إِنْتَ سِرْ بحياتي محّدْ إيعَرْفَهْ غير قلبي
والحِلْمْ اللّي أَنام وأَصْحَى عَلى حِسَّهْ
إنت الحياة اللي حَدِّدَتْ إتّجاهات دَرْبِي
والشَّي اللي عمري ماألقى نَفْسَهْ
أَدَارِي ومحَّدْ دَرَى بْغَلاتِكْ غير رَبّي
الحب الخفي ما كو مثله أَجْسَى
يبقى شي بداخلك يَجْبُرِكْ إِنّك تْغَبّي
تغبّي الشوق تغبّي الوله و الهمسه
تبقى أعذب خيال يَسْرِي
بْرَيْحَاتَهْ بقلبي
وحلم داخل أُفَّادِي مَنْبِعَهْ
وْغَرْسَهْ
انت والليل لي توالمتو التقي وأتعب
اتوسد هموم الوله والشوق ونيرانه
من أغفي احس العذاب بصدري يتزهّب
سهاد وحشا مذبوح شصاير فيني انا
الناس تنام وانا احس الروح اتسحّب
شلون يهيع قلب تمكنت منه احزانه
اقول اني بنام وانا على نار أتقلّب
شلون ينام اللي روحه تعبانه
انت السبب وبكل شي متسبّب
من عرفتك ورويحتي دوم ولهانه
ماعمري لقيت بهواك راحه ومكسب
بذمتك تعرف حب؟بذمتك أمانه ؟
خليت الليل يعلمني شنو اتعب
توسدتني هموم الوله والشوق ونيرانه
محتاج ابقى عليك .. ولهان
مابي هالشعور يضيع مني
لما اوله احس بأمان
اشتياقي لك شي يطمّني
لانك اصل تكوين الحنان
ولانك الفنيه اللي تكوّنّي
افتح لي لدروبك بيبان
وخلك قريب من حضني
ماحسيت براحه من زمان
الراحه لما انت تتوسدني
ياللي حسك اعذب الالحان
احسها كلما يمك ادني
محتاج ابقى عليك ولهان
ومابي هالشعور يروح مني
كل يوم وريد يموت .. بغيابك
أكو أقسى من هالعذاب
يوميه يموت من يحيا بك
مابقى شي فيني ماذاب
ولهت حتى على أهدابك
بعدك كل شي شاب
ابسط شي تهديني عذابك
أقسى شي اجاسي هالعذاب
احنا محتاجين
نشوف انفسنا
نشوف داخلنا
نهدّينا نطمّنّا
نكسِر أقنعة .. مايخالف
مانخلّي القلب خايف
نواجه الروح اللي متعبتنا
ونشوف انفسنا
.....
نأجّل موضوع الدموع
نأجل موضوع الخضوع
نأجّل .. كل موضوع
ونشوف الشي اللي يدبّخْنَا
ونشوف انفسنا
....
من حديث الروح ... لابُدْ
لاتخلي الالم فينا .لابِدْ
نقول لا بوجه الغلط
نحط الحروف النقط
ونسكّت حفلة ازعاج .. داخلنا
ونشوف انفسنا
لانمثّل
ونوهم الخطوه بنكمّل
مستحيل نتفق
او واحد يستحمل
لانمثل
...
بايدينا حطّمنا المحبه
الكل شال الغضب بقلبه
ليش نتأذى ونتعب
ليش اصلا نتعذّب
شباجي بعد ؟
شبنحصّل؟
لانمثّل
...
راح اللي بيناتنا
ليش تستمر حياتنا
وبداخلنا عناد
وتعبان الفاد
شنو مني
وشنو منك متآمّل؟
لأنمثّل
....
ليمتى ادوار التمثيل
اللي صار مو جليل
النهايه اهي الحل
قلبي عاف ومل
وانت مو متحمّل
لانمثّل
...
ميادين الامل تكسّرت
وايد امور كبرت
الجفا يوميه ينعاد
كنت اقولك صرنا بعاد
كنت وايد تستسهل
لانمثل
مشكور
علمتني عالجساة
قليبي مات
شاللي بينبض فيه
مشكور على ماتسويه
وعلى الالم والمسرَّات
علمتني عالجساة
...
كنت متصور بتحطمني
قوّيتنِي يوم تركتني
وايد انت علمتني
تعلمت انساك زِتَاتْ
علمتني عالجساة
...
اللي مثلك لابد أَنْهِيهْ
حرام بعد أَعطيه
قلب كل مافيه
نَقَاوَتْ ذات
علمتني عالجساة
...
لاأُوْلَهْ على عيونك
ولاعيوني يحبُّونِك
حياتي بدونك
يازِينها من حياة
وياحلو الجساة
