Thursday, September 27, 2007

يوميّات صائم

في مساء الاربعاء الموفق 26/09/2007 المت بابني عبدالله وعكه صحيه بسبب نزلة برد حاده اخذته الى المستشفى الاميري لكي يتنعّم بالعلاج المجاني ،وبعد فحص دقيق من الدكتور اخبرني انه يحتاج الى وضعه تحت الملاحظه لمدة 6ساعات، يالهوي اللحين الساعه 1 مساء ومعناته اني بتسحّر وراح أمسك بالمستشفى ،المهم أمري لله ،فجأة مرّت علي عاملة النظافه واعتقد اسمها حسينه لاني كنت الوحيد الموجود في المستشفى لهذه المده في غرفة الطوارئ ودار بيني وبينها هذا الحوار على قولة اخواننا السوريين كانت تبي تسوي طق حنك عشان يضيع الوقت
حسينه : بابا هذا منو انت اخو ؟
براك : لا هذا انا ولد باششاه
حسينه :وين ما ما مال هوه
براك : ماما في البيت مع تاني باششّا
حسينه :وليش ماما مايجي يقعد عند هوه ولد
براك :مايخالف اهي يقعد مع تاني باششّاه
حسينه : بس هذا كلام موجين لازم ماما يقعد وياه
براك : مايخالف ياحسينه انا شويه وهي شويه
حسينه : لامايصير ماما موجين هزا حرام
براك : انتي شكو هي يقعد والا لا روحي شوفي شغل مال انتي
حسينه : انا يقول حق انتي عشان انتي لازم فيه فهم
براك : انتي روحي شوفي شغل مال انتي وخليني انا مابي فهم
حسينه : بس بابا
براك : مقاطعا انتي يشوف هذا عقال فوق راس مال انا هذا راح يسوي نفس بيجر هزاز على ظهر مال انتي
حسينه : والله مشكله انت بابا
بعد ما هوّتنا حسينه مرت علي عدة اتصالات ولحظات تفكير ترجمتها بطريقتي كالتالي
أولا
جائني اتصال من واحد من الربع جالس بإحدى الدول الاوربيه قالي : وينك قلتله : انا بالمستشفى مع ولدي ضحك وقال : يعني ابو صالح عاش بوصالح انا بس داق احرّك واقولك اني قاعد بالبلكونه والهوا يهفهف علي بس بحرّك فكتبت
ناس قاعدين بوسط بلكونه
وناس مرابطين بالأميري
ناس يغنّون عاداله العونه
وناس يغنّون علم سيري
ثانيا
اتصال آخر من عمي عرض علي مساعدته في ادارة مصنع بلاستيك فكتبت
ياعمّي ماعندي خبرة بالبلاستك
أنا يالله ولبي أشوف أشغالي
شوف بغيري ياعمّي حاجتك
صدّقني البوق بيصير حلاّلي
أنت مشكلتك ماكمّلت دراستك
طيب ياعمّي قولي وأنا مالي
ثالثا
من كثر التعب والزهقه من القعده والجو العام كان كئيب اشتهيت ألعب لبّيده أي بالمصري استغمايه وبالانجليزي نو واتشينج يو فكتبت
مشتهي ألعب لبّيده
أو عمبر أوصيده مصيده
وأعد من الواحد لي العشره
وأصيدهم وأموتهم حسره
حمّود وصلّوح ووضحه وتفيده
مشتهي ألعب لبّيده
ودّي ألبد ومايصيدوني
يقعدون سنين يدوروني
ويسوون إعلان بالجريده
مشتهي ألعب لبّيده
ماعشت طفولتي
ابي أنفلع وأنكوي بأوتي
وأصيد قطوه بميده
مشتهي ألعب لبيده
اخيرا
بعثولي مسج قبل الامساك بدقيقه
بعد حملة الترشيد تم تغيير شعار حملات ترشيد الاستهلاك برمضان
من الحل بالترشيد
إلى الحل بالتشريب
والسلام عليكم ورحمة الله وبركاته

39 comments:

(روح) said...

ما يشوووف شر عبدالله :(



ربي يرفع عنه
ويشفيه


:(


الجو لعب بالاطفال :(

(روح) said...

بيجر هزاز على ظهر مال انتي
:::

عدون سنين يدوروني
ويسوون إعلان بالجريده

ومالوووو؟



ماعشت طفولتي
ابي أنفلع
وأنكوي بأوتي

الكلمات تزداد عنفا وبسالة !!

جرى ايه ياعم؟؟

نعذرك
الجو العام
يسوي كذا واكثر :(

ماتشوفون شر ياربي
;p

Barrak said...

روح

الشر مايجيك مشكورة

الجو لعب بالعموم صغير وكبير

بيجر هزاز
احتراما لمشاعر ها الرقيقه

يقعدون سنين يدوروني
هذي اختصار لنكتة ان فيه جماعه لعبوا لبيده من سنة 1974 الى الان مالقوهم

ماعشت طفولتي
فعلا ماعشتها عمري 10 سنين وافكر بامور اكبر مني


حلوه كلمة كذا واكثر
اشكرك سيدتي صاحبة التعليق الاول

(روح) said...

عمرك 10 سنين !!!!!

هذا الحين
ولا وقت كتابة القصيدة؟؟؟


:)


الصيام له تأثير مباشر
;PpP

Kuw_Son said...

خطاكم السو :) و الحمدلله على سلامة يوووور باتشا
:P

و سلم لي على ملسونة .. قصدي حسينة
:P

هذا صاحبك والله مزاج !
رمضان و قاعد في أوربا !!؟

الله على اللبيدة !!
بلعب تكفة
:P

أنا أشهد انم الحل في التشريب !!

78o8eYa said...

ألف سلامه على عبادي
ما عليه إلا العافيه إن شاء الله

ديرو بالكم على عيالكم وعماركم
الجو بادي يتغير
ماغير نلهم بهالحبوب ، صرنا صيدلية متنقلة

الله يعين :/


هالسستر .. صج ملقوفه
الصراحه بدعت فيك
وتالي بدعت فيها
:))


لا يحرونك أهل أوروبا، الله يآجرك إن شاء الله
ويطرح بعيالك البركه ، يقومون فيك مثل ما انت قايم فيهم

قول آمين
:)

بشرنا ، إن شاءالله اليوم أشوا
؟

`~MnO YeNSa! ~` said...

اولا ما يشوف شر انشالله اجر وعافية .. والصراحة كلمــــانت معبرة حدي حدي اشتهيت العب عنبر شخباري!! ها شنو تسحرت ؟؟

Barrak said...

روح


لا اللحين انا 13 سنه ويومين
ووقت كتابة القصيده كنت بين ال19 وال20

هذا الصيام بس التأثير الاكبر اهو اضحمحلال النوكيتين بالدم يجعل الانسان يشوف الواحد 5


الحمدلله والشكر

Barrak said...

Kuw_Son

خطاك اللاش
ههههههههه عاش بو باششا
صج اهي تنكتب باتشا والا باجاه
اي والله ملسونه لا وويها صغير ومتحجبه وقاضبه المخمه ومرتخيه على الطوفه وتسولف وايد خذت علي طيّحت الميانه بسرعه
اللي يشوفنا يقول هذول نسايب
ديروا بالكم من حسينه

هذا صاحبي توني لما كنت بباريس دقيت عليه وسويت فيه نفس الحركه اهو كان قاعد عنده خفاره دقيت عليه وقلتله منو قبالك قالي دريشه تطل على معسكر كله رمل قلتله عاش بورمل انا قبالي بحيرة وبداخل البحيره في وز وبط
ربك مايطق بعصا

اللبيده
بذمتك اللبيده مو وناسه
ترى انا اعشقها وخصوصا ايام الشتاء ايباه وبالشاليه وتنخش عند الجينكو
ياسلام والا صوب التانكي واخرته طايحين عليك اهل الشاليه ومكفخينك وقايلين لاهلك اللي يكملون عليك

ترى التشريب المفروض يوضعونه من ضمن شعار الدوله ويا المعبوج

Barrak said...

78o8eYa

الله يسلمك ويخليك
بصراحه البنيه الجسميه للاطفال وللجيل الجديد كلمالها وتصير الاسوء
اقل مرض يقطهم هذي توالي الهمبورغر والماش بيتيتوه
شدعوه انا مواليد سنة الطفحه

حقوقيه ياحقوقيه لاتزعليني منج
اهي مو سستر لو سستر بعطيها ويه لانها مجابله ولدي
اهي عاملة النظافه هذا اللي يقهر يعني قاضبه عربانه وتمسح وتنظف خلت كل المستشفى وجابلتني انا مابقى الا تنادي ربعها ونطيحله سوالف


بالنسبة لأهل أوربا اهم حروني لاني كنت حارهم
والله يتقبل صيامنا اللهم امين

والحمدلله عبدالله قاعد يتحسن بس الفيروس انتقل إلى فرقة الاخوه محمد ومحسن
اشكرك اختي حقوقيه

Barrak said...

`~MnO YeNSa! ~`

الشر مايجيك

ترى لعبة العمبر شي ثاني ياحلوها من لعبه
وياحلو صوت الكره اذا البست بظهر واحد ايبــــــــــاه
وياحلو غبرة الركضه عشان ماتحوشك الكره ليش مايسوون اتحاد للألعاب الشعبيه والله عندنا العاب ياحلوها اندثرت وراحت

بالنسبة للسحور
هذا فيلم ثاني رحت البقاله اللي صوب الاميري وطلبت سفن اب وفطيره جبن ولساني وصل لي جتوفي ثاني يوم من العطش

Mohammad Al-Yousifi said...

الف لا باس عليك انت و الباششاه مالتك


و حسينة معاكم

اكيد المسج من بو مريوم

Barrak said...

kila ma6goog

الله يخليك ويسلمك
والله يحمينا انا وبالتشا مالي
حسينه مالي شغل فيها

والمسج مش من بو مريوم
لاني ماأعرفه

بـوبـحــر said...

ههههههههههههه

هواجس يا هواجس يا براك هواجس ....مو قتلك خلنا انصير مساطيل

وبلا هالتحلطم عيل لو رايح مستشفى الفروانية واتشوف الوضع الي اهناك انا اتمنى اني اعاقب الوزير ويا الوكيل وحتى المدير انه مايتعالجون الى من مستشفى الفروانية ...

شي يضيق الخلق ...شي يخلي الواحد يفتشل يقول انه كويتي

تحمد الله انك في الاميري ...وخلها على الله

Barrak said...

بوبحر

تصدق من الافضل اني ابتعد عن السياسه
واشرح الموقف بالاشياء الطريفه بس

بالنسبة لمستشفى الفروانيه انا اتعالج فيه طوال حياة العزوبيه وبصراحه لو انا بامشي على القانون المفروض اني اعالج بمستشفى العدان ولكن مره رحت هناك وحسيت اني من كوكب المريخ وهم من كوكب الارض
بدون اي توضيح اكثر
ومشان هيك حولت على الاميري لانه هناك انا اكون من كوكب الارض

ودمت سالما غانما

Najmah said...

سلامااات سلاماات مايشوف شر
واجر عافية ياارب


بطت جبدي حسينة !! شكووو
والله دنياا

lawyer said...

اجر و عافيه على عبدالله

و الله يطمنك عليه انشاء الله
وبعديييين ليش يحرووونك لا يحرونك و لا شي

الحمدلله يوم ولدك تعب انت في الكويت مو وياهم في البلكونه

لانه بضيق خلقك
و هذا واجبك كأب

و يعطييييييييييييك الف عافيه

Barrak said...

Najmah

الشر مايجيك مشكوره
حسينه قاعده ضايق خلقها مسكينه
وشافتني رديت عليها قالت بس اطقها سوالف عشان يضيع الوقت

اه ياحسينه

Barrak said...

lawyer

يعافيك ويخليك

كلامك صح
بس هم البلكونه هالايام تونّس


ههههههههه

اشكرك على النصيحه
والله يقدرنا على تربيتهم

magnoonah said...

سلامات ما يشوف شر العبد
وخطاكم السوء


يالله هذا واجب الابوه
ويعطيك الف عافيه عسى ربي لا يحرمهم ولا يحرمك منهم


وترى ما اصدق الشيبه براك يترف انه كبير ويحن للطفوله ؟؟

وين الي كان يقول ان الانسان فعلا طفل بقلبه
:)

توك صغير اذا تبي نقترح على شبابنا الي يدونون ونسويلكم يوم تلعبون فيه العاب الطفوله وتنسون مسؤوليات
الدنيا
اشرايك؟

:)

Unknown said...

أسأل الله العظيم رب لعرش العظيم ان يشفيه
لا مايشوف شر انشالله واجر وعافية
ولاتحاتي كل اليهال الحين عرضه للمرض هالايام
الجو كلش مو زين مثل حسينه مال انت
:P
والله حسينه ضحكتني
يحليلها لايكون امخططه عليك
لوول

المهم طمني على عبيد انشالله احسن الحين

esTeKaNa said...

سلامات يا عبداله سلامات
غدا الشر من بعد السخونه
:)
اسم الله عليه الرحمن الرحيم
أجر وعافيه يا العبد ما تشوف شر

وياجرك الرحمن يا الطيب يا الحبيّب الحنون اللي مجابل وليدك بالاميري
واي حسينووو حرتني تصدق
!!
والمشهد ذكرني بشي
ليله راس السنه كنت بالاميري
وكل شفت يقول فيني شي
اخر شي غمضت ونمت قعدت على الفير لقيت امي وابوي متربعين على الفراش جبالي واحاطين جباتي وجاي حليب
شكلهم ضحكني
:))
ويمكن الدور الوايده
وترتيب المستشفى المبهر
ياب طاري اللبيده في بالك
بس تخيل احساس عبودي لو يفتح عيونه يلقى ابيه يلعب
:))

Q8DOLL said...

وي عليه عليه
مايشوف شر الحلو
وهذي حسبي الله عليها حسينووووه الظاهر تبي تخرب على مرتك جووود تاخذها عشان تجابل ولدك
لوووووووووول
سوري البوست المفروض يضيق الخلق على ولدك
بس مشالله عليك قلبت التراجيديا كوميديا
سلامات مره ثانيه

The Voice Within said...

سلامانهما يشوف شر انشالله وخطاكم السو


كله بكوووم و حسنية بكووم !!

ويحااا قلبي !


يا شينهم لا قطو ويوهم @@ !

بس عجبني لعقال اللي بصير بيجر :P


احلى دوا

Barrak said...

magnoonah

الشر مايجيك اختي العزيزه

كل انسان فيه طفل صغير
وابي اتمتع بطفولتي ثواني

بصراحه طلعتي فيها
اقتراحج انا موافق عليه ومستعد اجمّع الشياب اللي اعرفهم

خوش فكره

Barrak said...

nena

اي والله الجو صاير مثل حسينه

اشكرك على هذا الدعاء اللي يهون ماشفته

ربي يسمع منك ويحفظك
اللخين انا ماتخطط علي الا حسينه
عاد ممكن اني اقبل بس بشرط تغير اسمها
وعلى فكره ترى حسنه تشبه محمود ياسين بس لابس حجاب
عاد انتي كيفج

الحمدلله العبد بخير ربي لك الحمد

Barrak said...

esTeKaNa

الله يسلمك ويخليك يارب
حسينوه ترى زامها ليل يعني اللي مشتهي يكوفنها يدل الدرب

حلوه هذي كل شفت يقول شي
بس هم احسن من العدان

بالنسبه للبيده والله وايد عاجبتني هاللعبه
ليش مانلعبها على كبر ؟

Barrak said...

Q8DOLL
الشر مايجيك
بس ترى خشيم الفار احلى من العبد

انتي لو شايفه حسينوه الحمدلله والشكر
اذا ينيت ممكن املج عليها

الله يسلمج مره ثانيه
بس ماسمعت رايج بالتشريب

Barrak said...

The Voice Within

خطاج السوء
حسينوه وماادراك ماحسينوهعليهم قطة ويه ماحصلتش

كان العقال بيغرد على ضلوعها

MANAF said...

هلا بالصديق

ما تشوفون شر يالغالين انت وعيالك

الله لو تدري ام عبدالله بهالحوار

جان ماكو حسينه اليوم

:)

Barrak said...

MANAF

هلا فيك اخوي الغالي

مشكور وتسلم

اول من درى بهالحوار هي ام عبدالله

Aldenya said...

بيجر هزاز هههههههههههههههههه
انت عجيب يا بوعبدالله
ومايشوف شر عبود
وإن شاءالله الحين أحسن وأفضل


واللبيده بالانكليزي عجيبه
توني أدري :p

بصراحة
بدعت
بسبت هالإتصالات إطلعت منك هالكلمات الحلوة
واللى قاعد بالبلكونه قول له
الحين جونا مو طبيعي
روعة ويبرد القلب

:>

Barrak said...

Aldenya

مادري شطاري علي بيجر هزاز
هههههههه
الحمد لله العبد بخير

على فكره في شغلات وايد محد لاحظها بهالوبوست وخصوصا
اللبيده بالانجليزي


بالنسبة للجو فعلا جونا هالايام موطبيعي
بس ماادري شفيه جونا مخلينا نعاطس

Unknown said...

الحمدالله على سلامة عبيد
طمني بس عسى قرقع اليهال

محمود ياسين عاد
اتروالي حتى المينون اللي فاقد عقله مايرضى يملج عليها

آل حسينه آل
:)))

Barrak said...

nena

الحمد لله على نعمة العافيه

لاايشرك قرقع
انا ماادري شطرى علي محمود ياسين

فريج سعود said...

الحمد الله على سلامتك وما يشوف شر الباتشا مال انت
وين انت انا ما يشوف من زمان انت ما يسوي مر على انا

Barrak said...

فريج سعود
يسلمك ويخليك يااخوي

انا اكو يمر عند بلوج مال انت
بس ماكو يسوي تعليق

Deema said...

وايد حلوة ودي ألعب لبيدة

وايد
:D

Barrak said...

Deema

هلا فيك ياديمه

اللبيده وماادراك ماللبيده