Thursday, August 28, 2008

أيبـــــــــــاه



أنساه !!؟

ليتني أنساه

وأنسى طرياه

أنساه !!؟

ليتني أنساه

بكل لحظه تمر

عالبال محاريه

أنساه!!؟

شلون أنساه

وكل دقة بقلبي تبيه

كل شي فيني

يموت فيه

إيه والله

أنساه!!؟

،،،،،

أقول ماراح ...أذكرَه

وحبه بقليبي... سرى

تجذّبني روحي وتفضحني

ماألقى حد يسندني

وأرد من يديد

أهواه

أنساه!!؟

لــيش أنســـاه!!؟

21/8/2008
الخميس

Tuesday, August 26, 2008

قلعة وادرين

لو يدقون اللحين
ويقولون ربحت ملايين
شتبي تسوّي فيهم؟؟
وين بتودّيهم؟؟
أقولهم: ماأعلّم ياملاعين
لو يدقون اللحين
،،،،،،
أول شي أطق رقبه
وأطلب ماي أشربه
وأريّح على القنفه
وتطلعلي عِجْـفه
وقذلتين
لو يدقون اللحين
،،،،،،
أشتري فريجين بباريس
أخلي العموم بالرطوبه يخيس
مايهمني أي أحّد
من هناك اقول شهالمقرّد
شهالمساكين
لو يدقون اللحين
،،،،،،،،
أزرع شعر وزلف
وأخلي القذله عالجتف
أشتري نادال وكاكا
وأشتريلي سته مصاكَّــهْ
يقلعون ناس قلعة وادرين
لو يدقون اللحين
26/08/2008
الثلاثاء
يدقون : يتصلون تلفونيا
أطق رقبه : أي أحرك رقبتي يمينا وشمالا
القنفه : الأريكه ( حلوه الأريكه ) شي
عجفه : ظفاير كما قالت أنغام لو شفتك ويا وحده أخنقها بالظفيره
وأعرف مليون وسيله نوصل لأبعد جزيره
فرجان : ومفردها فريج أي الحي
يخيس : ماادري شقول
المقرد: بتشديد الراء ومفردها مقرود أي سئ الحظ
الجتف : الكتف
مصاكه : ومفردها مصك وهو الشخص القوي البنيه المتعافي مثل تايسون مثلا
يقلعون :اي يقتلعون او يحذفون وتقولها عادة الام في السابق عند شقاوة احد الابناء ولما يتعور تقول قلعه
قلعة وادرين : وهو مكان بعيد يقال انها قلعه بالبحرين أو في تركيا عند جبال الاناضول

Friday, August 22, 2008

أستحمــــــــله



مدللّـــــه

 وروحي لـــه

ياخذها بكيفه

ماتعودت أحاسبه

أو أعاتبه

ولا حتى أسألــــه

مدللّـــــــه

،،،،

لو أتعب فدى عيونه

فيه من السحر نمونه

ومن العذوبه نماين

أهو المقدّر والكاين

لو شيسوّي

محللّــــــه

مدللّـــــه

،،،،

يتدلل بعد وايد... يتدللّل

يسوي مابداله... أتحمّل

حشاشة يوفي أهوه

هو المنى والسلوى

أنا عايش عشان

أتحمّلـــــه

مدللّــــه


8/4/2008
الثلاثاء

Wednesday, August 20, 2008

يرّة أذون

تراهنون
جم طراق بنشوف
بالتلفزيون
تراهنون
بنشوف بكسات
بنشوف كمعات
ويرّة أذون
تراهنون
،،،،،،،
أراهنكم على المسلسلات
أراهنكم على المأساة
اللي بنشوفها برمضان
بنشوف المكياج بالأطنان
والقصه من غير
مضمون
تراهنون
،،،،،،،،
بنطالع عرض للدراريع
بكل حلقه بنقول وييع
مثل كل سنه نفس الأوادم
نفس الوييه نفس البراطم
اللي يخرعون
تراهنون
20/8/2008
الأربعاء
طراق : ضربة الكف بالوجه والجمع طراقات
كمعات : ومفردها كَمْعَه بفتح العين وهي ضربة الأصابع من الخلف بوسط الرأس وعادة ماتستخدمها الأمهات سابقا في تأديب البنات ويقولون يبيلج كمعه
يرة أذون : جرّة الأذن
وييع : كلمة تطلق للإشمئزاز من شئ ما
الوييه : ومفردها ويه بتسكين الهاء أي الوجه
البراطم : الشفايف ( بؤق) بالمصري
يخرعون : يخوفون
بجم تراهنون ؟؟؟؟

Sunday, August 17, 2008

حسين الفضاله

ردوا لنا ولد الكويت الفضاله
لابد نترك اشغالنا ونفضاله
ولد الكويت ماتنِّسي أفضاله
ياناس  نبي ولدنا حسين
خذوا حس مني ومنكم حسّين
يااهل الكويت ادعوا لحسين
يرجع لنا ونفرِّح عيال الفضاله
الأحد
17/8/2008

Saturday, August 16, 2008

عزف الطماط

بتِنعرف؟
وإلا بتضيع بيناتهم ؟
شدراك
يمكن الصدف
تخليك نجم بحياتهم
يمكن يحذفونك بطماط
يمكن بورود تِنحذِف
بتنعرف؟
،،،،،،
بتطبع ذكرى على أوراقك؟
ممكن يزيدون عشاقك
ويصفقولك
وإنت تعزٍف
بتنعرٍف؟
،،،،،
بتشوف حلمك ومناك؟
بتحس فيه حد ويّاك؟
وإلا بينسونك؟
مايحسَونك؟
وإلا بأروع الكلام
بتنوصِف
بتنعرف؟
،،،،،
24/3/2005
الخميس

Sunday, August 3, 2008

برنامج صباح الوطن

تحديث : لسماع المقابله دون موسيقى

http://www.youtube.com/watch?v=e_m337F9Hs0&feature=related

http://www.youtube.com/watch?v=8CTQLgN2FCE&feature=related

تحديث : تم اضافة اللقاء كاملا

أول لقاء تلفزيوني لي مع قناة الوطن برنامج صباح الوطن وقد سجلت هذه الحلقه يوم

الأثنين الموافق 28/7/2008 الكويت

لاحظوا كم مره قلت (( من هذا المنطلق)) وقطيت بدليتين

video

للمشاهده بدون صوت الموسيقى على اليوتيوب

http://www.youtube.com/watch?v=U_ePvnILVvY

الجزء الثاني

video

الجزء الثالث

video

الجزء الرابع

video

كل الشكر للسيد متفاءل على مساعدته لي

http://mtfa2el.blogspot.com/