Thursday, December 13, 2007

ماأعبّر




بعد باصبر!!؟

بعد بانطر!!؟

بعد بيزيد انتظاري

بعدها شابه ناري

 بس انتهيت

 بس اكتفيت

والله ماأعبّر

بعد باصبر !!؟

....

باحلفك بربّك تحس فيني

تحس شلون ذابت عيني

ماأقدر ارد النسم بصدري

ماظنتي عايش بس أدري

غيبتك تخنق وتكسر

بعد باصبر!!؟

....

 لوفيني حيل جان صبرت

مو لو تطمّني جان قدرت

خوّفت الخوف بداخلي

ماأدري شبقالي وشراحلي

الله وأكبر عليك

الله وأكبر

بعد باصبر!!؟

4/8/2007
السبت

48 comments:

Q8DOLL said...

موحلو احساس العجز في إنك تواصل انسان
ويصير الصبر هو ملاذك
شنو نملك غير الصبر؟؟

صح لسانك

AnGlOpHiL said...

ذابت عيني ;)


صح لسانك

`~MnO YeNSa! ~` said...

ما لنا غيرك يا الصبر ... هم لنا وياك موعد و عالبعاد بننتظر...

ان الله مع الصابرين
اذا صبروا
!!!!!
تذكرت اغنية عبدالمجيد عبدالله
" عليهم صابرين "

سدرة العشـــاق said...

ذابت عيني

و انا ذاب قلبي معاها

الصبر مالي انا إلا الصبر

:)

فتى الجبل said...

والله وايد معذبك

DiLLi O MiLLi said...

الله الله الله

أي والله ما أعبر على الفرقى


العمر من دونك
ما أطيقة
وبدونك هالكون
أف يا ضيقة
وعنك ما أقدر أصبر
حتى دقيقة

ezain_kilah said...

الله يسامحك!

صدمتني يا أخي بردك على تعليقي في بوست "ناديه"... مو إنت اللي قاعد تشعر وصورت لنا المشهد على إنها -وعلية عليها- ميتة من فراقه وهو ولا بالبال؟
وخليتنا نعيش الدور وكسرت خاطرنا وأنا شوي وأبجي وحالتنا حالة...
شفيك -الله يهداك-قلبت عليها مرة واحدة؟!

المهم... الصبر هو الحل الوحيد لمن لا حل له

والله كريم... وحده المستعان

magnoonah said...

سنين وسنين وانا صابر
وراح صبر كمان وكمان

ذكرتني بهالاغنيه

عشمك ان الله مع الصابرين

وتاكد انها بتفرج

تدري في اغنيه يغنيها بوخالد مع ولده
اذكر انه ولده يرد يقول
وين الاقي للصبر عندي صبر

ما اذكر من الاغنيه الا هالجمله لها معنى عجيب

الله يعين الكل
وتسلم على هالابداع
لا خلا ولا عدم

بنت الشاميه said...

صح لسانك

بس الست تقول للصبر حدود
وهى ادرى باهل الهوى

Selezya said...

عايش جوك باحلى طريقه

صح لسانك

واذا االشي يستاهل الصبر اصبر

Om Jaber said...

لا تنطر يا براك.. اللي راح ما يرجع
:(

charisma said...

مو لوفيني حيل جان صبرت
مو لو تطمّني جان قدرت
خوّفت الخوف بداخلي
ماأدري شبقالي وشراحلي
الله وأكبر عليك
الله وأكبر
بعد باصبر!!

عورت قلبى يا براك عورته
خنقتنى العبره
وترى موسيقى عمر خيرت لعبت دور بالعبره
:/

ااااخ يا قلبى ااااخ

DanDash said...

صبر جميل و الله المستعان

Eng_Q8 said...

صح لسانك

فراوله said...

مساالورد والجوري
مساالصبر اللي ماينقدر
مبدعنا الغالي
الانسان عباره عن كتلة احاسيس ومشاعر
وهي تتصارع بداخله
ممكن ان يكون انسان قوي ويتحمل كل
شي
او يمكن العكس
ولكن اصعب ماعلينا الصبر
فانه احساس قاهر ويصعب علي الانسان
تحمله وخصوصا
من حبايبه
بس شنقول لفلسة القدر
!!!!!!
دمت بدفء وعذوبه
ابدا
:)

|:| DUBAI |:| said...

: )

صبرنا . .و مل الصبر منا

!

Anonymous said...

الصبر مفتاح الفرج
والله يكون بالعون

Najmah said...

وشنو بيدنا غير الصبر؟

سأصبر حتى يمل الصبر من صبري
سأصبر حتى يأذن الله في أمري
سأصبر حتى يعلم الصبر أني
صبرت على شيء أمر من الصبر

ربي يقويك ويصبرك براك

وصح لسانك

Barrak said...

Q8DOLL

الصبر مالي انا الا الصبر

ياقلبي ابي منك العذر

اشكرك ياصاحبة التعليق الأول
اشكرك يازميلتي السابقه

Barrak said...

AnGlOpHiL

صح بدنك
عاد صج ذابت عيني

Barrak said...

منو ينسى


سبب خل عليه القلب يهمل
هميل العين ماكف اندفاعه


اشكرك

Barrak said...

سدرة العشـــاق


هناك شحوب للعين
وهناك سواد تحت محاجر العين
ولكن ابلغ مايمكن وصفه بهذه القصيده هي
ذابت العين

اشكرك

Barrak said...

فتى الجبل

وبهالوقت فيه احد مو متعذب

Barrak said...

DiLLi O MiLLi


من جرب طعم الفرقى
لابد يشقى

اشكرك

Barrak said...

ezain_kilah

الله لايجيب صدمات
بس فعلا انا في ردي السابق لم كذب فمن المعروف ان العلاقات العاطفيه في الدول الاوربيه في مرحلة الشباب
تكون بارده نسبيا
وفعلا لان ظروف الحياة هناك تجبر الواحده انها تنحب وتحب بسرعه
هذي وجهة نظر

وصدقيني انا اكتب كلامي وبكيفكم عيشوا جوكم بإنعكاسات الحروف

Barrak said...

مجنونه


الله على هالاغنيه

احبك حب خلاني ابيع الدنيا من اجلك
الله الله

والله يعين الصابرين

اشكرك

Barrak said...

مجنونه


الله على هالاغنيه

احبك حب خلاني ابيع الدنيا من اجلك
الله الله

والله يعين الصابرين

اشكرك

Barrak said...

بنت الشامية

الله يرحمك ياست

والست قالت
سنين ومرت زي الثواني
بحبك أنت
وان كنت اقدر
احب تاني
أحبك انت


اشكرك

Barrak said...

Selezya

للأسف ماعندي غير هالطريقه عشان اعيش

اشكرك

Barrak said...

Om Jaber

هالمره انتي صح

Barrak said...

charisma

مو لوفيني حيل جان صبرت

لاحظي ان البداية كانت بمو لو فيني
هذا الشطر فيه مخاطبه مباشره بشفافيه نادره
ان كان مافيني حيل شلون بصبر

مو لو تطمّني جان قدرت

وماذا اريد غير الاطمئنان الذي يصبرني ويجعلني اصمد

خوّفت الخوف بداخلي

تخيلي لما الواحد يكون مليان خوف ويشوف الخوف اللي يخوف خوفه

ماأدري شبقالي وشراحلي

شبقالي شراحلي جمله نادره ولان مدة الصبر طويله وصداها مؤثر بالروح ولان الالم والخوف اصبحوا من النوادر من حدّتهم
الله وأكبر عليك
الله وأكبر
بعد باصبر

رغم ان جملة الله واكبر كانت مكسوره لفظيا
لان المطلع كان اصبر بكسر الباء او أعبّر ولكن جملة الله واكبر من الناحية الحرفيه صحيحه باء وراء مع اختلاف التشكيل

Barrak said...

DanDash

الصبر يارب

Barrak said...

Eng_Q8

صح بدنك


اشكرك

Barrak said...

فراوله

المفروض تغيرين اسمك من فراوله الى جوري

مساء الجوري

فلسفة قدر تقرب البعيد
وتقرب البعيد

للدنيا كلمه وأمر
فلسفة قدر

القصيده الوحيده اللي انا كاتبها وحافظها

Barrak said...

دبي

اي والله

صح لسانك

Barrak said...

شيخه


الله كريم
شكرا ياشيخة

Barrak said...

Najmah

ربي يقويك ويسلمك ويخليك ويبقيك

esTeKaNa said...

!!ما أقدر أرد النسم بصدري
.
.
.
آه يا براك
هذا اهو:
الاختناق اللي يمنع النسم يرد بصدرك
ويخوف الخوف اللي بقلبك
!!
تصويرك للنسم وخنقته
خنق عبرتي بقلبي

تدري؟
الصبر يكون لذيذ
لو كان في قلب معاك يصبر
في ذره امل
وفي وعد بغد اجمل
لو كنت تحس بأمان
من غير خوف ولا حرمان
!!
ولكن الصبر مع كل هالخوف
مع النسم اللي عيا يرد بالصدر
والعين اللي ذابت من حر ما فيها
هذا اصعب احساس بالكون


مبدع كالعاده
ما تعبر؟
تعبر لا بغيت يا براك
كلنا نعبر اذا بغينا
ولا شرايك؟
:)

Barrak said...

esTeKaNa

سيدتي الراقيه
كلامك بصراحه اروع من كلامي
ظللت اعيد قراءته مرات عديده
النسم لي عيا يرد بالصدر
تذبح لحظاته
وايد وايد

بالنسبة لسؤالك
مو كل من يعبر
انا عن نفسي فعلا ماأعبر

Anonymous said...

دائما مبدع
و على فراق كلمات مدونتك ما اقدر اصبر :)

S-Q8 said...

آآآخ على الصبر اللي يهد الحيل
على قولت الست.. ده الصبر عاوز صبر لوحدووو
nice words

The Voice Within said...

ee!

B3ad b9bir!

Ilshakwa lalah!


Barrak like always, Ma b3ad kalamik kalam

Tislam eidk o 97 lsanik

The Voice Within said...

ee!

B3ad b9bir!

Ilshakwa lalah!


Barrak like always, Ma b3ad kalamik kalam

Tislam eidk o 97 lsanik

Barrak said...

عتيج الصوف

اذا انت على فراق مدونتي ماتصبر
انا على فراق تعليقك ماأعبر

Barrak said...

Ni3Na3aH

تخيلي فوق الصبر اللي يهد الحيل بعد باصبر


الله يرحمك ياست

Barrak said...

The Voice Within

يسلمك وصح بدنك
واشكرك

ReLaaaX said...

الصبر زين وآنه اختك
وبعدين شبيدنا غير الصبر :)

Barrak said...

ReLaaaX
الصبر زين للي يقدر يصبر


انا ماأعبر