Saturday, September 1, 2007

محّد




غرّد

صوتك بمسامعي غرّد

والكون حولي

إخضر ووّرّد

غرّد

وتلوّنت الدنيا بلونك

ماشفت فيها غير البياض

نسيت اللون الأسود

غرّد

كل ماتخلص كلامك عيده

بكل حرف تنكتب قصيده

موزونه بحلاة حسّك


مااشوف الا انت

وغيرك محّد

غرّد

من أحس بهمسه أهيم

حلو صوتك والله العظيم

صداه يترنم باليوف

ترى مايحتاي أشوف

 صوتك

يناجي الود ويتودد

غرّد

19 comments:

magnoonah said...

مو بس شايب لا اكثر واحد مسمسم منهم
:)


كلامك روعه الي يحب ما يشوف الا كل شي حلو بحبيبه

حتى لو مو حلو بعيون الناس على قلبه مثل العسل

الله يابو عبدالله لا يحرمك هالروح الرياضيه وجذي نبيك على طول
:)
مبتسم

تسلم ايدك على الكلام الحلو

تدري احس كانك تدلع احد لما تقول هالكلام

انا متاكد انه في احد يستاهله

تحياتي

فراوله said...

مساالتغريد الذي يتناغم مع احساس
راقي من انسان
مبدع
مبدعنا الغالي
دائما عذوبتك تصل الي اقصي مدي بالضمير
تخليه ينتشي...يتامل ..يشعر بارقي واعذب مشاعر بالدنيا
:)
واللي صارلك يالغالي تري ضيق خلوقنا كلنا
والله شي ماهين
بس الحمدلله علي كل حال
دمت كما انت دائما وابدا
عذبا ومبدعا
:)

Om Jaber said...

barrak.. bas khala9
galby ma 3ad yet7ammal
esma7ly bas ba6arreshlah elqa9eedah lazem yegrahaa.. lazem eta3allam

Barrak said...

magnoonah


اشكرك سيدتي

مابيدي غير انه الروح تكون رياضيه
مابيدي شي
اللي راح راح
يمكن باجر أحلى بوايد

تسلم ايدج انتي على هالكلام الحلو

Barrak said...

فراوله

مساء الانوار سيدتي الفاضله
سيدتي الراقيه
دائما كلامك يشجعني
كلماتك صادقه تشبهك
اشكرك

Barrak said...

Om Jaber


ولازم انتي اتعلمين
اني دايما ادعيلكم بالخير



الله يعينكم

enter-q8 said...

البرك مار اسلم
طال عمرك عندي حارس بالقسيمة
بخليه يهد القسيمة و يحرس مدونات الربع صاير بوق مو حلالي
البلد سايبه و الانترنت سايب
الله يعين و ان شاء الله نشوفك بمدونتك السابقة يالغالي

Barrak said...

Enter-Q8

هلا وغلا هلا فيك
هلا باللي غاب ومكانه ماغاب
هلا باخوي العزيز

الشمس من وين طالعه اليوم
خل حارس القسيمة يسويله شي ينفع
لان البوقات صايره على ودنه

ربك كريم
وايد فرحت بهالوجود
ومكانك خالي يالعود

Om Jaber said...

allah yesma3 mennek ya khooy :)

Barrak said...

Om Jaber

زين ماقلتي كوكي

2 u ALL said...

غرد يابراك غرد ..!!؟

وفي قلبي حرفك برد ..!!؟

ومن حزن فيني ترى جرد ..!!؟

وفي بحر خيالي محى وشرد ..!!؟

أفكاري كلها وتردد ..!!؟

غرد ياصاحبي غرد ..!!؟

esTeKaNa said...

الحمدلله على البلاغ
قرت عيونا فيك عقب البوقه من غير شر
يحفظك رب العالمين ويحفظ بلوقك وكل من يحبك
:)
وغرررد يا براك غرررد

vancouver said...

تغريييييدك ساحر وعذب
براك

:)

vancouver said...

اي.. والحرامية اللي باقوا البلوغ القديم خل يشبعون فيه



غرد ...غرد وحرهم
عساهم الحرة اللي تذبل جبودهم
ههههههه

Om Jaber said...

laa ba3ad elly 9ar belshabab oo bogat elblog gemt akhaf tenfehom koki shay thany ;p

Barrak said...

2 u ALL

بغرد بغرد

وبغير وبجدد
وبابقى على ماأنا
كل شي فيني معنّد

تسلم ياخوي

كلامك يسرسح عالجبد
مثل البرّد

Barrak said...

esTeKaNa

اشكرك سيدتي
وصدقيني وجودكم وتشجيعكم يهون الجايد

تسلمين
وكل شي مو بيرد الا رد
والحمد لله على كل حال
ماانسى كلامك الطيب اللي تشرفت فيه بعد البوقه

تسلمين ياسيدة الذوق

Barrak said...

vancouver

تسلمين ومشكوره

مااعتقد راح يحترون لانهم مايحسون
وخلاص امس راح باجر راح يكون احلى

اشكرك سيدتي

على فكره وايد عجبني اللقب اللي اطلقتيه

غروب السعيد

Barrak said...

Om Jaber

هههههههههههههههه