Monday, December 24, 2007

وصوص




الساعه الخامسه فجرا وأريد أن انام والحبيب قاعد يقحّص لمدة 10 دقائق بالتمام والكمال مبتهجا بالمطر ولم انم الا بعد ان طيّب خاطره وخاطر سيارته بالاستمتاع بإزعاج الناس


قحّص

خل سيارتك توصوص

ليش أنام ماله داعي

إطرب أسماعي

وعلى الإزعاج خلك

محرّص

قحّص

...


شالمشكلة لو شايب أزعجته

شالمشكله لو النوم منه طيرته

عادية السالفه لاتبالي

دام ماعندك والي

إعفسنا وخبّص

قحّص

.....


أنغام توايرك تطربنا

وصوت قزوزك يسعدنا

إستانس ياحبيبي وإفرح

عولص ناقز وتدربح

و بشبّه شبّص

قحّص

.....


هذا من طيب التربية والأخلاق

نغّم واشجينا يامال الطقّاق

نبي على انغامك نسهر

وبحس توايرك نفكر

خلك لنومتنا متربّص

قحّص

...


لو فيه قانون جان ماوطوطت

جان مليون مرّه فكّرت

عادية السالفه هدد

خمّس لايهمّك ياولد

لين النور علينا يبصبص

قحّص

....


ماتقول فيه ناس بتنام

ماتقول اللي تسويه حرام

وأهلك وينهم عنّك

مال بالطفاية أرنّك

وعقالي على ظهرك

يرقص

قحّص


61 comments:

Selezya said...

صباح الخير

:) اخبارك اخوي براك

تعبيرك ما ازيد فيه كفيت ووفيت .. ناس لا تربيه ولا اهل ماراح يهمهم كلام احد
يقولك السفهاء سايرهم لا تناقشهم ولا تعلمهم لان اذا جربت هالشي راح يغلبونك
الله يعين والله يهديهم
ونوم العوافي اننشالله

Najmah said...

لووول

شنسوي فيهم لا حياة لمن تنادي

نوم العوافي :)

Kuw_Son said...

عندنا و عندك خير !!

الوالد يدق على 777 الفير و يقولهم السالفة ..

يرد عليه الشرطي ..

أكيد صوب الدوار اللي يمكم صح !!؟ @@

عن أبو دارهم و الله يدرون بس ما كو هيبة لهم و لا يعنون نفسهم يسوون سي لأنهم دارين ماكو فايدة !!.. يدش المخفر مني و يطلع من الصوب الثاني !!

لا بارك الله فيهم !

سدرة العشـــاق said...

عمك صمخ من تحاجي ... الله يهدي الجميع إن شاء الله

أنا عندي التقحيص يهون بس صياح الديج واااااي هذا اللي ينرفز من قمة راسه يصيح قبل لا يموت كنت بكل صلاة أدعي ربي ياخذه جد والله و أشوه مات ... بس يرانا شروا لهم ديج ماراح نخلص

و يعطيك العافية

joy said...

يخيا هالاوادم مو اوادم
مايصدقون ماي عالارض اللا قحصوا وتفلسفو


عيزو حطو مطبات
ماتو ناس
اعاقات
حوادث
حطو دوريات
ماكو فايدة ابد


يبا اذا لم تستحي فافعل ما تشاء




وكل عام وانت بخير والعمر كللله

فتى الجبل said...

تكفه وين ساكن؟
بصيهد العوازم والا وين؟
بعدين اشلون هذا له خلق يقحص بهالوقت؟
أكيد متعشي فول

DanDash said...

ماتقول فيه ناس بتنام


ماتقول اللي تسويه حرام


وأهلك وينهم عنّك


مال بالطفاية أرنّك


وعقالي على ظهرك


يرقص


قحّص



أي و الله أي و الله

عندناااا و عندددك خييييير
انا ما يقهرني الا الهرنااات واااااااااااي

احسن شي حط قطن بأذونك ولا اخذ بنادول نايت ولا فلو تنااام نومه هنية نومة الغزلان بالبرية

Manal said...

لا حول ولا قوة الا بالله

حالة مو طبيعية

ما في احساس

انا اقول هذا من النوع الي ينام بالنهار ويعيش بالليل


الله يساعدك

S-Q8 said...

مال بالطفاية أرنّك
LOL
بدعت
اعرف هالاحساس
صارت فيني جم مرة اقوم على ازعاج
بس مو تقحص
الا هواش وحدة و ريلها بالشقة اللي يمي
و الله على مرة من المرات سمعت صوت جدر انحذف عشان يرن على طوفتي
ناس ما تستحي
حتى الانجليز عندهم هالسوالف

Anonymous said...

عندنا وعندك خير
ويبدأ دوامهم من 1 ونص بليل للـ 5 تشفط هرنات كل شي


الله يكون بالعون بس

:-(

الحارث بن همّام said...

هههههه وين ساكن أنت؟
:)

بعثرة مشاعر said...

الله يهداه

جان نطر شوي لما الناس تصحى من نومها و بدا العرض

:)

الله يهديهم

الحب said...

مال بالطفاية أرنّك
وعقالي على ظهرك
يرقص

أبي أشوف

Barrak said...

Selezya

صباح الورد
فعلا ناس معدومين التربية والضمير
وليمتى هالناس تتحكم براحتنا وحتى بأبسط أمانينا

الله يهدي الجميع
واشكرك ياصاحبة التعليق الأول

Barrak said...

نجمه

الله يعافيك
لو يخلوني مدير الادارة العامه للمرور يومين بس انا اعلمك فيهم

Barrak said...

Kuw_Son

الله يطول بعمر الوالد
لايتعب نفسه انا اقولك ليش

مره سألت أحد الأصدقاء الضباط ليش ماتشوفون لهم حل تسوون كمين لهم
قال ياحبيبي العمر غالي هذول بايعين اللي مسلح واللي عنده بسيارته سيوف انا مو بايع عمري وبالاخير لو يصير فيني شي حتى شارع مايسمون باسمي العمر مش بعزأه

مره الشاعر ساهر كتب
ياليل الخرمس ياليل
جينا بنخمّس ياليل
عندنا اعضاء تطلعنا
تعفر بالمخفر ياليل
نبي منك حل ياليل
السكته تعل ياليل

Barrak said...

سدرة العشـــاق

اعتقد هذي من ابسط ابسط حقوقنا اننا نستمتع بالنوم


حرام عليج ذبحتي الديج ابو الحنجره النحاسيه

ههههههههه

Barrak said...

joy

ياخيا هذي من وين طالعه صج انك كويتيه اصليه
اعتقد هالكلمه انتهت من الستينات

هالاوادم فعلا مو اوادم
اعتقد لو يطبقون عقوبة الاعدام لهم راح ننعم بالهدوء

اشكرك على التهنئه الراقيه

Barrak said...

فتى الجبل

انا ساكن بمنطقة يكثر فيها الامريكان حاليا
وتعتبر من المناطق الجديده


والتقحيص ماله وقت محدد

Barrak said...

DanDash

انا نومي خفيف
وعندي مشاكل صحيه مع البندول

وبعدين بيوتنا ناسيه مفهوم عازل الصوت يعني لو يقحص باول الفريج افز من نومي
ولا نومه هنيه ولاغزلان بالبريه

Barrak said...

ManalQ8

من قال مافي احساس
في احساس بالتاير وبالرنج وبالقير
بس مافي احساس بالناس

وحلوه الصوره

Barrak said...

Ni3Na3aH

عاد عندي طفايه من النوع الثقيل
رنه واحده لارنتان على طول العناية المركزه

بالنسبة لموضوع ازعاج الجيران
اذكر اول ايام الزواج ايام الاجار كان فيه وحده ساكنه فوقنا هوايتها الممتعه انها تتمشى بعد الساعه 2 بالقبقاب مكرم السامع

فعلا الناس اجناس

Barrak said...

شيخه

غلطانه ياشيخه يبدا دوامهم الساعه 5 الى ماله نهايه

Barrak said...

الحارث بن همّام

انا ساكن بمنطقه اذا صعدت فوق السطح اشوف مرسى الاحمدي

بعد شنسوي مو قالوا بيشجعون الشباب يسكنون بره العاصمه انا كنت اول ملقوف وهذي النتيجه

Barrak said...

بعثرة مشاعر

لا لا غلطانه اهو يبينا نكون بفرشنا وهدوء عشان نسمع صوت توايره عدل

Barrak said...

الحب


تبين تشوفين الطفايه
والا العقال ؟

bydvsj said...

وإنما الأمم الأخلاق ما بقيت. فإن هم ذهبت أخلاقهم ذهبوا


عندنا وعندك خير تقحص ومعلين على المسجله عفيه اذون ما تنبط

ما يفكرون اله فى وناستهم وما يهمهم ان الناس وراها دوام وتبى ترتاح اوناس مريضه وكبيره فى العمر



مافيهم ذره حيا والله عيب

`~MnO YeNSa! ~` said...

صباح الخير ..
المشكلة ان مانقدر تقول احقره لان اهوا اساسا ما راح اخليك اتنام..
اللي تقدر اتسويه

call 777
+
دعــــاء المظلوم ( يكافينا الشر ) و الله المستعــــــان.. بشر للحيــــــن !!؟

Eng.Petroleum said...

لو فيه قانون جان ماوطوطت
جان مليون مرّه فكّرت

صح لسانك

Anonymous said...

ههههههههههههه
هههههههههههههههه
ههههههههههههه
وااى مت مت مت ضحك

اتخيل الموقف
وترى هالى حصلك مر على الكثييييير
وانا منهم احنا على الشارع بيتنا والله لا يوااريييك التقحص

:/



ليش أنام ماله داعي


لوووووووووووووووول
هذى ردت فعلى

ليش انام نقعد لى الصبح بعد شماله النوم

روح يا براك الله يوسع صدرك دنيا واخره
موتنى ضحك



charisma

DanDash said...

براك سوري بعلق على تعليقك
وانت تكلم عن طفايتك الي رنة واحدة لا رنتان وعن سطح بيتكم تخيلتك قاعد بالسطح جريمبه و مزهب الطفايات و تنيشن على السيارات وبعدين من حيث لا يعلمون السمااء تمطر عقالا
لوووول
سوري اليوم انا دمي وايد ثقيل
"احد نتائج رياض الأطفال"

Eng_Q8 said...

لوووووووووووووووووووووووووووووووووول

مزاجه عالي هذا الي يقحص شخبااااري


الله يعينك

بس هم هذا وين يروح نادي السيارات وشالوه ... قاموا يروحون صبحان ولاحقينهم الشرطه عقب راحوا خط الوفره وهم لا حقينهم

حطولهم مكان عشان يفكون خلق الله

bo9ali7 said...

LOOOL
عانك الله

Barrak said...

Noor

من ناحية ان اخلاقهم ذهبت فهي فنقشت مو ذهبت

موضوع المسجله العاليه بالسيارات يمكن لانهم صمخان عشان جذيه معلين عالصوت


اي والله يانور عيب
واذا جاك العيب من اهل العيب مو عيب

Barrak said...

منو ينسى

بالنسبة للدعاء دعينا عليهم
وربنا يستجيب

بالنسبة ل 777
انا اشتغلت بهالادارة 4 سنوات
خليها مستوره

Barrak said...

Eng.Petroleum

صح بدنك

والله لو فيه قانون جان امور كثيره تعدلت بس الظاهر يبونها جذيه سمردحه

Barrak said...

charisma

ان شاء الله مستانسه دوم
انتي بيتكم عالشارع طبعا انا من قبل لاابني البيت كنت معتقد ان عندي خطط جهنميه حطيت دار اليهال قبال الشارع الرئيسي وانا بظهر البيت يعني صايد الحركه عن الازعاج والحبيب جنه يدري افتر وقام يقحص تحت اذوني

Barrak said...

charisma

ان شاء الله مستانسه دوم
انتي بيتكم عالشارع طبعا انا من قبل لاابني البيت كنت معتقد ان عندي خطط جهنميه حطيت دار اليهال قبال الشارع الرئيسي وانا بظهر البيت يعني صايد الحركه عن الازعاج والحبيب جنه يدري افتر وقام يقحص تحت اذوني

Barrak said...

Eng_Q8

بعد تدافع عنهم اخاف انت اللي مسويها
وبعدين نادي السيارات اذا مو موجود او شالوه هذا مو معناته ان الحبيب يفتحله نادي تحت مخدتي

Barrak said...

DanDash

مو انتي سوري انا اللي سوري خطّرت دورك

ضحكتيني
على فكره انا عندي هوايه الحمد لله والشكر مو طبيعيه
احب اقعد بالسطح اشوف الكويت من فوق

تحمدوا ربكم
بس لو عندي طفايه ماتوصل له
يبيله ام بطنين

Barrak said...

bo9ali7

الله يعين الجميع

فريج سعود said...

اي والله مال بالطفاية ارنك
اطلع من منطقة سلوى يا البرك ابرك لك

DanDash said...

مراسلتكم دندش لايييييف و تنقل لكم السوفت ميوزك الي يخليكم ريلالالالاكس و تناموون

ابيي اناام باجر اكو واجد شقل واجد بيبي بس في نفرااات سيااارات دبدات سوي موجين

والعرض مستمر منذ امس

انتهى و اعود لأبحث في برنامج برنت ارتست
الطابع الفنان"
لدرسي غدا

"جنون رياض الأطفال مستمر و بنجاح ساحق ماحق"

qesat_5ayal said...

مشكلة هم

بس كلماتك باردة تونس
في وقت الواحد وده يبتسم
:)

تشكر
والله لا يعيدها عليك من ليلة


الله يهديهم

Barrak said...

فريج سعود

هلا فيك اخوي

لاتحاتي انا مو بمنطقة سلوى
انا بعدها ب4 مناطق

Barrak said...

DanDash

انتي اليوم فيه شي في انتي
هزا كله من رياز الاتفال
مايكالف ياصديق
سوي سوي تعوزي من ابليسوه وبعدين بكره الصباح رباح

Barrak said...

qesat_5ayal

انتي اللي تعليقك يونس ويبرد

اشكرك سيدتي

mtfa2el said...

عندنا و عندك خير ..ساعات تالي الليل و انت بعز نومك و احلامك السعيدة ما توعى الا هالتقحص
على قولتك ...مال العقال على ظهره يرقص
و ترنه راشدي لما يوصوص
و تشوته شوت لما يختبص
و وو
قلبي متروسة يا براك

Shaima'a Alkandari said...

امممم


لو مناديني بس جان فلعته باكبر طابوووووقه جدامى بس اللى اقدر اشيلها

الحين علبالهم هالفئه من الناس انهم مسوين انجاز كبير يوم يقحصون ويشفطون ومادرى شيسوون اهي صج مخاطره بس ورائها مليون شي وشي وتترتب عليها كثير من الامور

يعني بلحظه ممكن تطير ياهل قاعد يمشي بالشارع يعنى ممكن يفقد السيطره على السياره واحتمال لا قدر الله اهو يروح ضحيه تهوره

يوم يصير تقحص وجذي شوف التجمعات اللى تصير والرعب اللى يصير براكبين السيايير الثانيه اللى في حال طريجهم ماشين مايشوفون الا ذاك اللى فار عليهم
مااهتموا لا بنفسهم ولا بغيرهم واهتمامهم الوحيد واللى سلطوا عليه الاضواء على شي تافه مو مهم وعلبالهم ان اهم صح وماعبروا احد مريض ياهل شايب احد بيرتاح ماكو بس ازعاج

sologa-bologa said...

أول شي
كل عام وانت بخير
وعيد ميلاد سعيد

ولو إنها متأخرة

وإن شاالله تنول اللي تتمنى
وتكون قريب ولا يبعدك عنا
ومن كلامك الحلو الله لا يحرمنا
:)


هي يات على تقحص السيارات
وازعاج العالم

الكل يمشي ويقحص
هذا غير اللي يبصبص
وذاك عايش عالتلصص
غيرنا ياكل اللحم
واحنا بالعظم انمصمص
ويا ليتنا فيه متهنين
من أول قرمة نكح وانغص



الله المستعان


ودمت بحب وود

J Daily said...

صح لسانك ((:

Barrak said...

mtfa2el

الشكوى لله ياخوي
المفروض يسوون ادارة عامة لشئون التقحص
وتكون اسلحتهم عباره عن طفايات
وعقال يرقص

Barrak said...

Shaima'a Alkandari

لالا الطابوقه ماتبرد الحره والواهي
قولي تحذفينه بتانكي مصدّي قولي شاحنه تعبر على يافوخه
تصدقين عاد اعتقد انهم حاسين انهم مسويين انجاز عظيم لانه هذي حدود تفكيرهم
قير يديد قزوز يديد
ديرتنا وايد ضافّه خمه

Barrak said...

sologa-bologa

وانت بصحه وسلامه ومشكور يااستاذ

المشكله بهالديره الشريف
صار مفلص
كل يوم عن يوم السنع
بهالديره يخلص

وانا بهالتقحص يلخوي متقلقص

Barrak said...

يعقووبوو

صح بدنك

Anonymous said...

بحنا يسيارته, من أول ما يشغل سيارته أسمعه وأدري انه راح يطلع =[

moshkel kabeeer

Anonymous said...

**تعديل بدليه**


ولد جيرانا ذبحنا يسيارته, من أول ما يشغل سيارته أسمعه وأدري انه راح يطلع =[

moshkel kabeeer

Barrak said...

very.q8ya

الله يعينكم على ولد يرانكم
على فكره
انا تكلمت بس على موضوع التقحص والتوصوص
وانتو الله خير طلعتو كل اللي بقلوبكم
اللي يعاني من تقحيصه واللي يعاني من صوت سياره واللي يعاني من صوت مسجله

قلبه متروسه

العرزالــــــه said...

براك

يمنا براحه

وكل يوم الساعه 2 الفير تقريبا في سياره تقحص لمدة 5 دقايق

كل يوم او كل يوم وترك من اكثر من 5 شهور

قمنا اذا صارت الساعه 1 و50 دقيقه ومانمنا ننطر الاخ عشان يخلص وانام

تخيل..تقريبا كل يوم

لكن اقولك؟ لوفي رجل اوقفه عند حده جان عرف شلون يقحص

Barrak said...

العرزاله


ههههههههههههه

ضحكتني من قلب

انا اقول ناموا بالبراحه وخلوه يقحص بحوشكم عشان تفتكون

عليك قطات عجيبه

خالتك قماشه said...

لووووووووووووووول

وطوطيت إعجبتني
لوووووووول
عاد انه مايهمني اكمل النوم جنه
داش عرض ابحلمي يااخي النوم سلطان
وحنا ورانا دوام بعد اي خير انشالله اقعد من النوم