Tuesday, July 27, 2010

إنت الأمان





إنت الأمان

اللي من سنين.. أرتجيه

إنت المكان

اللي تمنيت .. ألاقيه

ولقيته بعيونك

يامنبع الطيبه

والحنان

إنت الأمان


...

إنت إحساس ....ماينوصف

أبي أوصفه .. ماأعرِف

إحساس يطمّن ... ويسرْ

فيه من العذوبة.. والسّحر

وفيه من المعاني

ألوان

إنت الأمان

...

مالي غير حضنك ... حضِن

ماألقى مثلك ..... ماأظِن

وليش ألقى .. ياكل المنى

إنت .. لحظات الهنا

اللي أتريّاها

من زمان

إنت الأمان

٩-٣-٢٠١٠
الثلاثاء

Friday, July 16, 2010

ألمان




تدرون شكثر بينا وبين الالمان؟؟

انا أجزم.. مليون سنه ضوئيـه

ماتلقى واحد مكسور ..وتعبان

لاشايب لاصبي ..لاعيوز لابنيه

ودي القى واحد ..فيهم عيزان

والا واحد ضايقه فيه ..الدنيا

من غيرهم يعرف قيمة ..الانسان

من غيرهم يقتل معنى .الإتكاليه

تلقى الرسام العالم الفاهم الفنان

واللي يلاحظ نبته ويراقب صمّيه

حتى راعي المطعم متعلم وفهمان

مالقيت عندهم حراميه وجمبازيه

ناس سطّروا للعلم قيمه وعنوان

ناس ماشين صح وفعلا شقرديه

تدرون شكثر بيننا وبين الالمان

اذا مليون سنه صدقوني شويه

Friday, July 2, 2010

ضاق الصدر





ضاق الصدر

والوله

 كسرني كسر

ضاق الصدر

وشلل فيني شراع الشوق

وتوهني وغرب بسمتي

وخله بوسط يوفي

الام ولسعات جمر

ضاق الصدر

...

حبيبي

انجبرت ابتعد عنك

فقدت ضحكة سنك

وفقدت الطيبه

تعبت من الصبر

ضاق الصدر

......

يضيق الكون بغيابك

قلبي تركته عند بابك

ماتعلم يدق الا باحضانك

ياللي الامان عنوانك

شوفتك تِسر

ضاق الصدر