دوّرت الزين ولقيت عماة العين
وتلقّاني حظ مارضى يتصابى
وين الهنا اللي ابيه وين؟
ضاع قليبي محد درى به
انا ورويحتي عالنيّه ماشيين
بضيم الدنيا اثنيناتنا نتشابه
ياكثر مابغيت هالرويحه تعين
بس انا وياها دوم تعابى
انا وقليبي والله مساچين
ضاع وراح منه كل شبابه
احس اني وياك اسدد دين
هذا تفسير ضياعي وعذابه
اي زين ؟؟ماكو الا عماة عين
وحظ عمره وياي ماتصابى
اللي بقى بيناتنا خيال
مجرد حلم ماعمره اكتمل
موّت بداخلي لذة الاحتمال
وكسرت مجاديف الامل
لقياك شي من المحال
شي مستحيل يحصل
ودي اكون لدروبك دال
الدبره بس قول شالعمل
لو تحس بدمه سال
جان خليتلي بقليبك محل
تدري شلون هجرك جتّال
تدري شلون مايحتمل
موّت فيني لذة السؤال
عمره قلبك علي ماسأل
انا ترى بأردى الاحوال
لا عيشه لاراحه لاأمل
الانتظار...
حاله بين الامل
والانكسار
الانتظار
بسمه مرتسمه
وليا ماحس بنهار
الانتظار
.....
يضيع عمرك ..بسبّته
يشيب راسك .. برحلته
وايام عمرك الزاد
الداد ياقلب الدّاد
مابقى شي .. وماصار
الانتظار
......
اللي عمره انقضى
تحمّل ورضى
ماله الا الصبر
يقول ايام وبتمُر
وآخرتها ...دمار
وانتظار
بعدي منو تلقّاك ؟
وبعينه خلّاك
العين والشوف
بعدي من حضن حشاك
لي جيته ملهوف
اللي صار
من سواياك
بعدي منو تلقّاك
....
دوّر روح ... تفقّد
محد والله ... محّد
يفهم تكوينك
ربي يعينك
والله معاك
....
ادري ادري
ماتلقى كثري
كلك يعرفه
انت حاله مختلفه
الله يهداك
...
بغيابي شصار ؟
هنا والا دمار
بعدي عيشتك ؟
الفرح حريمتك؟
وحزنك دايم وياك
ومنو تلقاك
كلّمني
طالع عيوني وطيّرني
كلامك ماخذني
لعالم كله حنيّه
لمكان غير الدنيا
اخذني لاتوهّلني
كلمني
...
بعيونك أبي أتبصّر
بعد تكلم أكثر
اكثر يابعد كلّي
من غيرك من لي ؟
من غيرك مطمّني
كلمني
<<<
عيونك تنطق
عيونك تفرق
اكثر قول
خلني مذهول
ياسرني
كلمني
كلمني
كلمني
ياما وياي .. تماديت
ياما وياك .. ضحّيت
ماصرت لك غالي
بكل سهوله .. نسيت
ياما وياي تماديت
....
ماي العين .. عطيتك
قليبي صار بويتك
ياليت ماحبّيتك
ماتنفعني ياليت
ياما وياي تماديت
...
شاللي تبيه؟
قليبي بتخليه
ليش چذيه؟
ليش جذيه سوّيت؟
ياما وياي تماديت
....
اللي صار مايتفسّر
قلبي تكسّر
والحظ ماقصّر
وانت تباطيت
ياما وياي تماديت
.....
مشكلتي قلبك
مشكلتي احبك
ابي قربك
بس انت عييت
وتماديت
للحين عيوني وقلبي ... أياويد
رغم كل ماسويته
باحبك من يديد
للحين عيوني وقلبي اياويد
فراق وتعب
للحين احب
هذا انا عاشقك
مستحيل اعاتبك
ياحبي الوعيد
للحين عيوني وقلبي اياويد
قلبي للحين .. أيْودي
لو الجرح ندي
اصبر واتصبّر
وحبك يكبر
ويزيد
للحين عيوني وقلبي اياويد
بعد تبيني اصبر ؟
مااتحمّل
حاولت أتجمّل
غيباتك خلت الفرح
يتحوّل
ماأتحمّل
.....
خلك يمّي ...تعبت
من الصبر نشفت
ابي أحس ..بأمان
ترى والله ..تعبان
ابي نرد مثل الأول
ماأتحمّل
....
حبيبي وهّلني
حبيبي ارحمني
عيونك لي عون
تبيني اهتني؟شلون؟
غيابك طوّل
ماأتحمّل
...
تراني تعبان
وهم ولهان
كلي انجرح
ماعرفت الفرح
تخيّل
ماأتحمّل
....
الحل ...ماأعرف
ياللي ماتنوصف
مستحيل انساك
ابي اتم وياك
بس الزمن.. ماوهّل
ماأتحمّل
من الحزن تنفجر للشعر مساحات
ومن الوحده افكار تحوم بالبال
من العدم ممكن تتكوّن حياة
وبقمة اليأس ممكن تنبني آمال
تنولد فرحه من رحم المعاناة
ونلقى للاحاسيس الجياشه مجال
مثلا اذا قضيت العمر محاتاة
بتزين الدنيا بتصير عال العال
ناس كثر ماعلى الهم تبات
تلقاها دايم على الامل تختال
كثر مايجيك الهم يروح زتات
ماكو شي يسوى ياعيال الحلال
عيني لي سألَتْ عنك عطني سبايب
عطني بس اي كلمة أي عذر
ليمتى بقول للحين ترى ..غايب
ليمتى من ردّي ذايقه الأَمَرْ
دوم تسألني شلون احنا حبايب
وكل واحد قليبه مكسور كسر
عطني رد وارحم قلب ذايب
من بعدك تراه تعبان مندمر
مو زينه الدنيا وياي
شحچي بس شاقول
الضيم تمرّد بحشاي
انا تمرمرت بأصول
اقول بصير نساي
انا عايش بس اقول
شاللي راح شالياي
تعبت اصبر ماأنول
بروحي محد معاي
وادري ماميش حلول
الدنيا موزينه وياي
زادت علي الحمول
