Friday, February 3, 2012

بسنا شِمَاته






ياللي ماعندك غير التشاؤم والتحلطم ... والشماته

عطني إيدك قوم .. .......الوطن والله محتاج لنا

ان كان  بروحك ........شوية أمل يسلمِك هاته

شوي منّي ..وشوي ومنّك......... والدنيا بتبتسِم لنا

إخذ صوتي إخذه ..........وآخذ صوتك بكل نبراته

واذا مثلي متجتّف .. ترى فيه أيادي ......بتنمَد لنا

فيه............ بيرق أمل ....يحدد لكل متفائل جهاته

طِيبتنا..... بتعينّا على  اللي شايلينه ....بقلوبِنا

الحلم ......بنلقاه ببسمة طفل ....توه مبتدي حياته

ترى الواقع ..والماضي ..والمستقبل.. بإيدينّا كلّنا

كل واحد فينا ملزوم .....وله حق ....يحقّق أمنياته

ويحس ..إنه تلمّس حلمه ..وصوبه ...قرّب ..ودنا

لابد الكل يتعلّم من ...زلّاته ...وأغلاطه ....وعثراته

المفروض ..كل واحد يكون ..بكنز القناعه ..إغتنى

المفروض حب الوطن ..نعرف  شنهي صفاته

ليش يعني مانعيش بعزّه.. وكرامه ..وتقدّم.. وهنا

حرام بس بس كافي تشاؤم .. وتحلطم .. وشماته

بها الوقت بالذات ..ترى الكويت ..محتاجه ......لنا

3-2-2012
friday

يادهينه




مبروك علينا
وعلى ماسوّينا
هذي اصواتنا
تترجم أمنياتنا
الجميله
الخاثره
الزينه
مبروك علينا
.....

هذي كلمة ... شعبي
راح ترسم .....دربي
وتخطط مستقبل عيالي
وتحدد ابسط آمالي
وتدلّينا ..وتِجدّينا
مبروك علينا
.....

راح نطوف ألمانيا
ويمكن بعد ايطاليا
الكويت بتصير جنّه
ماكو حنّه ورنّه
مانبي أحّد يحاتينا
مبروك علينا
.......

إحنا شعب نعاقِب
مرات مالنا صاحب
بس الشخص الواضح
اللي بالصّوت فالح
ويسوّينا يادهينَه
مبروك علينا
.....

الشعب مايبي نائبات
نتقبّل الإختيار بسكات
مانزعَل ولاإنتحلطم
ماكو شي تحطّم
هذا ماسوته
ايدينّا
راحت علينا
٣-٢-٢٠١٢
الجمعه