Wednesday, March 25, 2015

غُض النظر




غض النظر 

لاتشوف فيني الهم 

لو كبر

غض النظر 

لايهمك حزني

لو كثر 

كل شي ممكن اتخيله

الا انك تكون بشر

وغض النظر 

....

مهما صار هذا انت

من الاحساس نشفت

ادري انك راضي

ونسيت الماضي

وقلبك ماكذّب خبر

.....


انهيت كل القصه

ذبحت اللي زاد حرصه

وتحمل فوق ماتحمل

ومع هذا كمّل

للاسف ماعنده بعد نظر

وغض النظر

Monday, March 23, 2015

روح وعين




تهل نسايمك وأذكر ما مضى

ينشرح الصدر وتفرّح العين

لو غبت مكانك باليوف مافضى

لك بالخفوق علوم  وبراهين

انت النسم وآخر نبضٍ أنبضه

إنت الأمل انت اصل  الحنين

لو تزعّلني كلي عليك رضى

 باختصار  دنياي وياك تزين

الماضي يتجدد فيني ماإنقضى

مهما مرّت الايام وطوتنا السنين

كل شي  يمضي الا حبك مامضى

شلون وانت ودقات الصدر والعين

زهيري



ياللي عيونك فيها من الحسن .. آيه

ياللي جمالك له نور  ... مايتوايه

من آشوفك اروح بذيك ... الحكايه


شاقول بس شاحجي عن حسنك

شلون اوصف بس ضحكة سنّك

تصدق إني مرات احس إنك

 اكبر من زهيرية واعذب من روايه

حابّك



مثل الوله اللي فيني .. ماانْوَلَهْ

محدٍ ابد تحمٌَل ..اللي اتحمّله

بكل لحظه تمر اعاتبك

حرام اللي تسويه فيني

والله حابّك

وهذا اللي شاقيني

وعمره

طيفك ماانجلى

مثل الوله اللي فيني

 ماانوله 


....

مثل ردة الروح ..لين شفتك 

مثل اشابيه النور لين لمحتك

كل كلي ناداك

ياللي القلب خلاك

مكانه

ودنياه

وبيته

وخليته ..

 بحبك ابتلى

مثل الوله اللي فيني 

ماانوله


Monday, March 16, 2015

هلكت من الجفاف





كل شي حلو .. مر ...وطاف


متى القى ملاذ؟؟


ويحتويني عطر الرذراذ


هلكت من الجفاف


متى حطام الروح

يلقى من الدنيا انصاف ؟؟


.......

متى الحزن تتغير ألوانه ؟؟


متى الزمن يذكرني أنا ؟؟


ويعطيني أمل ينسّيني أخاف


.......

اسئلة .. نهشت .. أفكاري


وآفكار .. أشعلت .. ناري


ونار ..كتبت .. أشعاري


وأشعار تصرخ ..محد داري


ولاحد شاف


كل شي حلو .. طاف