Monday, May 12, 2008

علامه



يامه

كنت الصدر الوسيع

لي ضاقت فيه أيّامه

يامه

كنت أحضنه بيوفي

ماأعرف إلا  أوفي

كنت ليلي ماأنامه

يامه

....


وشخذيت من اللي سويته

خذلني اللي عطيته

وراح وخلاني

قصّة حب تنقال

يحجون عن وفاي

يحجون عن هواي

يقولون

شهالحب اللي بقلبه

يقولون

كان غير حبه

من كثر شوقي

كانوا يقولون

علامه

يامه

......





هذي تالية اللي يعيش طيّب

بإسم الطيبه

يضحّي بروحه

بإسم الطيبه

يصير حبّه طموحه

ويعيش يوفي

ويتنفّس أشواقه

بإسم الطيبه

يصدق بكل حرف بكلامه

يامه

......


إيه يالدنيا ماخاب الرجا فيج

كنت أدري تالية الهيام ضياع

كنت أدري

تالية اللقا وداع

كنت أدري

إنّي متوهّم

كنت أدري

كنت أدري

وماتفيد الندامه

يامه

38 comments:

GUCCI-q8 said...

يامه
عرفنا الحب وسنينه بس ما منه انتهينا
يامه
صح السانك يابو عبدالله

Mohammad Al-Yousifi said...

اسمك بو عبدالله؟

(روح) said...

تالية اللقا وداع !
//

كذا الدنيا يابوعبدالله

‏(ياهي صعبة..بالحيل صعبة)

..
عجزت أستوعب كمية الحزن هنا!

ت خ ن ق

عسى هالنص يندرج تحت:
‏(‏(يقولون مالا يفعلون))

وعسى الفرح واللقا//الهنا فالك ..

lawyer said...

هذي آخرتها معاك ؟؟
رميت حبي وراك؟؟

قلبن عطاك الوفا
مجنون لو ما نساك


نتفانى في الحب و العطاء لدرجه نبي مقابل و لو كان بسيط

الحب علاقه بين اثنين فيه حب و عطا متبادل
بس مرات نصير احنا مضحيين زياده
ونعطي بلا حساب

لين ننفجر في النهايه بعد الجحود
مرات اصرخ من قمه راسي
انت مو ولدي
وقلبي مو هيئه خيريه لاعانه الناس
انا بشر

مرات انفجر صج و اقول
ان الحب راح يقتلني لو استمر فيه بهالطريقه


ومع ذلك نستمر و نمشي بالطيبه
ليش بابراك؟
لان عمري ما عطيت احد يسدد حساب الثاني

الي خاب الرجا فيه الله حسيبه
و يبقى الامل في الدنيا
وتبتدي قصه طيبه مع الغير
مع بدايه جديده

والاهم تبقى الروح بالداخل
براك
و الطيبين

وشعقبه الندامه
قول الحمدلله

بس انتبه العمر يركض و الحساب ماشي و الزمن ماينطر احد

Najmah said...

ياالله
يبتها على الجرح يابراك
:(
ليش الطيب صار ماله مكان؟

Super Woman said...

الراوي بو عبدالله

احنا في زمن الطيب لازم يلعبون بمشاعره او يضحكون عليه
ليش ؟؟ لانه طيب

الطيبه حلوه وماكو احلى من القلب الابيض الطيب

بس في فرق بين الطيبه والسذاجه

ولازم ما نخلط بينهم
انا احب شخص احترمه طيبه معاه اعطيه كل شي وما اطلب منه شي
بس ما اشوفه يروح لغيري وارد اعطيه

لا
كل شي له حدود
مثل ما انا احبه لي حق اني اطلب منه لو شويه اهتمام

لو حس صج اني مفتحه عيني وافهم كل شي يسويه
يمكن كان ما لعب علي ولا ضحك على طيبتي الزايده

اخوي براك .. ان شاء الله انت ما مريت بهالموقف

وصدقني الطيب راح يلقى واحد طيب مثله يحبه

والخبيث يلقاله خبيث

القصيده عجبتني
تعور القلب بس واقع


تسلم مشاعرك واحاسيسك

charisma said...

راح زمان الطيبه والناس
الطيبه تنعاف




إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
كنت أدري
إنّي متوهّم
كنت أدري
كنت أدري
وماتفيد الندامه
يامه


اى والله كنت ادرى كنت ادرى

وبعد الصدمه تييك ردت فعل قويه
وتصير انسان ثانى
بس تبقى الطيبه للى يستاهل الطيب
مثلك وشرواك يا براك

تسلم ايدك

Anonymous said...

انا عندي
قناعة
...
من يرخص
طيبك وللاسف باعة
..
ترخص يا براك
حتى
بالصمت
وداعه
...........

هذا ردي البسيط من الهام حروفك

Barrak said...

GUCCI-q8

سيدتي صاحبة التعليق الاول

يامه

اخذتها من اغنية لعبدالحليم
يامه قلبي داب من عذاب الحب يامه


صح بدنك سيدتي

Barrak said...

kila ma6goog


لا اسمي براك

ولقبي بو عبدالله

عشون عيل

Barrak said...

روح

كلام كبير فيه كلمات مابين السطور عرفتها فهمتها


قالها الجميري هكذا الدنيا فراق واجتماع

مااظن انه حزن يمكن وقفه مع النفس

راح يندرج النص تحت
عطني عمر واشبع طماشه

اشكرك ياسيدة الذوق

Barrak said...

lawyer

قال عبدالمجيد وعبدالمجيد صادق

كلامج ادق واحلى واعمق من كلامي

هذا اللي بقوله

ومايحس بالنار الا رجل واطيها


اشكرك اشكرك وايد

Barrak said...

Najmah

الطيب صار ماله مكان لانه صار اسمه بقاموس الانذال مغفل

اشكرك يانجمه

Barrak said...

ShLaLaT

انتي قلتي كلمه فعلا الواحد لازم يفهمها عدل مدل

كل شي له حدود

اي والله

الطيبه يامه ضيعت الناس يامه


اشكرك سيدتي
طليتي بالتانكي ؟

Barrak said...

charisma


إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع
كنت أدري
إنّي متوهّم
كنت أدري
كنت أدري
وماتفيد الندامه

ايه هذي فيها مشاعر مختلطه حيره وندم على شوية ابتسامه مصطنعه
كنت ادري
كنت ادري

كررتها اكثر من مره لاني قلت ايه لاني اخاطب نفسي
ودائما عندما يخاطب الانسان نفسه يكون صريح جدا جدا
بس شتفيد الصراحه وشتفيد الندامه

يامه

اشكرك

Barrak said...

منو ينسى

صح لسانك

وانا هم عندي قناعه

ألم جرحي ولا أطلب شفاعه


اشكرك

bu-saad said...

و تاليها مع قلبك؟؟
انا ناقص وجع !!

يقولك :
بعض الغلا ياخذلخ ايام و يروح
وبعض الغلا ياخذله سنين ما يروح
وبعض الغلا متمكن داخل الروح

لا فض فوك اخي البراك...اسعدني تواجدك في مدونتي..وكذلك تواجدي بمدونتك


حياك

فتى الجبل said...

هذي الكويت تشتكي من عيالها

mtfa2el said...

يصلح نقول هالكلام حق ضيف الله بو رمية ؟؟
و الله بو عبد الله شوف دعايته بالتلفزيون ..ذكرني بالبيت المسكون حق المسلم
دايما سهل ممتنع يا براك !!

Super Woman said...

طليتي بالتانكي ؟


اي طليت للحين فايض مشاعر
يقدر يروي الكل وعمره ما يوقف



الله يوفقك
والله كتاباتك وحروفك تتحجى بروحها

Anonymous said...

ليش الطيّبة؟! صارت عيبة.. وكلمة وييي يحليله/يحليلها على نيِِاته/نيِِاتها نسمعها وايد!!

عيبي طيّب
الطيبة معدن وساس
واللي ساسه الماس
مايتبدل حتى لو تبدلوا الناس
ولو أحاول أجاري هالأجناس
وأسلخ جلدتي علشان ماأنداس
بينقلب حالي وأعيش محتاس
وتلقاني أضرب أخماس بأسداس
وأنزوي بحالتي الصعبة عن كل هالناس
لأن يبقى الساس دساس
وأبقى طيّب

وصح السانك يا طيّب>> برََاك
دليمية

kuwaitya_7saweya said...

هذي تالية اللي يعيش طيّب

اي والله

صح لسانك

5:20 said...

عوار قلب كلامك يا براك

عوار قلب

the.thinker said...

تسلم ايدك اخوي براك .. ماكو شي بهالدنيا دايم .. مادايم الا وجهه سبحانه

يعطيك العافية طال عمرك :)

Lavender said...

"كنت أحضنه بيوفي ماأعرف إلا له أوفي"

كيف يأتي الوداع بعد كل هذا الحب !؟


كــلمات مؤثره و كلهاإحســــــاس


و مادري ليش طرت على بالي أغنية عبدالمجيد...

إذا تفارق شخص عادي مصيـــــــبه
وشلــــــــون لو فارقت منهو تحبه


شعور مؤلم


و تسلم يا براك :)

Nachla said...

اللي مثله يستاهل تتركه
براك اصلا انت منو يشبهك
.
.
ناطرين منك كتاب اشعار
كافي عوار قلوب بالنت
نبي عوار قلوب على الورق

فراوله said...

مساالورد والجوري
مبدعنا الراقي
للحب فلسفه غريبه وعجيبه
بالوقت ذاته
قمة السعاده عندما نجد من يبادلنا
الذره بالذره
ذاتها من ناحيه الاحاسيس
طبعا
ولكن
اقسي طعم لذلك الحب هو الخذلان
والاصعب عندما يكون من ذلك
الصدر الحنون
ولكن بالنهايه
الطيبه ماله وجود
بغابة ذئاب المشاعر
....
دمت بدفء وعذوبه
ابدا
:))

قلب طفله said...

يامه و يامه
قلوب بالطيبه عمرانه
تنطعن بالخيانه و المهانه

و يامه و يامه
بتتحطم قلوب للحب وفيه وشفقانه

دنيا غريبه يا براك

تسلم ايدك ياخوي دوم مبدع

دمت بسعاده

الزين said...

اخيييه

والله عورت قلبي
حسبي الله عليه

نجل فيها

مبدع دائما يابراك

Kuw_Son said...

إلى ما الخُلف بينكمُ إلى ما !!؟
و هذه الضجة الكبرى على ما !!؟

يامه و يامه بنشوف أكثر لعشنا
:)

Barrak said...

bu saad

انا قلبي مشكلته مشكله
هذا الغلا بياخذله لحظتين وبيروح


منورني ياخوي

شرفتنا

The Voice Within said...

يااااامه !

كان ودي اعلق

كلام يقرقع بقلبي

بس كل بيت يسولف عن روحه


الابداع عنوانك

تسلم ايدك

Sn3a said...

صح لسانك خيو
ندري
نتوهم
وهم ندري

~warda~ said...
This comment has been removed by the author.
~warda~ said...

صاحب القلب الطيب تعود على العطاء حتى عندما يغدر به يظل قلبه ضعيف
لا يحتمل القسوة على من احب
يبتلع حزنه .. يبتسم رغم دموعه

هكذا هو دائما
كما انت دائما صاحب احساس عالي
يلامس المشاعر فتُحتضن بكلماتك

why me said...

إيه يالدنيا ماخاب الرجا فيج
كنت أدري تالية الهيام ضياع
كنت أدري
تالية اللقا وداع


ليش كلامك حلو ويعور القلب.. ليش كلامك دايما صح


ثانكس

Anonymous said...

كنت أدري تالية اللقا وداع
كنت أدري إني متوهم
كنت أدري وما تفيد الندامة !

في الحب يا سيدي نحن مسيرون لا مخيرون، يقتحمنا بـ جنون.. فـ نتبعه بـ نفس الجنون..!
حتى ولو كنا على يقين بأننا سنتألم بالنهاية.

سعيدة بما قرأت هنا،
تقبل فائق شكري :)

قلم حبر said...

يامه ويامه ويامه
بس عشان نشوف احلى ابتسامة

:(
صح السانك