جريدة وقناة

لو أملك جريده

لو أملك قناة

جان نثرت محبه مسطّره

وخليت للحب بيت وذرى

وأخلّي البرامج

كلها غناوي

وأمثال مفيده

وسمرات

لو أملك جريده

لو أملك قناة

ماأدفع للكتّاب بكيفهم يكتبون

أعلمهم على الكويت يخافون

وتكون بقلوبهم أمانه صحفيّه

بيكتب الشايب قبل البنيّه

هذي تكتب قصيده

وهذا يرسم للصدق

اثبات

لو أملك جريده

لو أملك قتاة

بحط مذيعين غير شكل

بامنع عن المذيعات الكحل

واسوي مناظره عن البدليّه

بالصور اكشف ناس انتهازيه

بعيّن مضحي وتفيده

وجاسم ومزنه وآيات

لو أملك جريده

لو أملك قناة

25/2/2008

الاثنين

العفو

ماخبرنا قبل قلنا شيعه وسنه

واخوان وسلف وحضر وبدو

هالوطن منّا واحنّا كلّنا منّه

وعند المقدره اسهل شي العفو

ياأهل المطبه وشرق والدمنه

بالشدايد ينعرف الاصيل من اللّفو

لاتسمحون لصوت نوى يفرّقنا

ومن نهل الطيبه ياطيبين إغرفوا

مثل مافيه ناس همها تأخّرنا

فيه ناس بديرتنا ونعم وكفو

ماخبرنا قلنا شيعه وسنه

وسلف واخوان وحضر وبدو

19/2/2008

الثلاثاء

ماأناديك

ماأناديك

هذي دقات قليبي

شفقانه فيك
ماأناديك
من كثر ماأحبك

قلبي دقاته تنسمع
كل شي فيني

ميّت عليك
ماأناديك

بداخلي هيام وأشواق

أنا عاشق هام ومافاق
زاده بدنياه حلمه

بدقة قليبي كلمة

أبيك
ماأناديك
أحبك ياحشاشة يوفي

أحبك يانظري وشوفي
يابعد قلبي ياروحي

احتارت حروفي

مادري شسميك
ماأناديك
هذي دقات قليبي

شفقانه فيك

آه يابلد

قرأت في هذا اليوم عدة مقالات في الجرائد وفي المدونات، وقرأت خبرا اليوم يقول ان وزير المواصلات سوف يراقب المدونات ولاأعلم ماهي الاسس الرقابيه التي سيستعين بها الوزير أو المكلفين بهذا الموضوع

السؤال الذي يطرح نفسه من هو صاحب النظره الثاقبه في ادارة امورنا ومستقبلنا ومستقبل ابناءنا

نظره ثاقبه

ماهمها تشوف الصّح

ماودها تنصح

تبي التدوده منتشر

والجذوب غالبه

نظره ثاقبه

تنوزن الأمور بالعدال

وينمحي رونق الجمال

وينفرض الفراغ والملل

ماله داعي العمل

وهي خاربه

نظره ثاقبه

استوضح دلاليل الخنبقه

اشحادك يالمسمار قال مطرقه

تطورق بالأوضاع بقوّه

أمّنهم بحجوه

وأقوال متضاربه

نظره ثاقبه

إمنعهم يشوفون حلول

انسى السّنع والأصول

خل منطقك ماكو شي

وهقهم شوي شوي

وقول كيفي للي موعاجبه

نظره ثاقبه