give an entire speech about the wars America is fighting, and never use the word "victory" except when he's talking about his own campaign

Al-Qaida terrorists still plot to inflict catastrophic harm on America ... he's worried that someone won't read them their rights?

Amphibious said...
This comment has been removed by the author.
nEo said...

لا انا مع بو عبدالله ماكين


هذول مو شي ملوت سلم

انا مع الحرب !

نور سلطان العيسى said...

براك

زعلتني منك ..

صحيح إن الأسماء متشابهه

لكن انت محشوم

وإن بغيت الصج لو أنا أمريكية .. جان توهقت عدل

لأن الاثنين براك أوباما وجون ماكين

يا قلبي لا تحزن

باأجل صوتي لأربع سنوات للانتخابات اللي بعدها

Super Woman said...

ههههههه

صاير مصلحجي

:)

للحين ما فاز ؟؟
ما صارت انتخابات

كويــتي لايــعه كبــده said...

الأسم لا يعلى عليه
:)

لكن حنا ككويتيين ما ينفعنا
(يبي يعمل نحو الاستغناء عن نفط الشرق الأوسط وينهي الوجود الأمريكي بالعراق ويركز على السياسة الداخلية لأمريكا والخ)

أنا لو امريكي كان صوت له

لكن انا العكس وابي مكين

...
ما يشترون أصوات؟
ما عندهم الدبوس او العمر؟
كلش كلش... كياس لحم؟
ما يدور؟...
أجل شلون ديمقراطية؟
:)

JuVeNTiNa said...

وعاش السمي

7osen said...

مرحبا البرك

خوووش قصيدة

بس مادري ليش ما احب براك اوباما
كان ودي هيلاري تفوز عليه لكن الشعب الاميركي الظاهر مايبي سيدة تحكمه
ههههه

خله يعطيك نص نيويورك احسن
من مانهاتن
:)

Barrak said...

ma6goog

ماعليكم زود


اشكرك ياصاحب التعليق الاول

Barrak said...

Sn3a

اللحين هذوله مامنهم رجا


واحد منهم بالتصفيات صوتوله 30 مليون

شقول

Barrak said...

Miss-Q8
يستاهل خالي

يستاهل


اشكرك

Barrak said...

esTeKaNa


أكيد مصلحه

عيل انا شبي فيه
والعكس صحيح

طال عمرج

أم عبدالله
مشتغله علينا بالتشريبه


ماادري من وين طلعلي السمي

Barrak said...

Enter-Q8

انا ياخوي ماني أبد عنصري
انا بس بحبه احس اني منعمي
أدمي ؟ صدقني ياخوي هالخال آدمي

كريم ومملوح ورزّه وسخي
وان بغى نخوه اكيد بينتخي
وين بيلقى أحن من السمي


شوف اهم وين واحنا وين
افهم كلامي ورد علي بعدين
ويامعاني القصيد وياه إفهمي

Barrak said...

مُحَسّدْ

اسمحلي ماكين ماراح يطقها

انا طماع
مخليلكم فلوريدا وتكساس
حرام عليكم


شفيكم عالسمي

Barrak said...

eShamiYa_RockS


تبون قلطه


اوكيه


بس السامري احسن

Barrak said...

Salah


هم باليمن عندك أمل


اترك التشاؤم عنك

حبيبي

الامل

Barrak said...

فريج سعود


ليش تظلم الريال


بيعطيني نص منهاتن عن طريق قرض بإسمه

وبيكون واحد اهو شكليا يملك منهاتن

مثل مالك ناد تشيلسي


عرفت شقولك

Barrak said...

BaNgBaNg2

الله يعافيك
وكل عام وانتي بخير

Barrak said...

AK-47

شوف انت من مواليد تكساس

وأخوي من مواليد
مستشفى الفروانيه


بس هم برد عليك

اوبوما لما يتكلم يشاهدونه أكثر من 40 مليون مشاهد

وهو من أصول افريقيه
واللي شايل علم امريكا في دورة الالعاب في بكين سوداني متجنس
هذي نقطه حبيت اوضحها باني تخيلت اني امريكي واخاطب المرشح بالسمي

وبراك اوبوما صاحب اعلى نسبة مشاهده في خطابه اي اعلى من نسبة مشاهدة الرئيس بوش والسيناتور جون كيري بو
حنج عام 2004

مااحبه بهذه المدونه اني اطرح موضوعا من زاويه مضحكه
واتناغم مع التعليقات التي تسعدني بنتقادها بطريقه ادبيه راقيه

اشكرك


يبيلك قهوه تركيه

وطفايه


ووووووو


بذمتك مايشبه صاحبنا اللي بيغسل سيارته بالمارينا

Barrak said...

nEo

هذول قشران

صدقني طيعني

اضبطك بمينسوتا

طيعني

Barrak said...

بنت سيف
ترى ماأرضى عليه


هذا السمي عاد


هم انا بضبطك


يالله بعطيج اريزونا وشوي من اوهايو




شكو اوهايو ماادري

اللي يسمعني يقول مقطع امريكا

Barrak said...

ShLaLaT


مو يقولون زهب الدوى قبل الفلعه


انا بترجم هالكلام وبعطيه اياه



ماتبين اقوله يعطيك شلالات

Barrak said...

كويــتي لايــعه كبــده

انتو شفيكم حسودين يالكويتيين


يبا الريال توني صاك التلفون منه
يقول هذا حجي انتخابات

وانه بيضبطنا


وبيتعشى عندي يوم السبت الياي


اهو قال غدى بس انا رفضت

Barrak said...

JuVeNTiNa


من قال عاش

Barrak said...

7osen


لايبا عشان مااتناجر ويا السمي



انا باخذ نص منهاتن والريال وعدني ماابي احن عليه بعدين يقولي خالي ذبحتنا

9ahba'a said...

@@
جنه في شبه منك؟؟؟

ولو انا هو بيعفسنا بس انا احبه

Unknown said...

تيس منهاتن مرة وحدة :))

اقول خلك نضبطلك مختارية وخلك من اللوية اهناك

اهني يسكتون تبنيلهم مطبة وتشيلهم رصيف وخلصنا
اهناك شخلصك من لبحة ضرايب وعوار راس خلك يالبرك

ان سواها سميك راح يكسر التوقعات

Sweet Revenge said...

انا معاك براك ابيه يفوز يقول يسعي للتغير يالله خنشوف

Anonymous said...

صح لسانك

البرك انا استعرت وحده من قصايدك و ادري اني امون عشان جذيه اخذتها

الحين ياي ادور قصيده ثانيه

Super Woman said...

والله اذا بيكتب شلالات نياجرا نفس اللي بصورتي بسمي ما راح اقول لأ

:)

Barrak said...

9ahba'a

فيه شبه مني

لا لا

اهو عنده شعر

او نتيفات من الشعر

انا ولا نتفه

Barrak said...

Mishari

اقولم منهاتن تقولي مختاريه



انا هناك بلعب لعب الله يهداك

قال مختاريه قال

Barrak said...

Sweet Revenge

راخ اوصل رسالتك للسمي

لانه خوش ادمي

Barrak said...

maqhor

حلالك

ماعندنا الا حلالك ياخوي



بس كل استعاره بألف

Barrak said...

ShLaLaT

بأحاول أكلملك السمي