Wednesday, May 9, 2012

كل شي مقدّر


اللي مع خلّه .... يسهر

واللي من الألم ...يتعبّر

واللي يفكّر بهديّه ..

واللي غارّته الدنيا ..

واللي بحادث تكسّر



........

واللي من المرض ينتفض

حامد ربّه ابد مايعترض

موكّل اموره .. للرحيم

محدٍ عليها .......مديم

كل شي مقدّر



.......

واللي ينام عالمليارات

حياته طقطقه وحفلات

يظن مايتألّم لحظه

يحسب محد يمرضَه

ولاراح يتحسّر



.....

واللّي واللّي واللّي 

شقول بس شخلّي

الحياة عجيبه

صارت غريبه

فوق ماأتصوّر


.....

واللي بجبينه ..آثار سجوده

يحترم الكل وعارف حدوده

يدري فيه رب بيحاسبَه

عمره ابليس ماكان غالبه

مايعرف يتكدّر


.....

واللي الندامه تطعن قلبه

مضيّع مساره ودربَه

غرّته الايام والصحّه

مااظن بيوم بيصحى

مول مايقدر


٢٠-٤-٢٠١٢
الجمعه

Friday, May 4, 2012

عارف غلاك




لاتهدد برحيلك 

 وانت ابخص بغلاك

مااقول دخيلك 

 خاف ربٍّ سوّاك

 كيف تنوي الرحيل؟؟

وفيه من مات … بهواك

لاتهددني برحيلك ... وانت ابخص بغلاك

                  

٢٠-٤-٢٠١٢الجمعه