Tuesday, January 29, 2008

ساري


باختصار وبدون أية مقدمات وخزعبلات ، شريت قاري وطايحله تمشّي من فريج لي فريج ومن حديقه لي حديقه
قاري
ينسّيني الي راح
واللي جاري
أتمشّى وأتنفّه
وأخذلي لفّه
وأرجع لأيام
برّد بوعلج
والأتاري
قاري
* أطير بالهوى برجابي
وأصحّي طفل بحشاي رابي
وأعيد ذكريات الطفوله
وأرجع للمرحله الأولى
ماكنت فيها أحاتي قراري
قاري
ماتيوّدني غير نسمات الرّبيع
وأمشي بالهدى وامشي سريع
وأنسى قيود المسئوليّه
أشلّل وأطير بالدنيا
ومركبي سمّاري
قاري
أطيح مرّه وأتزلّق
وأمر عالمليق والأملق
وأتكرفس ويقولون قلعه
تستاهل يابو صلعه
مو باقي الا تلبس ساري
قاري
29/1/2008
الثلاثاء
رجابي = الرجاب أو الركاب وتنطق بالجيم الفارسيه هي دوّاسة الدراجه الهوائيه *

62 comments:

فتى الجبل said...

عدل يالريجيم

Mohammad Al-Yousifi said...

حطيت ايدك على جروح كثيرة

و هم اقول قاري

:(

دير بالك بس من السيارات , ركبلك ليت

فراوله said...

مساالورد والجوري
مساالقواري العجيبه
مبدعنا المتألق
شوف عاد احاسيسك كلها كوم
وانك تلبس ساري
كووووم ثاني
!!!!!!!!
بذمتي قوية
ديربالك تسويها
;)
دمت بدفء وعذوبه
ابدا
وبدون ساري
;)))

qesat_5ayal said...

رائع

:)

صح لسانك

Anonymous said...

صباح الخير يا ويه الخير

يا سلالالام علييك يا برااك
:))
والله يبيله قارى شوقتنى

سلالامات ودير بالك من المطافيق الى بالشارع


كريزما من الدوام
:/

الاء سعود المجيبل said...

حدددددددددددها اتعققققققد الكلمااااااااااات :D

وناااسه ابي قااارييي..:)


يعطيك العافيه...:)

ANGEL HEART said...

ااالله الله يهنيك حدي احتريت خاطري بقاري:(

bydvsj said...

زين سويت شريت قارى منها رياضه

ومنها ترجع ذكريات الطفوله

بس حط بالك على روحك علشان ترجع لبيت اهلك سالم غانم :)

ezain_kilah said...

لوووووووول إسم الله عليك من التزلق, ويامال الملق اللي يتشمتون عليك الزلق

عاد تصدق؟ أنا مرة شكبري صكيت اليوبيل الفضي ولي الحين ما اعرف أسوق قاري

جميل أسلوبك اللي ياخذ ابسط الماديات ويعبر من خلاله عن أعمق المشاعر

ملاحظة: إذا واحدة دقت لك هرن وإنت بقاريك هذي أقرب مالها أنا ;p

تحياتي لك

nEo said...

وأصحّي طفل بحشاي رابي
وأعيد ذكريات الطفوله
وأرجع للمرحله الأولى
ماكنت فيها أحاتي قراري

-------------------------


كلام عجيب صج من القلب

و الله حسيت فيك

صج لما تسوق قاري يمر عليك شريط طويييييل

تعرف تويل بالتاير الوراني ؟


:P

DanDash said...

شوقتي اركب قاري
دير بالك و انت تسوق احلى شي تسوقه بالممشي ولا يم البحر يم المركز العلمي
أما الشوارع المياننين وايد
حافظك الرحمن

mtfa2el said...

و اللي يقولك بيشتري قاري و بيي يقاوم وياك

magnoonah said...

وناااااااااااااسه


صج وناسه

ابيه يالشيبه والله وناسه مالك شغل بكلام الناس والسيايير
عيش دنيتك والله

الله على عمر الطفوله لو يرجع بس جان تغيرت وايد اشياء فينا


شوف يالمتشبب ما اوعدك بس اضمن لك ان شفتك والله لا صورك بالتليفون وانشره بالبلوتوث تحت عنوان

((طفولة اخر زمن))

مع الزوووووووم على الصلعه

:))

وتسلم ايدك على الكلام الحلو

Barrak said...

فتى الجبل

سيدي صاحب التعليق الاول


انا اذا سويت ريجيم راح اختفي

Barrak said...

kila ma6goog

فعلا هي جروح كثيره

قول قاري وسوها ترى وناسه

مايحتاج اركب ليت نوري كفايه

Barrak said...

فراوله

مساء القواري العجيبه

هههههههههههههههههههههه
طلعتي فيها

على فكره انتي سيده مرهفة الحس بس ان قطيتي قطه تطلعين فيها
ماشاء الله عليك

رقه وخفة دم

بالنسبة للساري
يعني واحد اقرع وضعيف واسيمر وراكب قاري مايبيله الا ساري

Barrak said...

qesat_5ayal

صح بدنك

اشكرك

Barrak said...

كريزما من الدوام

اختي العزيزه
سيدتي الذكيه
فعلا انا بهذه القصيده ان جاز التعبير احببت ان اتطرق لعدة مواضيع

هل من الممكن لاي سيده او انثى فوق ال عشرين مثلا ان تقود دراجه هوائيه

ماهي نظره الناس لها
ولماذا لاتأخذ راحتها بالتجول بأحد الاماكن الترفيهيه بالقاري

مع وجود محرم


هذه القصيده تتحدث عن امورا عده خاصه بي وخاصه بكم

جم واحد محتاج لجاري

Barrak said...

Q8ya

هلا فيج

انصحك بالذهاب الى محلات القواري بشارع خالد بن الوليد واختاري واحد

ونصيحه اشتري من اي شخص ايراني لانه امين

Barrak said...

ANGEL HEART

ويهنيك ويسلمك


تبين قاري
بتاير والا باربع

Barrak said...

Noor

اهلا بهذا النور


بصراحه الناس مادري شفيهم مايحترمون الصلعان اهل القواري
فقررت ان اتجول بالقاري فقط بالحدائق اللي مايدري عنها الا المقيمين

عشان اسلم

Barrak said...

ezain_kilah

فعلا انت الزّين كلّه
ماادري ليش لما امشي بالقاري
أحس بملاقه حواليني

حتى قبل لاأطيح

اذكر مره علمت اختي على القاري اول شي سوّته دعمت خالتي


جميل أسلوبك اللي ياخذ ابسط الماديات ويعبر من خلاله عن أعمق المشاعر

اسلوبي يعبر عني
بصدق
بعمق
بمنتهى الشفافيه

ذكر لي احد الاصدقاء جمله عندما بدأت الكتابه في عالم المدونات
قال النت عباره عن مسرح وردود الافعال ستشاهدها بتلقائيه ووسرعه



صدق كلامه وصدقتي


اشكرك

Barrak said...

nEo

استاذي

اتشرف بوجودك


وأصحّي طفل بحشاي رابي

ايقظ طفلا لم يله بدنياه لحظة واحده
لانه تربى فيني

وأعيد ذكريات الطفوله

استلهم تلك المرحله ذكريات مرحله لم اتغنى بها

وأرجع للمرحله الأولى

وهنا تضع 100 علامة استفهام
رغم اختلاف مراحلنا الاولى الا انننا متشابهين بالبراءه رغما عنا

ماكنت فيها أحاتي قراري


عندما تصل لمرحلة التفكير مليا باي قرار
كن على يقين بأنك نضجت فعلا


انا ترى مسالم بالقاري
بس عندي مشكله ازليه اخوي الحبيب
ياخي كل ماعمري ركبت قاري بحياتي الا والصنقل يطيح


تهقى ليش

Barrak said...

DanDash

لاتحاتين
انا اكثر واحد رافع شعار من خاف سلم


اشكرك

Barrak said...

mtfa2el

الوعد بخط صبحان

واللي يفوز اكتب فيه بيتين شعر

Barrak said...

magnoonah

تصدقين
احلى انسان يقول كلمة وناسه هو الاثرم

ونااااثه

بصراحه وناسه
والجو العليل بس هالايام الجو مادري شفيه
من شريت هالقاري والجو انقلب
عيل غبار بارد


اذا ناويه تصورين
كتبي عنوان البلو توث
الشايب المسمسم


اشكرك

Om Jaber said...

shayyashtny 3ala elgwary ;p elyom ana ray7ah sharg oo makhthah wa7ed 7amar oo bo sharaye6 emlawenah ba3ad ;p welwa3ad mamsha mishref ;)

AnGlOpHiL said...

عاش عاش

صج وناسه القاري , شكلي بروح ادق قاري اخوي الصغير سلف و افتر بالفريج

عيون الحب said...

ياريت أقدر اسوي مثلك
عساك عالقوة
:)

shakshaka said...

mashalllaaa .. ana mata 3al garey bas 7adey bo arba3 twaaayer wana mn ashad el mushaji3eeen lil guwaary bas allah isalmik ilbint ili foog el 20 mategdar etsoog gary lannha tabee tekshakh wit7i6lik theeek el7omra el 9aarkha bedal el laaaitat wo talbislik ka3ab wainhi wain etsoog garyyy chan eb awal shabbba:P

بو محمد said...

إي والله قاري يا البرك
يا ليت تردفني وياك يا اخوي

أخوك بو محمد

vancouver said...

تلبس سااااااري
ههههههه


لو جونا طول السنه حلو
جان الكل يركب قواري
انا احب القااااري


مبروك وعقبال ما تشتري طياره
:)))

Shaima'a Alkandari said...

ياعيني عليك يابراك

عجيب ومبدع دوووووم

اهم شي التكرفس

Barrak said...

Om Jaber
الله يخس بليسج

شرايط ملونه عاد

ايه ولاتنسين تحطين سله جدام



هههههههههههه

Barrak said...

AnGlOpHiL

عاش من قال

ترى القاري مايدقونه سلف

بس اطمر عليه واطلق سيقانك للريح


وبالسلامه

Barrak said...

عيون الحب


الله يقويك



هذا هو السؤال المطروح

لماذا المراة في مجتمعاتنا الخليجيه لاتستطيع ان تقود الدراجه الهوائيه



اشكر مرورك سيدتي رغم تقصيري

Barrak said...

shakshaka

سيدتي الراقيه

اشكر لك مرورك الراقي


هههههه
قاري بأربع تواير شخباري



على فكره انتي طرحتي موضوعا مهما هل اهتمام بناتنا صار بالحمره اكثر من اهتمامها بنفسها وصحتها

موضوع رائع ونقد أروع

Barrak said...

بو محمد


تامر امر يابو محمد

اردفك فوق راسي

Barrak said...

vancouver

فعلا المعضله الوحيده هي الجو


بس بحاول اتغلب على الجو واسوق قاري صيف وشتويه




من وين طالعه الشمس اليوم

Barrak said...

Shaima'a Alkandari


هلا فيج يالراقيه


مشكوره

ويقولون التكرفس كلمه ينطقونها اهل جبله اكثر من اهل شرق

بو محمد said...

يااااااااااه يا البرك
يسلم الراس و راعية
و عسى الله يبلغك منيتك إن شاء الله و يسهل دروبك قول آمين

بعثرة مشاعر said...

عالبركه
عاد القاري احسن رياضه

و دام الجو حلو
مالكم شغل بالناس

Anonymous said...

الـلــــــــه وناسه و عليك بالعافية ...ركبت سلة :)

سدرة العشـــاق said...

والله زين تسوي الجو يننن صج مال قاري

بس مشكلتي ماعرف اركب قاري إلا لما يحطونلي التواير الصغار اللي ورى

:)


صح إلسانك

الخيلاء said...

اي والله انه القواري اول لها شنه و رنه ..

كل عطله قاري يديد لازم :)


خوش كلمات

shakshaka said...

barrak

tara bamoooog 3laikom ya barrak 3ugb hal kalam wo basoog gary bo tayraaaain! wo lil asaf el7umra awalan wil 9i7aaa #10 shooof mageltleek thaneyan la laa seeda negazna laih 10:S

Barrak said...

بو محمد

آمين ياخوي امين


الله يسلمك ويخليك

Barrak said...

بعثرة مشاعر

الله يبارك فيج
انتي صح
والجو صح
واللي انا سويته هم صح

Barrak said...

MnO YeNSa

عافيج ويخليج

ماركبت سله ركبت اريل

Barrak said...

سدرة العشـــاق

صح بدنك

ههههههه

ضحكتيني والله

بس صدقيني الاربع تواير اضمن
عشان مايضحك المليق والاملق

Barrak said...

الخيلاء

القواري لها قبل حلاوه
واللحين هم بعد لها حلاوه


ياحلو ال بي ام اكس
ويكون صوب المطاره تحت مكتوب الوحش

الله

Barrak said...

shakshaka

يحقلج تموقين


وفعلا عاشرا صارت الصحه
عاشرا صار النشاط
واولا الحمره والرباده


اشكرك للمره الثانيه سيدتي

rwatan said...

القاري حلو و ممتع.. بس المشكله وين ممكن تسوقه :)

Selezya said...

take care :)

|:| DUBAI |:| said...

يا عيني و الجو يساعد بعد

: )


يا حظك والله

!!

esTeKaNa said...

وااااي انا ذايب قلبي على قاري
!!
عليك بالعااااافيه
زين تسوي
انطلق يا براك
واي تذكت طفولتي كان عندي قمة الشجاعه اللي يعرف حق قاري بو تايرين
لاني طولت بمرحله اربع تواير مالت اليهال
ويوم عرفت حق بو تايرين
ابوي الحجر دششني ما قمت اطلع بالسكة
hehehehe
:))

Barrak said...

rwatan

بالنسبه للذكور مافي مشكله
ياحديقة الجابريه
ياحديقة الفنطاس

بالنسبه للإناث
لازم يكون عندهم بيت فيه ارتاداد كبير ويمكن يقدرون

Barrak said...

Selezya

ان شاء الله

Barrak said...

|:| DUBAI |:|

بدينا بالحسد

خو كله قاري خو

Barrak said...

esTeKaNa


انطلق

الله ياحلو هالكلمه
اتذكر ايام الرجل الحديدي

والله يخلي لك الوالد الحجر ويطول بعمره

اللهم امين
والحمد لله عالسلامه

bu-saad said...

سؤال بما انك يبت طاري القاري!!

في اي سنه تم استخدام القاري بالكويت؟؟

Barrak said...

bu saad

علمي علمك