هنيه بعيني تغفي
على هالهدب الوفي
انثر فيها كلك
انت حياتي
نبضك كلماتي
خلني صرختك
وسرك الخفي
هنيه بعيني تغفي
.......
خل روحك فيني تسري
سلم امرك واسلملك امري
خلنا شي واحد
نفس الحنيه
ياكل الدنيا
خلنا بالعشق نحتفي
هنيه بعيني تغفي
.....
بروحي خل غفوتك
شكثر روحي حبتك
تدفى بماي عيني
خل نيران الاشواق
على صدرك تنطفي
هنيه بعيني تغفي
يا حلم
احسه ومااشوفه
ياحلم حلم
بصدر عاشق
يحبچ من يوفه
انتي الامل اللي اتمناه
انتي اعمق معنى للاه
واعمق معنى للالم
يا حلم
شي مايصير بس نحلمه
شي كبير بس انا افهمه
وايد ابخصه واعرفه
اعرفه واحتار بوصفه
مثل الامل مثل الهم
يا حلم
يناديني من بعيد البيه
لو ماينادي احتريه
واقضي عمري ناطر
تايه ضايع مسافر
وعلى هالحال اتم
يا حلم
ياكل اللي راح باصبر
ادري اني ماأعبر
بس شسوي
الزمن دوم متقوي
ماعنده دم
ياحلم
الدنيا بدونك عذاب
كل الشقا بيوفي ذاب
شهالعمر اذا انت موفيه
شهالحياة وانت موهنيه
اذا قلت انا عايش
ترى چذاب
الدنيا بدونك عذاب
تمر الايام وانا بهمومي
الكدر اهو اخر علومي
صدري تحترق ضلوعه
انا اللي عينه غورقت بدموعه
لاعزوه لااحباب
الدنيا بدونك عذاب
تبي اكثر وايد فيني
وايد بيوفي وايد بعيني
خلص الكلام بقى الالم
وبقى قلبي اللي انظلم
قلبي اللي ذاب
الدنيا بدونك عذاب
تتحملني؟
انا فيني وايد
تقدر على حزني
و ترد الروح فيني
اللي راحت مني
تتحملني؟
تراني قصة اليمه
تراني ظلم وظليمه
فيني وايد تقدر
فوق ماتتصور
الحزن مغرقني
تتحملني؟
انا غير عن العالم
ويا الدنيا مو متوالم
انا دايما اتعب
الكل وياي جذب
دايم قلبي يعورني
تتحملني؟
ترى رهيف احساسي
تراني وسواسي
فيني عيوب زايده
طيبتي وايده
محتاج من يفهمني
تتحملني؟
شفت منك انا الغرابيل
بس احبك وصبري فيه اجر
درب مأساتي معاك طويل
مااقول غير كل شي بيمر
حمل حبك علي ثجيل ثجيل
ماشفت وياك شي يسر
اتصبر يمكن على قليبي تميل
وياك ماينفع شي الا الصبر
منو غيرك وصلني هالمواصيل
احس بين ضلوعي ويوفي يمر
سو ماتبي نسيانك مستحيل
اللي بيني وبينك عشرة عمر
جرح غيابك يوميه علي يعيل
مو بس يعيل كاسرني كسر
عيني سهيره وجسمي نحيل
كل حره منك تكسرني وتحر
كنت في عيونك اختفي من دنياي
ينساني العطش يااحساس الماي
كانت الهموم تتعداني
كان الشقا يتحاشاني
كل شي حلو صار لي
وانت وياي
كنت في عيونك اختفي من دنياي
ماأذكر بوجودك تعّبتني .. الايام
الحلم صار واقع نسيت ..الاحلام
حتى الصبر ماعرفه وياك
كنت مهتني مبتسم بدنياك
ياكل اللي راح واللي ياي
كنت في عيونك اختفي من دنياي
