Sunday, October 25, 2015

كل شي بيبرى


علشان العشره

لازم اضحي

واحضن جرحي

واصبّر قلبي

وإن ماصبر .... 

أكسْرَه

علشان العشره

........

لو كل شي  فيك تناساني

بكل معنى للسماح بتلقاني

 مايرد العمر اذا ضيّعناه

مافي شي يبرّد حرقة الآه

خلنا نواجه اللي نخافه

لاتنكتب بقصتنا الحسافه

نمنع كل صوت يبعدنا

ونذبح كل نبره

علشان العشره

......

قبل لاالندم يذبحني 

بامد ايدي لك

ولو حضن القهر لمني

بأعلم روحي من يديد تحبّك

حتى لو علمتني ... أكرَه

علشان العشره

.....

بحياتي تعلمت بس أعطي

وانت تعودت بس تخطي

باصير الغيمه اللي تروي

ونجمه بسماك تضوي

ومرد كل مافيني ...

بيبرى

علشان العشره







Tuesday, October 13, 2015

زتات



لي صار مع التعب حكايات

لي تمكن مني الوله 


وسكاكين الحنين


استقرت بصدري بْرَهَات


اغمض عيني


واتخيلك جدامي......


ويتلاشى الالم


لما تكوين الخيال 


يكون نسيجه انت 


تموت الامي....


اغمض عيني


لما احس بموتي


والقى بطيفك حياة


لي صار مع التعب حكايات

........


لا ابد ماهو هروب


انا من بعدك مرعوب


زايده نيراني وتسعر


محمل الصبر تكسّر


اغمض عيني


لاني مااتحمل


ضيم


ووحده


ومعاناة


لي صار مع التعب حكايات

.......


الواقع يجبرني اهرب لك


كل شي ظلمني ابي عدلك


ضيعت عناويني بس ادلّك


انت الطريج 


وانا عويج


غمضت عيني


تعال زتات


 صارلي مع التعب حكايات


Sunday, October 4, 2015

إنتي هروبي

إنتي اول درب بلحظة هروبي


 اللي تزينين بعيوني عيوبي

إنتي الملاذ

إنتي رذراذ

يروي ضما دروبي


------

لو نوت الأيام ..وعزّمت تجرح

لي سل التعب سيفه

بعيونك اسرح

إنتي الأمل

لو حط الوقت دوبه

ودوبي

إنتي هروبي

------

إنتي المنتهى 

وبدايات الفرح فيني

إنتي كل شي حلو 

شافته عيني

من هواچ

تعلمت غاياتي

ورسمت أسلوبي 

وهروبي