Monday, December 17, 2007

33



يقولون صار عمري اليوم33
ماادري حسبتي صح والا غلط ؟

17/12/1974 - 17/12/2007 يقولون الناتج 33 سنه
بهذه المناسبه اهدي لنفسي هذه الأبيات


فرحان

خلقت لك مكانه

بهالزمان

قولي ياأنا

فرحان

متخيّل شكثر صار عمرك

متصوّر صرت شكبرك

فوق الثلاثين

ثلاث مرّات زاد عمرك

ثلاث مرّات زاد عمرك

لقيت ماتبيه

شفت ماكنت متمنِّيَه

صار عمرك ثلاثين
إيه
إيه
إيه

نثرت كلامك؟؟

وإلا هالعمر مثل مامر ماهمِّك

!! هالسّنه علامك

ماوفتك الحروف؟؟

وإلاّللحين ماتشوف

طريج دنياك

قولي يابرّاك

شكثر فيك بعد ؟؟بتقوله

قولي يابراك

شكثر إنت بتبقى إنت

شكثر صرت شكثر كنت

جم واحد فقدت

جم مرّه تعلّمت

ليش عشت

تبني بطيبتك طيبه

ليش عشت ؟؟

مثل الطفل البرئ

تتناثر أحلامه تحت لحافه

ليش صرت

إنسان جرئ

مابقى له شي ماخافه

ليش صرت

ليش عشت

قولي يابراك

فرحان؟؟

قدرت تربّي عيالك

قدرت تعرف مابقالك

ترى السّنين ركضت جدامك

حس بنفسك علامك ؟

ليمتى حياتك قلم ودفتر؟

ليمتى بتتخيّل وتتصوّر

وليمتى الذكرى اللي فيك

ماتبي تخلّيك

واللي خلاك للحينك حابّه؟

وللحين تقول

له رب يحاسبه

إسأل عيونك

شافت ماتبيه ؟

هالقلب لقيت أمانيه؟

سنينك اللي راحت ؟

صح ؟؟

قدرت تنسى فراق أبوك

قدرت تعوّضهم حنانه

قدرت تخلق لهم مكانه

ليمتى بتقول ليمتى
17/12/2007

103 comments:

Anonymous said...

لأن حظك حلو, أنا أول المعلقين لوووول... خوش سنة بتصير, لأن ويهي خير, أبدا ما راح تكون سنة كبيسة لوووول


كل عام وانت بخير و الله يخليك لخشيم الفار و باقي العائلة الكريمة

سدرة العشـــاق said...

كل عام و انت بخير و صحة و سعادة
و العمر كله إن شاء الله
و يخليلك الأهل كلهم إن شاء و يخليك لهم ذخر

:)

Eng_Q8 said...

كل عام وانت بخير ولك طولت العمر انشالله

وصح لسانك

بعد شتبي عمرك ذهبي :)

فتى الجبل said...

كل عام وانت بخير
ترى آنا قوس نفسك

nEo said...

و كأني ارى الخوف واضح من قدوم الاربعين

يالله خل اقولك الكلام اللي ماله معنى ابدا

الشباب شباب القلب مو العمر

اي ادري


:P

DanDash said...

أولا

سنة حلوة يا جميل شششا سنة حلوة يا جميل شششا
يالله حالا بالا بالا حيو ابو الفصاد حيكون عيد ميلاده الليلة اجمل الأعياد متحيو أبو الفصاد
وعيالي بالروضة يغنون لك
عيييييد ميلاد الليلة مييين عيد ميلاد النونه فرحاانين و مبسوطيين و نشيلوه في عيونااا


بعد الفاصل الغنائي

كل سنة و انت بخير و بصحة و سلامة ويخليك للغالين عليك و يخليك لهم إن شاء الله

كل ميلاد يمر يسجل معاه عبرة
وانت قدها و قدود
و شفيها الثلاثين
و ام كلثوم شتقول
يا تلاتة و تلاتين آنييييييييييستيناااا
لالا مو يا ليلة العيد اشفيك اهي غنت يا تلاتة و تلاتين تالي غنت يا ليلة العيد
و اخيرا اترك مع جملة الغالي لي الله يرحمه في كل عيد ميلاد مر واهو معاي
" هــــــــدد مـــو عـــــدد"
ان شاء الله

AnGlOpHiL said...

كل عـــــام و انت بخــير حبوب


كلماتك خنقت فيني العبرة !


الله يطول بعمرك و يخليك حق احبابك

:)

بنت الشاميه said...

يعطيك ربى طولت العمر والصحة
وكل عام وانت بخير وحب
ترى احلى سنين العمر تبداء بهالمرحله
فتمتع فيها على كثر ما تقدر انت وام العيال.....الله يخليك لهم ويخليهم لك

S-Q8 said...

happy birthday
o 3o2bal 1000000 sna
o inshallah betlagee amaneek o betkooon sena 7elwa 3alaik
btw.. ana sebagtek byomeen.. bas bil tareekh mo el 3omer;)

nadeyah said...

عساهم هدد مو عدد والعمر كله يا رب وان شاء الله سنه خير عليك

والله يخليلك اسرتك ويخليك لهم وتكون ذخر للعايله واللى خلف ما مات وان شاء الله بتكون قدها وقدود وتكمل مسيره الوالد الله يرحمه

وتدرى ان الجنه ندخلها وعمرنا 33 يعنى احلى عمر واحلى شباب

الله يحفظك ويحفظ لك اسرتك

nadeyah said...

وعيدك مبارك وزهب العيديه وخاصه خيم الفار زيده :)

ReLaaaX said...

الله يطول بعمرك يابراك بطاعته ،، ويقويك

Om Jaber said...

happy birthday oo 3oqbaal el 33 ba3ad el 100 ;)
oo allah la ya7remnah menek wala men kalamek :*********

mtfa2el said...

كل عام و انتي بخير يا الغالي براك
ان شا الله ما تلاقي الا الخير بكل عام يديد عليك
و انا شخصيا ناطر الكتاب اللي بيجمع كل بوستاتك بالموقع القديم و اليديد

Barrak said...

very.q8ya

فعلا حظي حلو
من غير لوول
ان شاء الله مو السنه اليايه اللي بتصير خوش ان شاء الله كل السنين خوش

اشكرك على دعائك الصادق
ماتبين رهشه

Barrak said...

سدرة العشـــاق

وانتي بخير وصحه وسلامه مع من نحبّين
مشكوره فيج الخير

Barrak said...

Eng_Q8

الله يسلمك ويخليك يالغالي اشكرك
وياحلو دعاؤك
بس تعال
شلون عمري ذهبي

عيل الماسي جم

Barrak said...

فتى الجبل

الله يسلمك ويخليك
انت القوس علبالك القوس زين

Barrak said...

nEo

ليس خوفا من الاربعين بل خوفا على الاربعين

الشباب شباب القلب ومن فات اديمه وتاه ويامطوطي راسك بالجليب
على قولتك ابد مافيهم فايده
على قولتهم
اهو كلام


تصدق

اخر كلمتين وايد عجبوني

اي ادري

خوش مطلع
الواحد اللي يسولف وياك ساعه يكتب ديوانين

Barrak said...

DanDash

هههههههههههههه


حلوه شششاااه شششاه شششااااه
ماادري ليش تخيلت بنات وصبيان بالروضه وصفّة بنات عناقيص واول وحده فيهم ثرمه


ههههههههه

ودي اشوف واحد من الربع جيكر يقول ششاااه ششاه شششاه
على طول ارنّه بالطفايه

ترى يركب علي ابو الفصاد
شششاه ششاه شششااااه

وانتي بخير وصحه وسلامه
ام كلثوم غنت للثلاثين
توني ادري
الله يرحمك ياست


ممكن سؤال

الله يرحمه ويغمد روحه الينه فسرلك معنى هدد مو عدد

Barrak said...

AnGlOpHiL

وانتي بخير وصحه وسلامه

بصراحه كلماتي كتبت ونشرت في ثوان
لم اراجعها
نشرتها من دون اي تصحيح
والمحصله ان كان هناك اخطاء بترتيب الكلمات

تداخلت الحروف
مع العبرات
والبسمات


اشكرك

Barrak said...

بنت الشامية

الله يسلمك ويخليك ويعطيك طولة العمر

ربي يورينا فلذات اكبادك معاريس


اشكرك

بعثرة مشاعر said...

ماشالله :)

الله يطول عمرك بالصالحات
السنين تركض
تحس جنه أمس يوم كملت العشرين
هذي الدنيا .. تركض فينا
الله يطول بعمرك

و ان شالله تكون السنه اليديده
كلها خير لك

كلماتك حزينه

Barrak said...

Ni3Na3aH

مشكوره وتسلمين
بس 10 الاف سنه مايبقى فيني الا ضرس يرقل وحواجب


وكل عام وانتي بخير وعقبال 90 سنه بس زين
مشكوره

Barrak said...

nadeyah

الله يطول بعمرك ويخليك لاحبابك
اشكرك
واشكرك على المعلومه بصراحه اول مره اسمعها

ربي يجعلنا وياكم من اهل الجنه
وخشيم الفار راح نزيده بس خل يرحمنا

Barrak said...

nadeyah

وعيدك مبارك

Barrak said...

ReLaaaX

الله يسلمك ويبارك فيك ويخليك

Barrak said...

Om Jaber

يسلمك ويخليك مشكوره على هالكلام والامنيات

Barrak said...

mtfa2el

انا شخصيا اقولك تسلم ياوفي
مشكور ياخوي وربي يسعدك ويعيشك دوم بتفاؤل
وبدأت فعليا بالعمل في الديوان وناطر المطبعه


وبنزله بوقت المعاشات عشان ماتكون لكم حجه

Barrak said...

بعثرة مشاعر

اي والله السنين تركض

ربي يطول بعمرك ويخليك

فعلا كلماتي حزينه
رغم اني حاولت جاهدا ان اتصنع الفرح

كنت وايد صادق بهالقصيده ان جاز التعبير

qesat_5ayal said...

لمست نبرة الحزن فيها

الله يعطيك طولة العمر
ويعمر أيامك بالطاعة


كل عام وأنت بخير
لك
و لأجل العيد

charisma said...

:)
كل عام وانت بالف خير
واحلى عمر هذا
بس بعد الثلاثين توقف الحسبه لا تعد عشان تعيش شباب دائم طيعنى وانا اوخيتك لا تحسب
ههههههههههه

الله يحفظك يا براك ويعطييك الصحه والعافيه

تستاهل كل خير
وعساك على القوه

وعيدك مبارك مقدما

aaaaaa said...

كل عام وانته بخير

وقلمك وورقتك بألف خير

esTeKaNa said...

فرحان؟
اي خلك فرحان
لك حق تفرح بهالزمان
الحمدلله منت اي انسان
لك بكل قلب مكان
.
...
ثلاثة وثلاثين ربيع
عمر العقل والاستقرار النفسي والنضوج
ثلاثه وثلاثين..عمر أهل الجنه جعلنا ربي وإياك منهم
ثلاثه وثلاثين...عمر تقف على حافته وتنظر للسابق
وتقول الحمدلله على كل تلك الذكريات الجميله
والانجارات الكبيرة
واجمل انجاز هو أسرتك الصغيره
خشيم الفار وأخيه
وأم العيال الغاليه

راحت شخاطة التعش
ووتخبط العشرينات
وانته حاليا بأحلى عمر
:))
الله يحفظك
ويشرح صدرك
ويسعدك دنيا وآخره
وكل العمر وانته يا اخونا الغالي داااائما بخير

Najmah said...

كل عام وانت بخير وصحة وسلامة :)
ويطول عمرك بالافراح والطاعات يارب

Nescafé said...

كل عام وانت بخير براك

من زمان ماسيرت على البلوقرز
قريت البوستات اللي طافتني واستمتعت فيهم .. اما بوست حجاب بو روب هههه شي عجيب
ومبروك على السايت.. بالتوفيج ان شالله

Anonymous said...

كل عام وانت بخير :-)

S-Q8 said...

LOL.. tgool mayebga feek ella thers wa7ed o 7wajeb? latez3al 100 sena kfaya?
3edek mbarak o kil 3am went bkheir

الوجد said...

كل عام وانت بألف خير



وعيدك مبارك

Mamloo7a Q8ia said...

كل العمر لك ياوخيي يا براك
كل سنه وانت طيب
وعيدك مبارك وعساك من العايدين الفايزين

Kuw_Son said...

العمر كله يا البرك :)

عيدك مبارك

و أنا لاحقك ن شاء الله .. كلها جمن يوم و أصير 27
:P

Яeema said...

i am 33

عادي ماكو إلا العافيه

هههههههه



عيدكم مبارك و تقبل الله طاعتكم

Purplecious said...


أول شي

HAPPY BIRTHDAAAAAAAAY BARRAK

:)

عيـــدك مبارك
و كل عام و أنت بخير

Barrak said...

qesat_5ayal

اليوم فيني حالة شعريه لاتوصف
فقررت استمرار هذه الحالة والرد عليكم بصورة شعريه


يالخيال وقصته
هني قلبي بفرحته
وبهالسنين
هني ال33
وارتجيلي الوقت
يرحمنا برحمته
يالخيال وقصته

Barrak said...

charisma

بعد الثلاثين
توقف الحسبه
شبقى عشان نكسبه
وسبقى نخسره
بعد الثلاثين
تنتهي مسألة العد
مايهم من راح ورد
ومايهم هالعمر
لو ظلينا نحسبه
بعد الثلاثين
توقف الحسبه

Barrak said...

انور عبدالله

انور
انت دوى القلب
لو اشتقى
وتعوّر
انور

انت بذرة الطيبه
انت الاحساس كله
تصوَّرُ
ياانور

Barrak said...

esTeKaNa

يااستكانه
ياللي بالعذوبة
رويانه
يااستكانه

العمر يمضي ويمر
المهم شكثر نعتبر
نشوف شي يفرّح
ويسر
ويهتني الواحد بزمانه
يااستكانه
ياللي بالعذوبة
رويانه

Barrak said...

Najmah

نجمه
بتعليقها منيه
وبسمه
نجمه

Barrak said...

Nescafé

نسكافيه
شهالغيبه
اه وييه
نسكافيه

من زمان خبرنا فيك
كانت البوستات تناديك
كل ماسألنا عنك قالوا
ولّيه

نسكافيه

Barrak said...

شيخه


وانتي بخير وصحه
كلامك شملحه
نثر بصفحتي نسمه
ياللي من السما اسمى
كلامك جدد الفرحه
وانتي بخير وصحه

Barrak said...

Ni3Na3aH

انا قلت حواجب
وضرس يرقل
بعد هالسنين
بكون متغربل
الزمن ماله صاحب
انا قلت حواجب
إمية سنه يمدي
ازور المحيط الهندي
والبس عقال وردي
والصاحب ساحب
انا قلت حواجب

Barrak said...

الوجد

ياوجد
كلامك زارني
والدنيا حولي برد
ياوجد
كل عام وانتي بخير
وحوالينك ورد
ياوجد

Barrak said...

Mamloo7a Q8ia

ياملح الكويت
مشكوره
يارويحة اليّنه
مشكوره

Barrak said...

Kuw_Son

بتصير 27
وبتزيد السنين
ويبقى العمر فيك يتزيّن
وتبقى من الزين ازين
انسان دينه بدمه
كريمه بلسانه الكلمه
انسان
فنان ورزين
بتصير 27

Barrak said...

Яeema

اكيد
ماكو الا العافيه
ماراح نكون مقاريد
اكيد
عادية السالفه
قولي الصج
ترى باجر عيد
أكيد

Barrak said...

Purplecious
واق واق
هابي بيرثدي براك
شبتسوي
نبي هديه
ساعه لو قلم
لو دلاق
شبتسوي
هبي بيرثدي براك
واق واق

Selezya said...

عسا العمر كله
مادري حسيت بكلماتك كلمة حزن
بس عموما كل عام وانت بخير وعسا ما للحزن مكان ابد

وعيدك مبارك

bydvsj said...
This comment has been removed by the author.
bydvsj said...

عيدكم مبارك

و كل عام وانت ابخير وانشاء الله اتكون هالسنه سنه خير وسعاده

سنك سن الحكمه والشباب وعمر اهل الجنه

لاحقينك بالطريج ما بقالى شى على 27


تسال روحك ليمتى حياتك دفتر وقلم

القلم والدفتر اهمه ربعك الى تقدر تفتح لهم قلبك وتتكلم عن احساسك ومشاعرك

اشعارك نعمه وهبها ربك لاتفكر تتخلى عنها


والذكرى اهيه جزء منا واهيا الى تصقل شخصيه الانسان لا يمكن تتخلى عنك اهم شى الاستفاده منها

وحنان االاب اوالام لا يمكن ان يعوض

charisma said...

عيدك مبارك
ومن عواده يالغالى
والله لا يحرمنا منك

7osen said...

كل عام وانت بألف الف خير

العمر كله إن شاءالله

واسف على التأخير

**

وعيدك مبارك إن شاءالله
من العايدين والفايزين يالغالي

J Daily said...

كل عام وانت بخير

ونشوف يمها صفر وتصير 330 ((:

DanDash said...

اييييد مباااارك بابا

هااا بشر عسى خشيم الفار راضي عن العيدية هل المرة



" معنى" هدد مو عدد
الله يسلمك تعنى عسى عمرك ماينقاس بالسنوات
يعني يتمنى لك عمر طويل مديد ان شاء الله لا يعد ولايحصى
"ألفت الفصحى من عندني"

بس لحظة
لحظة
شنو هذا ماقبول
الحييين صوتي راح و انا اقول شششاه و حيو ابو الفاصاد و عيالي بس يناقزون و يغنون عيد ميلاد الليلة مييين
و لا حصلت ربع بيت شعر

ليه كده :(

بـوبـحــر said...

كسر ياخوك كسر ..مابعد ما كلنا مكسرين ..شنو فرق الزمن والقب بعده نضر ..كسر يا خوك كسر ...شنو فرق السنين واحنا بنفس الحكم ....

قراقوش يحكم العالم ..حسبنا السنين من بعد هزيمه ..وقضيتنا نسيناها وفكر في الاخضر والاحمر ..كسر ياخوك كسر

خلنا في الفرح ترى عمر اهل الجنه 33

كسر ياخوك كسر

وشلي ضيق خلقك ...

تراك حلو ومزيون ..لو تبي تتزوج الف من تبيك من باجر

كسر ياخوك كسر ..

احبك واموت فيك لو كان عمرك مليون

78o8eYa said...

عساهم هدد
مو عدد

كل عام وانت بألف خير

عيدك مبارك يا بوعبدالله
وعساك دوم من عواده
^_^

الزين said...

يااااااااااه سنيور براك

33 سنه

شي

بس والله حلو العمر

رقمين متشابهين

العمر كله يارب

وعيدك مبارك يالشيخ

بنت الشاميه said...

عيدك مبارك وتقبل الله طاعتك

فراوله said...

مساالورد والجوري
مساالأعوام الجديده
والسعيده
باذن رب السموات
مبدعنا الراقي
دائما ما نخاف عندما نقترب من سنه جديده لأعمارنا
ولكن
الأجمل ان نكون سعيدين بكل الانجازات
الجميله والصادقه
التي مرت بالعام المنصرم
والأهم هو
أننا أكتسبنا
أخ رائعا
:)
وشاعرا راقيا
:)
وأبا حنونا لأطفاله
:)
ومحبا لعائلته
:)
وهذه هي الثروه الجميله
بالنهايه
أعذر اطالتي
ولكني
أود ان اقول
انت الخير لكل سنه
وانت المبدع لكل سنه
وانت الراقي لكل سنه
عيدك مبارك
والعمر المديد
باذن واحد أحد
:)
دمت بدفء وعذوبه
ابدا
:)

الحارث بن همّام said...

أعمار أهل الجنة 33 ..

أحلى أعمار العمر :)

اثبت على هالعمر ولا تزيد

كل عام وانت بخير

Barrak said...

Selezya

حزن
منه القلب يون
حزن
الامه بسواد الجفن
حزن
لو اتوه عنه سنين
من غيري على باله
يعن
حزن

Barrak said...

Noor

يانور
كيف اوصف هالشعور
واحساس شاعر حروفه لمته
وانفاس ضاقت من غيبته
من غاب وانا مكسور
يانور

Barrak said...

charisma
هذي ثاني مره
تعايديني
هذي ثاني مره
تهديني
حروف كثرت تهانيها
حروف تزينّي معانيها
مرتين تخجليني
هذي ثاني مره
تعايديني

Barrak said...

7osen

ماتأخرت
مامداني بحروفك تعطرت
بمعنى الكلمه انت انسان
سابقني بالخير وفنان
مااقدر اوفيك حقك
مهما كتبت وقلت
وعبّرت
ماتأخّرت

Barrak said...

يعقووبوو

لاتحط صفر
ترى انقهر
ابي اعيش والسلام
اشكثر ماهمني
ابي اناغي الاحلام
واماني عيوني تطيرني
ابي اظل واقف
ماأنكسر
لاتحط صفر

Barrak said...

DanDash

اولا
ذكرت مسبقا ان حالة شعريه غريبه اتتني وحبيت ان اغير اجواء التعليقات وانفرد بمناسبة العيدين بالرد بطريقه تلائم اجواء الحزن والفرح
ولحسن حظك وحظي
لازالت الحالة الشعريه الغريبه باقيه الى الان

ليه كده
وانتي متأكده
كلامك مايكفيه شعر
لو بكتبلك شكثر
ماوفي كلامك
حروفك بعذوبة الندى
ليه كده
وانتي متأكده

Barrak said...

بـوبـحــر

قراقوش يحكم العالم
شالمشكله
خلك انسان حالم
قدامه امل بيوصله
حبيبي انت
ابيك مره مع هالوقت
تتوالم

Barrak said...

78o8eYa

هدد موعدد
ناخذ من الدنيا
ونقول بعد
هدد مو عدد

Barrak said...

ZoZOta

انا ماني سنيور
انا انسان
واقف بالدور
ينطر فرج لما فيه
انسان زادت بلاويه
وتعقدت عنده الامور
انا ماني سنيور

Barrak said...

بنت الشامية

ايامك سعيده
وايامك مديده
اشكرك ياسيدتي الوفيه
اشكرك يابنت الشاميه
واتمنى تجوز لك
هالقصيده
ايامك سعيده

Barrak said...

فراوله

فراوله
من غيرك يهدي الكلام
ويطاوله
عذوبه وذوق
دوم كلامك بأوله سلام
ينثر امل ويفرض احترام

Shaima'a Alkandari said...

براك صاحب الانامل الذهبيه والحرف اللامع

كل عام وانت بخير وان شاءالله تقضي اعوامك المقبله بشيئ تراه مناسب لك ويرضيك اكثر مما فات

انظر للامام فالمستبل امامك

ولاتنظر ابدا للخلف




ايها الرائع

اسمحلى بان اهنئك واقول

كل سنه وانت طيب

وكذلك

عيدك مبارك

ezain_kilah said...

happy bitZday 2 u
happy birZday 2 u

لك طولة العمر والصحة والعافية

حلوة وقفتك مع نفسك... صح لسانك

كل عام وانت بخير على عيد ميلادك والعيد الكبير يا بيه

DiLLi O MiLLi said...

كــــل عـــــام وأنت بخيـــــر
وعقبـــــال ؟؟؟؟؟؟ (أنت أملئ الفراغ)ء

:)

وعيـــدك مبــارك
تعوده كل سنة وأنت بألف صحة وسلامة

امبراطـــورة اشعاري said...

صباح الخير اخووووي برااااك..

كل عام وانت بخير وعقبال العمر كله انشالله,,

وعيدك مباااارك..

ودي اغنيلك يقولون صوتي حلووو مادري يقصوون علي ولا صج :))

بس يالله على ابو اني غنيت وانت سمعتني وقاموا يصفقووون لي الجمهووور ^_^

وتقبل مروري صارلي فتره مو داشه لظروف الوالد الصحيه..

ودمت بود يالغالي :)

Eng_Q8 said...

الماسي 99 :)

وعيدك مبارك

乂♥Not.ViRGo♥乂 said...

يا طير طاير بالسما
ميل على براك و قول له
كل عام و أنت بألف خير و هنا
و ربي يزيد عمره كل سنة سنة

:)

magnoonah said...

ثلاثة وثلاثون

@@
يعني 33

خخخ خخخخ

وتلومني لي قلت يالشيبه

عفوا قصدي شيوب
:))

العمر كله وينعاد عليك وانت بصحه عافيه يارب انت وكل من تحب

وعيدك مبارك وكل عام وانت بخير
ولو انها متاخره
:)

Barrak said...

Shaima'a Alkandari

ايتها الانسانه الراقيه

عيدك مبارك ومشكوره
سأنظر للأمام ولن انظر للخلف

Barrak said...

الحارث بن همّام

اهلا فيك اخوي
ومشكور
وعساك من العايدين الفايزين

سأعمل على ان اتمسك بال33
بس مو بكيفي

Barrak said...

ezain_kilah

يسلمك ربي ويطول بعمرك عيدك مبارك
ومشكوره

Barrak said...

DiLLi O MiLLi
مشكوره وتسلمين وعيدك مبارك
سأملئ الفراغ

50 زينه

Barrak said...

امبراطـــورة اشعاري

صباح الورد
مشكوره وعيدك مبارك

وصوتك حلو بس يبيله تدريب


وربي يحفظ لك الوالد ويخليه اللهم امين

غيابك كان طويل بس طلتك جميله مثل صوتك

اشكرك

Barrak said...

Eng_Q8

ايامك سعيده
خلنا على الذهبي احسن

Barrak said...

乂♥Not.ViRGo♥乂

ياطير ياطاير بالسما
اشكرلي هالورده المتبسمه

عيدك مبارك

Barrak said...

magnoonah

مشكوره وعيدك مبارك

للحين ماشيبنا لان الشيبات تنعد عالاصابع

اشكرك

Anonymous said...

ماشالله كل الغالين على قلبي

اعياد ميلادهم بهالشهر

اخوي عامر

9.12

ولدي عبدالله

20.12

اخوي عبد المطلب وبنتي لين

25.12

..


واخوي برّاك العود

17.12

:)

كل عام وانتو بألف خير يا رب

والله لا يحرمني من قربكم

..

شكلي بسوي اعادة جدوله حق القرض

يالله الحق اييبلكم هدايا

:)

على نفسها جنت براقش said...

كل عام و انت بخير

و 33 يعتبر جيل
:)

عسى تشوف احفاد احفادك و انت بصحه و سلامه

Barrak said...

مناف نذر

ولاتنسى بعد بهالشهر العيد الوطني للامارات والبحرين

ربي مايحرمك منا كلنا

لاتسوي اعادة جدولة جم مره بتسوي هالجدوله بس
انا راضي بقلم

ماادري عن لين

Barrak said...

على نفسها جنت براقش

يسلمك ويخليك يارب

وعيدك مبارك

مشكوره

BaNgBaNg2 said...

1:HAppy birthday o el3umr klah o allah ya5alek leahalk
2: 3edek mubark mua5aran
*wasan*

Barrak said...

وسن

1- مشكوره ياوسن
2- ايامك سعيده وربي يسلمك ويخليك

`~MnO YeNSa! ~` said...

كل عام وانت بخير وصحة وسلامة
ويطول عمرك انشالله .. بس 33 ماشالله اسلوبك و كلماتك فيها وقــــــار و جنك لك تجارب بالحياة بعمر اكبر من سنك .. مشالله لا اله الا الله ترى انا ما احسد :) .. بس ابشرك يقولون انا بالجنة الله يجمعنا وياك و كل اللى بالبوست و اللي تحبة تغليه ان عمرك تكون 33
نفس شكلك !!!

العمر كله انشالله و انشالله كل اللي تتمناه و فيه صالح لك ريى يكتبه يحققه .. بس ما قتلنا شنو امنيتك !!
للسنة اليديدة من عمرك و
2008

ولا secret ? :P

Barrak said...

منو ينسى

وانتي بخير وصحه وسلامه

في اول الصفحه على اليمين تجدين هذه الجمله
شاب في منتصف الثلاثينات اللي شافه يعادل 100 سنه

امنيتي للسنه اليديده
ان ديواني يحقق المراكز الاولى بالتوزيع لمده اسبوعان
ويدعوني لبرنامج تو الليل وأرفض