كل شي يروح
الا انت ماتختفي
يبقى طيفك يعن
ابقى لك احن
خيوط الوله
انسجها بيوفي
دوم حسك وفي
كل شي يروح
الا انت ماتختفي
....
شنو يعني سنين تروح
شنو يعني تروح الروح
انا باقي على حسك
بموق العيون احرسك
لو شيصير
من حبك مااكتفي
...
لو شيصير احبك
لو تغلى قلبك
رغم كل العناد
انت شمعه بالفاد
ماتنطفي
كل شي يروح
الا انت ماتختفي
تبقى حاضر
رسمه بتلاوينها
غصب عالدنيا وسنينها
انت غايب
وابقى ناطر
وتبقى حاضر
تبقى النسمه بالصدر
تنهي رياح الكدر
تبقى شهقة فرح
وابتسامات الايام
وارق المشاعر
تبقى حاضر
مستحيل نسيانك
عايش عشانك
وعشان عيونك
تراني بدونك
اكسر الخاطر
تبقى حاضر
ياحبيبي خل حملك على القلب خفيّف
بالهدى علي تراني والله وبالله تعبان
ترى اللي مثلي حساس وقليبه رهيّف
ترى اللي مثلي ضايع وياك من زمان
انا اللي تعبان بضيم التعب متغريف
ليتك تعرف معناة كلمة انا تعبان
غيب براحتك بس حبيبي لاتصيّف
اللي مثلي قضى عمره وهو ولهان
سو ماتبي بس خل الحمل علي خفيّف
لاتكثر التعب على اللي مثلي تعبان
حبي لك اكبر من فراق وقدر ومسافه
حبي لك احساس مستحيل اقدر اوصفه
حبك شي يخلي هالعمر يمضي ومااخافه
حبك سراي بيوف روحي يضوي ماانطفى
ادري هالقلب التعب والموت والوله شافه
رغم كل ماصار ماعنده غير حب ووفا
وياك ماعرفت الندم ماعرفت الحسافه
سو اللي بتسويه يازين غيابك والجفا
مو انا اللي يأذيه بعادك والمسافه
فيني شي يصعب علي وعليك نوصفه
على بيبان الوله
انطر خبر
ناطر جواب
يبرد لهفتي
كل هقوتي
قليبي المكسور
ينجبر
على بيبان الوله
ناطر خبر
ماني عارف
تعبان خايف
مهما غبت
تراك انت
تارك بيوفي اثر
على بيبان الوله
انطر خبر
كنت شايلني
كنت مطمني
وينك تعال
تعبان الحال
والشوق كثر
على بيبان الوله
ناطر خبر
لك ايادي الوصل ممدوده
لاتغيب والله وبالله اتدوده
سالفة الوله وياك ترى عوده
قضيت حياتي بس اتعنى
اذبح قليبي بعد وعنّه
وقول له وقول عنّه
بس لاتبعد عن حدوده
حنايآ اليوف متلهفه
شوفلك بالوله صرفه
ياكثر ماتهل وتتهيالي
ياكثر ماتطري ببالي
فيني شي ماعرفه
وايد الاحاسيس يمك توديني
احسك ساكن بشراييني
لامو بشراييني باهدابي
لاا حسك فيني رابي
شوفلك بالوله صرفه
انت بداياتي نهاياتي
ابسط معنى لامنياتي
اوفى نبضه بنبضاتي
فرحتي معاناتي
شي صعب وصفه
اشواق تاخذني لشرايينك
منيتي شوفة عينك
عينك ملاذ لاهاتي
عينك اهي حياتي
عيوني بحبك متشرفه
انتي ماي العين
انتي نسمات الحنين
لون عيوني ومايها
وكل التلاوين
انتي ماي العين
اثاري ماادل راحتي وين
اثاري بعيونج كل البساتين
اثاري انا مادري
اثاري انتي ماتدرين
ياماي العين
هواج يسري بالصدر
يااجمل مابها لعمر
لو ماعليج احاتي
لوما انتي بحياتي
ماعشت للحين
ياماي العين
ابي القاني
بعدت حيل عن مكاني
ابي روحي اللي راحت
ماخبرتها ارتاحت
ياتنوح
ياتعاني
ابي القاني
ابي اللي راح يرد
وتمر الايام ومااعد
العمر سكت بيوفي
عشت بحضن خوفي
يلازمني بحزاته
صار للخوف الوان
يلوني بصفحاته
صار ريشتي
لوحتي
الواني
ابي القاني
تمكني الياس
مو بس
تعبت خلاص
حياتي صارت هروب
شمس الفرح
ادمنت الغروب
لاالزمن يتوب
ولاانا اتوب
حسبي الله على
من بلاني
ابي القاني
كل يوم وريد بقلبي يموت بغيابك
اكو اجسى من هالعذاب
كل يوم يموت من كان يحيا بك
مابقى شي فيني ماذاب
ولهت على حسك باستظل بأهدابك
بعدك كل شي شاب
ترى الوله ضيم ضيم
ضيم والله العظيم
جرب مثلي تنذبح
وصدرك ماينشرح
وتكون مجروح مديم
ترى الوله ضيم
والله العظيم
شلون الدينا بدون اللي تحب
مايفيد لا دوى لاطب
شلون الدينا بدون نديم
ضيم بضيم والله العظيم
منك ذقت ويل الويل
منك مابقى فيني حيل
كل مافيني يتعبر
ماعبر بعد اكثر
مااقول غير ربك كريم
رحت وهدمت كل ماراح شالفايده
باللي صار فينا عطني بس سبب
هذا قلبك مغرور وهذي عوايده
ماوراه الا الشقا والاذى والتعب
الجروح من عرفتك وهي زايده
استحلفك بربك انت تعرف تحب
ترى الالام على قليبي جايده
بقلبي نيران تضوي بيوفي لهب
ودي اعرف بكل ماصار شالفايده
اقسى شي بالدينا غياب بلا سبب
