Tuesday, May 27, 2008

يمدي


لو قضبت سويجك اللحين
ونويت تروح دار المسنين
تبوس راس هذا
وتفرح هذاك
تنادي :
يبا
عمِّي
يَدِّي
وقِلت اهو يوم بيعَدِّي

وإلا روح دار الأيتام
إرسم مع الأطفال أحلام
وقولّهُم إنك أُبوهم
روح روح زورهم
وإشتر هديّه
وعَيِّشْهُم بحلم وردي

وإلا إنوي تروح المستشفى
زورلك طفل ماتعرفه
كَلْمَه .. سِإلَه .. لاعْبَه
سولف معاه وحاربَه
راضَه بلعبَه
وإلا جاكليته
حَسِّسَه إنَّه في بيته
قوله :
أنا يبا
أنا عمِّي
أنا يدّي
روح ترى يمدي
السويج : وينطق حرف الجيم جيما فار سيه وهو المفتاح والقصد هنا هو مفتاح السياره

38 comments:

Anonymous said...

قريت بوستك و شفت الساعه و حسيت انه كلش ما يمدي بس لازم اسويها هالاسبووووع

تبي الصج مو عشاااانهم
عشااااااااني انا ابي افرح احد صج و بفرح في شي مفيد




من الشطه مامداني اروح اسوي ساين ان


تقبلني
لوووير

5roofa said...

انا مقدمة على اني اشتغل تطوع عندهم بالصيف انشالله اذا الله كتب

تبي الصج ابي اسوي شي يفرح احد احس الدنية ممله لمه بس تراكض حق الي انت تبيي

مشكووور على البووست و يعطيك العافيه والله

salamz dear...

Anonymous said...

معانٍ انسانية مفقودة ... مقصرين والله معاهم

بعثرة مشاعر said...

الحين مايمدي
يمكن باجر يمدي :)

بس والله هالشي البسيط اللي مايكلفنا شي
شنو أجره كبير عند ربنا
راح ينفتح لنا باب اجر كبير
طبعاً لازم نحتسب النيه قبل مانسوي هالشي
يزاك الله خير
و كل واحد قرا بوست و راح سوا هالشغلات
لك أجره ان شالله
و ان شالله اكون وحده منهم

:)

Super Woman said...

اخوي الراوي المبدع بو عبدالله


اي والله يمدي
يمدي الواحد يسويله شي زين بحياته
يمدي الواحد يفرح احد


يمدي نقولك كلماتك ليست كالكلمات
يمدي نقولك ابدعت بافكارك


اتحفتنا راوينا

honey said...

تأخذنا الحياة إلى ما لا نريد ان نراه فنحزن!

لكننا نستطيع ان نأخذ انفسنا لمن يحتاجنا و نرى البسمة في شفاهم
فنفرح!

شكرا على طيبتك التي شاركتنا بها

فراوله said...

مساالورد والجوري
مبدعنا الراقي
صدقت والله اكيد يمدي
دام لين اللحين فينا
نبض حي
والقلب مازال يتنفس
بنسوي اللي نقدر عليه
دامه يمدي
الله يعينا علي فعل الخير
ورسم البسمه
حتي لو لفتره بسيطه
دمت بدفء وعذوبه
ابدا
:))

JuVeNTiNa said...

الله يذكرك بالشهاده ان شاء الله .. انا كنت ازورهم دايما بس اخر مره مريتهم بعيد الام .. و لازم اشوفهم الايتام و المسنين متعوده شهريا مرتين .. بس لهيت والله ..

Anonymous said...

إنسان يا براك

مدونتك اشبهها بقنفة مريحة جدا استلي عليها بعد يوم طويل وشاق

Fahad Al Askr said...

دايم أقول عنك آدمي

لا سحبت سويتج مرني بدربك

(روح) said...

يمدي

بس من بيفكر
واذا فكر
متى يقرر
واذا قرر
متى بينفذ

وعقبها

(رب ارجعون)


...

شكرا لروحك الكبيرة

شكرا لهذاالحث الجميل



بميزانك
كل من اقتنع
وكل من نفذ



(f)

صبا said...

وااااااااااايد سواااالف
طايفتني

بوستين مو معلقه عليهم ؟؟؟ ليش؟؟؟ ما ادري؟؟ كل ما ادخل عليك اشوف المواضيع القديمه !!,
:(

المهم شخبارك وشخبار العبد انشالله يمعتولي المهر تري ما بي وايد أهوه ومدة ايده
؛))

نرد حق الموضوع الاساسي
واااااااايد أروح المسنين
واشوفهم ؛؛قلبك يعورك صج
:(
بس نفسيا هم يرتاحون وترسم البسمه علي ويوهم والبهجه تدخل نفوسهم
الله يرحم حالنا وحالهم
ويجعله انشالله في ميزان حسناتنا
ومشكووووور وااااايد علي هالموضوع الانساني الحساس يابوعبدالله والله يكثر من امثالك ويبرونك اعيالك
تحياتي يا خوي

`~MnO YeNSa! ~` said...

الله
يا براك

اهنيك
الاحساس الراقي

ان شاء الله
راح انروح

و انت راح تاخد اجر

مشالله عليك

اشكرك

بعد نظر said...

اشتغلت قبل سنتين في مركز الداون .. يومين و مارحت عقبهم ما قدرت أتحمل من عوار القلب

كلامك يجيس القلب

2cool2care said...

جزاك الله خير يا براك

والله ياجرك على كل بسمه راح تنرسم ابوجه حزين وما راح ينقص من اجر اللي بروح

احب اقول اذا احد يبي يروح إن شاء الله خل يستقل الوقت إما بالصباح الباكر لكي تستغفر له الملائكة لي وقت المساء

أو بعد العصر لتستغفر له الملائكة لي وقت الفجر.

الله يعينا ويعينكم على فعل الخير


جزاك الله خير والله يفتحا عليك

Aldenya said...

:>

أكيد يمدي

الله يوفقك وينولك مرادك يا اخوي

دوم راقي

قلب طفله said...

الله عليك يا بو عبدالله

يمدي ياخوي يمدي دام بالعمر باقي

الله يجزاك خير و يقدرنا على فعل

الخير و رسم البسمه على وجه الحزين

دمت بسعاده

Ro7-aL3in said...

جميله منك تلك الكلمات..

الله يقومنا عل فعل الخير
مجرد أن ترسم ابتسامة في وجه الآخرين هذا بحد ذاته عمل في قمة الإنسانية..


ربي يحفظك

Noor said...

براك

:)

اهنيك علي روحك الحلوه الي اتحب ترسم البسمه
و الله يجزيك خير و يطرح بعيالك البركه
:)

تدري انه هالأماكن ماتحمل اروح لها
لاني اعرف نفسي
ماتحمل كلش
و قلبي يعورني واكيد ببجي
وراح اكره الدنيا كلها
:(

تسلم علي موضوعك الحلو
:)

Najmah said...

الله ..
ان شاء الله ربي يكتب لنا ونروح
..
مافي احلى بهالدنيا من انك تاخذ بخاطر انسان وتطيبه

تسلم يابراك

charisma said...

الله يرحم حالهم وحالنا
مؤثره كلماتك
والله يذكرك بالشهاده قول امين

esTeKaNa said...

دعوة إنسانية راقية من شيخ الاخلاق براك
:)
اكيد يمدي
!

Kasik Ya Watan said...

please read this

مسخرة جديدة من مساخر محمد المليفي

http://www.alaan.cc/client/pagedetails.asp?nid=14099&cid=47

The Voice Within said...

اي والله يمدي

تسلم ايدك

SolaimaN said...

شكثر احنا مقصرين ولاهين بهالدنيا ؟؟؟؟

الله يعين يا براك الله يعين


وتسلم على هالتذكير الي مايطلع الا من مرهف

وانا قايلك من قبل

mantovani said...

مساك الله بالخير

اخوي براك

و الله انك حبيب

و انسان

و الله يخليك لنا

مانتوفاني

بـنـت بـطنـهـا said...

والله لو تدري شكثر هالبوست وخصوصا الموضوع اللي طرحته فيه يأثر بالناس ويعيشنا في بيئه صحية جان كتبت اكثر تمنيت ان البوست يكون اطول من جذيه
الحروف والاحساس وصل مثل ما كتبته بالضبط
شكرا لهكذا قلم وروح

Kuw_Son said...

الله عليك يا البرك ... جان زين تنتشر ثقافة إدخال السرور على الغير عن الناس ..

الله يعطيك العافية

طائر بلا أجنحة said...

أنت أنسان رائع

من يفكر بحمة كل محتاج
و جبر خاطر كل منكسر
و إحتضان كل متألم

هو حتماً إنسان

رائع يا براك

راااااائع كروحك الجميلة

U-Turn said...

صح لسانك أخوي بو عبد الله

ايي والله حلو الواحد يسوي شي زين بحياته
بدال هالطربقه بالأسوقه والطلعات الي مالها داعي !!

شكلي بسويها :)

وبجمعلي جم بنيه يروحون وياي !!
الله يعينا على صالح الأعمال إن شاء الله


يعطييك العافيه أخوي بو عبد الله على هالبوست الخفيف واللطيف

وعساك على القوة

Blog 3amty said...

بالضبط .. هذا الشي المهم اللي الكل فاقدة !


(( حب الغير ))


جزاك الله خير على البوست


Q8 Chili

Barrak said...

اشكركم جميعا


عندي تعليق واحد بس


لانخلي الايام تقتل بارواحنا انسانيتنا

تسلمون

سيدة نفسي said...

نادرا ما نجد من يثير هذه المشاعر النبيلة فينا

وانت قد فعلت لأنك نادر فعلا اخي الكريم

Barrak said...

سيدة نفسي

سيدتي

اشكر مرورك
واطراءك

ولو انه عليك غياب بس كلامك يجبرني اسامح

'3air said...

رووووعة أخ براك..

كلماااتك بسيطة بس الفكرةو المعنى الي حوتها حدها خطيرة .. و جد محتاجين أحد يذكرنا.. بميزان حسناتك ان شا الله :)

Barrak said...

'3air

اشكرك على مرورك سيدتي



الاسم عجيب

قلم حبر said...

يعطيك العافية دايمة تلمس وتحرك المشاعر بطريقة غريبة ومميزة
:)

Barrak said...

قلم حبر

اشكرك على مرورك

الشمس من وين طالعه اليوم

واشكرك على ذوقك